¹ Nyiemu yi riiya di mikii riisisi ni ungho ti ni utu whu,ti ni yi sariiya zu gahindi gbvanga. ² Ni ikre ti ni makre zu kanyu mba klutundu kpare yi whu usu nyiemu,ku ungho riibi ti ni yilu na kumgbitu ma ruuya fe riingra nyiemu mama na ma, ³ Khiki gu ni gu yi riiya hwrey ni yi ranghuyi ti bu kubusabongami? kubusabo ngami mu ni Dada zeze kre mba ti ni whu natu mabeh sikre nayi ku usunyiemu. ⁴ Na rukpunghu kpare bewa kusunyumu si klanghu na ariingho ti ni mangri riiya whu,su lu ariingho mba ti dakrakrama,na khiga ariingho ti uwhutisiinghu ukru tini ma nanghu. ⁵ Nikre ugbumiti ti ni riiba kpare sa na mba kutundunghu na ti ni ubomanga. ⁶ Nyemu,unghru kre ni kanyu kukre, "Aki usu ingri,ti ni bu riinganghu ni mikiiwu? Reuwungri,ti ni bu menghu ruwhu riisisi? ⁷ Bu me ngri s sa maa mna mba kutundu kpare nga, bui kruunghu na thro riisi na ariingho tio arii iriye. ku bu songhu ni riisindu arii bowu. ⁸ Bu lu ariigho shasha ni uriiuho tanghu".usu unghumu ni kpare ughungho shasha lu niuriiuhonghu.ki bebenghu yi sa whui ariingho ti ni makpi niuriiuhonghu. ki bebenghu yi sa whu ariingho ti ni makpi ni uriiuhongri nga. ⁹ Ako yiwhu unghu ti ni ma menghu ti nasuwucici ni arii mba kutundu kpoareti rukpu wugya, yeso, ti ni ma kruu nghu na thhroriisi ti mba ariiriye nikre kuwa riingra na rufu,sina khighrey kpare l riiya fu wunahenyi ni kre riisih mangri shasha. ¹⁰ Ungho ngami uma ni kpare,tini ariingho shasha whu ni ngunghu unghu mu piye uluma,ti ni mawu na nghogho ba kukpako ti kyranana. lna ma na unghu na lu ingri ti ni bi khikrasabo ba na mloyi ni gahi ti arii kuwa riingra. ¹¹ Na unghu ti ni kro mangri piyepiye na mba ti ni makro ma ma rii kachu wundidi. Nyumu lsa su ungho riisii nanghu nga ti ni riibi ma ku mawoni. ¹² Ikre, "mi riiya kre ndewu ni mawoni, mi riiya ta shumgba ni kre riisih wu ni kame mangri ti ni mahalu". ¹³ Piye, "miriiya bi na nghu". Na nyumu, "whu, gamimi na mawu ti ni kpare nami". ¹⁴ Nyumu,ukru ti ni mawu ma riiganguma ni igah na mayi,unghu piye igah ni kame ariingho mbami,nyumu ni kame rufu i riiya ji unghu ti ni su na khisheru ti rifu,unghumusu, ukpre ribii. ¹⁵ Ungho ngami usu nyumu ti ni unghu riiya sabo arii mangri ti ni kre tshetshe rifu ma rii kpi ka arii ifi. ¹⁶ Ti riishenghu isa su arii mba kutundu kpare ni unghu riighrey ma nga,usu mawu lbrahim. ¹⁷ lna si ti na unghu na whreh basu ka mawori nghu ni arii gahi shasha,ti ni unghu riiyasu tigba ti ni su na kumro mikii na riishenghu ni ariingho ti kpare,na ti ni unghu riiya bi kulurii ba ni kre ariingho riibi ti mangri. ¹⁸ Usu ti ni yeso uwa riika na kufe kuma,nyumu a hwu gahi ti ni riiya ghrey mba ti ni mafe kuma.