Ugrii 6

1 Ni kpri mbami,ti ni lamba mba ti du uwu kpare bu yhewa ikrii bu rii rii namba Helinawa yahudawa ni riisii mba ibraniyawa ku ma ba kayi rii ne mangha wafu ma'nga ni ku gah ire ti kona kpri. 2 Awu shi aha din bu bee re'ngre mba ti du dima sii krii,"bariya ti sii ti ishe ti kla ikrii kpare shi iya gah iringa. 3 Chu mawuni,taba ni kame yena,mba risiima,ti ni ma mlo ni uhu ti siingh na imhi ti ni yati nama ndu nanghu. 4 Yiyi,ya kpe ni ku lu rifeh na ku kla ikrii kpare". 5 Ikriima bu loo ni gbu mangre dima.uma chu Istifanu,ingre ti ni mlu na uhu risi na kiibe,na Filibus,Prochoris,Nikanor,Timon,Parmems,na Nicolaus proslite mbami ba kachu almajiri ma lu refeh sii du ubo nama na uhu risi. 6 Mbati du mba ni bu be mangre mbami ba kachu Almajiri ma lu refeh sii du ubo na ma na uhu risi. 7 Ikrii kpare kreka gogbu,ugbu mangrii urushalima bu jih wa na nghu nghu,na lumba ti arii Firisty tama bu bii na ku biidin. 8 Bebenghu Istifanus bu mlo na kulu kpare na ku shiru,siika lu nghu ti taisa na ngho ku ga ni kameme. 9 Ningha mangri saga bu nyande ti ni masu mba ti shakpa ti na ma riibe ku shakpa ti mba ni ma wher ti cyrenians na Alexandrians na mba saga re cilicia ma Asia.mangri mbami ma ka triingba na Istifanus. 10 Ma bayati kpe gbegbe nga na kru imi na uhu piye piye ti ni Istifanus krii nanghu gah. 11 Ma na mangri ngba ku ma krii ku" Ikpetu ni krii ti ni Istifanus krii,a rii bin ni riisii musa na kpare". 12 Ma kuma igah,mba ti gbama,na mbati klama,ma ba kachu istifanus so rungh bii ba kachu mbati gbama. 13 Ma bi mba ti sare dema ba,ti ni ma krii"ingri na ba bwa ku krii rebiin nga ni riisii kachu na nu su piye piye na Nmu nga. 14 Ikpetu sii hunghu ka krii ku yeso nanghu riyati jih kachu nanghu siina rii na nmu ti ni musa nayi". 15 Mbati ni ma kpi ni kachu,bu sa iye ma nanghusu hu iyenghu bii suka iyhe mawu si kpare.