¹ Yimawoni ti ni yi su piyepiye na,yisuni kame mba ti ni mabima rii kare. Gah ni riisi yesona,ni unghumu ni su ba ni ma zeze du kpare.unghoni yikre na kanyuyi. ² Ulu riishenghu ni kpare,ti ni hinghu so,ka ti ni Musa na su riishenghu shwrashwra ni kame kristii kpare. ³ Khiga usu ku unghu yeso usu na kumloyi kra na Musa,asu nyumunga unghu ti ni meh khiri usu na kumloyi kra na khirii ti ni unghu meh. ⁴ Ingri mu ni meh khirii shasha,ki kpare mu ni meh ariinghho shasha. ⁵ Unghu Musa uwu kutundu kpare ulu riishenghu ni khiri kpare shwrashwra su ruwhu ariinghu ti ni ma riiya ti krekre ni riisima ni gahiyi. ⁶ Unghu kristi uruwhu khiri kpare. yisu khiriinghu ni yi bi gbegbe khisheru mikii na kusohmikii ti ni riichi kpafu nikre nghu. ⁷ Nyumu,usu ka ti ni uwhu riisi kre; "lrehnghu,ni buwhu lilanghu. ⁸ Ka bwa mkikiiyi nayi ka ti kuchukulu ni rukpu ti ni ma mahma kawhu ni kameji. ⁹ Ngami nasu ni matiyina ti kasa ma chukulu kuma kamah mi, na ni kame iyie awuane umawhu ariingho ti ni mi lu. ¹⁰ Nyumu,mi sa whu kulombakhize ti rukpu ngabunga mina kre, "ku uma ma sari kri ni gahinga ni mikiima. masa whu ukru arii gahi ti ni mi luluunghominga". ¹¹ Usu ukru ti ni mi thrumangri ni kame kafu 'ma sa riiya ka ni khiyiminga' ¹² Lu rere na mawonina mbaluna,ti ni kameyina ma sa riiya fe indiyina ti ni riiya su na mikii ti kubinga,mikii ti ni hwrey khizi na kpare ti ni su na khishi. ¹³ Su mba ti ma kumwo khizi nghiyina ikprina kpri,ti ni ma bi"bebenghu", indi ni kameyina sa riiya fe khizri mikii ni kre kumbre ti ngho riibinga. ¹⁴ Yi su maka kristi ni yi bi mikiiyi gbegbe na khibiyi nanghu ti khiriirii ya thuu kacu ru gbowa. ¹⁵ Ni kre ungho ngami make ku, "lrenghu,ni bu hwu lilanghhu, ka bwa arii mikii nayi, kati kuchukalu". ¹⁶ Andi gu ni hwu lila kpare si chukulu? lna sasu shwrashwra mba ti ni ma ruurii miki masar nubo Musa nga? ¹⁷ Na andi gu ni nalu kafi ti kri awuane? lna sasu na na mba ti ni malu nghoriibi,ti ni ruukuma ruuyoku ni kameji? ¹⁸ Uthuu mangri ni mbarii ku ma sariiya ka ni khiyighu nga,lsa su mba ti ni masa hwu krenghunga? ¹⁹ Yi hwu ku ma sa fe sika ni khiyinghu ni kre ma sabi nanghunga.