Ugrii 5

1 Ingri ti ni mari biingho ku Hanabiya na ngha ta-nghu safaratu,ma wa ni miti. 2 Su ta ruba na riigre ungbo tini wa na mitidingho,A bii riingre ungba dingho ba kachu awu shi aha. 3 Bitirus bu krii, Hananiya aki ku ingre shaita remikiwu ku sii sarii ni uhu riji sii taruba na riingre ungba ti ni bu uhu na miti? 4 Rii ba su titawonga rukpu ti ni buba na wa nanghongh,na ni bu wa nangho rii ba su ni ku biiwunga? Andi-gu ni ta ndu nanghu ni isimikiwu? Buba sareh ni mangri munga ni kpare. 5 Na ku hu ikrii mbami Hananiya a ruku su fu,tshri-tshri tigbangho aru mba ti ni ma hutu. 6 Masa sii yende sii klo nghona tro,sii hiingho ka naketii. 7 Ni kezi ungba atthra nghangho be kaba su ba hu unghu ti ni krenga. 8 Bitirus bu krii nangho"La me ahemu ni bu uha na nuti nyumuna",abii"kuyemu. 9 Bitirus krii nangho"ike ni lu ko bu haunyu kalu ti ma uhu ti Dada na?hu,uhoo mba ti ni nima hi bla wu na ketti ma kpi ni gahhi,nyumu ma hiwo ruye. 10 A kuruku miti ni uhoongho su fu,masa dima dima bu kaba kame sii ba hungho a fu,ma hingho ka na keti ni ugru bla nghu. 11 Shasha tigbanghobu kani kame kazeh kpare na mba ti niunghodinghoku ni utuma. 12 Ma ka lu arii ugbo ungho na arii ungho ti mabahu mari illasa na ku-nga,malu bre-bre,ni bo mba ti ni ma zezebo,uma ndu pye ni Suleimanu porch. 13 Bangru ni kame ma,lu miki tu duma ngah,na nyumu mangri bu ka hu ma na majuniriisii. 14 Na nghumu ugbo mba tido bii jeh ni ku do kpari,ugbo mangha na mbalala. 15 Ma sii ka klo mba ti ni ma ba suna pyangha buka kame uku sii kaluma ni rii kachu tila na gado,kuni Bitirus ba zu kachungho16 uhugho na klo mbasagama. 16 Mba saga pya bu ba hakpe ugbo mangri rii uko urishalima,bu bii arii mba riki na mba ti ni uhu ti biinnghho fe ma,ma fe pya. 17 Tigba mba ruku bu yende,na mba ti ni ma riikpe nangho ma lu kafu. 18 Ma so ubo ru aha ni kame zezebo dima,sii biima ka chu ni kirii. 19 Na uchu uwu kutundu kpari funa nama arii ihii ti kazeh kirii sii be ma ruye,sii krii. 20 Ya,ti ni kazeh kpare,sii la mangri ikrii ti ni simiki. 21 Na ku jih nyumu,maka ka ni skakpa na sakaka sii kla.tigba mba ruku friesti ti mba israilawa,su toma ka kirii ti ma bii arii aha nikame Almajiri nghu bawa. 22 Tigba mba tigba ti na kati ya buma bawa bu ka su baka huma ni kiiriinga,ma ri ba krii. 23 " I fafe kazehkiirii kuchu na mba tigba ni gboihii,nde ni ifuihii ibahu kon-ngru ni kamenga". 24 Na ku hu ikriinangho ingre tigba shakpa na tigba friesti ku hu riisii ku ikegu na riya ti sunangho. 25 Ungro bu ba la ma,"ku mangri ti ni burchumana makpe ni shakpa sii rii kla mangre". 26 Tigbi mba tigbe bu ka na arii mba ndungho,siika bii ma reba,ba na rukrunga,ma lu tshre-tshre ku maka trama na kike. 27 Nde ni ma biima bawa,ma luma ni kachu mba ruku.tigba mba ruku bu nie ma nakafu. 28 Ku,yi layina ku ka kla indi nga mi nayi,Ama bu mlo urushalima na ku kla yina surusu ti bii mayi ngri nangho ba riisii". 29 Bitirus na riigrema bu yewa,yati du kpare kra na mangri. 30 Kpare ti matiyi nyende na yeso ti ni bu wungho sii krengho ni kako na. 31 Kpare yangho ka su ni uborikiya ngho ti ni su uwu oriye na bu sabo,ya na ku riimiki ni Israila,na ku lurii na ma. 32 Yi su mba ti ni yihu,na uhu tisi ti ni kpare na mba ti ni ma fu mikima nangho? 33 Na ku hunangho mba rukudima kafu ma su ti woo arii almagiri zezebo. 34 Farisiyawa ti ni ma ribi ngha ku gamaliya,ingre ti kla ummo ti ni mangre rii nangho kugba,bu nyende ni kame kukpe mba ruku sii almagiri Zekebo dima ku maruyakaye wuntrenye. 35 Ikrii nama,"mangre Israilana,kpe utu riisii ni ungho ti ni burusu ti lu ni mangre bamina. 36 Kami rukpundi,Tiodas nyende sii krii kungho su kandu,mangre mbre-bre dunghowa,ma wungho,mba ni ma ka dungho shasha bu shayi meme. 37 Ni khize ngho,Yahuda ti Galili bu nyende ni rukpu ku ka-mangre sii gbi mangre basaga bi dunghowa.Ungho ma bu fu ugbomba ti ni maka dunghowa bu shayi. 38 Bebengho me li layina, bwa mangre mba mi sabo na.Ni nangho su ku lu rii undu timangre,riya ti ruku. 39 Ni su ti kpare bu bariyati sati namanga,bu riyayehuku bu rii kro na kpare na".ma biiwa. 40 Umbii arii almajiri zezezbo ba kame sii chima sii lama ku ma kla inde ti yeso yi,sii samaboo. 41 Ma kan-guma sii kpo ku ma,ma mariya kama ni mba ti ni mawaringra ni inde yeso. 42 Ni-ngha ikpri,ni shakpa na kirenakire,ma khre ka kla sii ka krii ikrii tisiinghu ku yeso so kristi.