Ugrii 13

1 Bebenghu ni shakpa kpare ti Antokiya ni boh ga a su mangri ti huko pye na mba ti khla. Mma bu su Barnaba na samina (tini ma ri bi nghu ku ribibi) na lukiyas ti bakurane, na manayan (ti ni su wani oriye Hirudus) pye na shwulu. 2 Ni Mma ka dourisi ni Dada pye na ku ru khire uhu risi khre tchu na kro ni nami Barnabas na shawulu, na maya lu udu ti mi bi maa. 3 Rikpu ti ni Mma ruh khire fe, pye na ku dubo ni mangri, Mma tuma ka. 4 Ki Barnabas pye shawulu, uhu risi na tuma zu bati ka salukiya ni bu Mma toh wasi kubrus. 5 Rikpu ti ni ma kpi ni uko ti salamis, Mma kre kre kpare ni ari shakpa ti mba Yahudawa. Mma je na Yahaya ti ni ri ghrema. 6 Rikpu nghu Mma ka zu ugbu miti ti ni ikelah si ka bafusa, Mma feh ingri ti kuti imi mba ti huko ti irihti mba Yahudawa ti ni ndeh nghu su baryashua. 7 Nghu igri kuti imi ikahrisi lu na igri ti ridu sarjiyas Bulus, ti ni nna su igri ti kukpako risi igri gami bu bi Barnabas na Bulus ku nghu rere ti hu ikhre kpare. 8 A su ki Alimas, ''Igri kuti mimi (Asu nghumu ni ma ribi ndeh nghu) sa bii nama nga, si lu ti hwer igri ti du-khizi shawalu na bwa risheshe nghu saboh. 9 A su shawulu ti ni maje ri bi nghu Bulus na mlo na uhu risi ma hwre yi ne nghu. 10 Pye ikhre, bubu wu igri ribii mikii wu i mlo na ari ngho ti khi sarii igri ribii, Bu su ika ihiyi ngho risi, bu sa riya bwa khi hwer ihi go na ya ruglo ti Dada, bu riya lu. 11 Bebenghu hu, uboh Dada ti ni risi wu, pye bu riya ti playi. Bu sa riya ti hu ono nga ti rikpu. Na khri khri da grhu na khitdrahu, a khri hwre go ri ne mangri ti ni mariya khlanghu gahe na uboh. 12 Na ku hu igri ti ni du khizi tigba a hu nghu ti ni na luu a beh-nanghu a su ku ilu shwrishwri na khikla Dada. 13 Ki Bulus pye maka nghu nyende ri Bafusa pye si ka Baruyata ti miti Bamfiliya. Yahaya bwa ma saboh si ka Urushilima. 14 Bulus pye na maka ngho rhi Bariyata pye si ka Antakiya ti miti Bisidiya. Ki Mma bu ka ni kame shakpa ni ikpiri asabar pye si kpi miti. 15 Ni khizi ti ni ma khla plambe pye ti mba ti Huko, mba ti gba ti shakpa bu tudu nama si khre, Mawunina ni bu su na ti ni riya je khitshweru ni mangri ni mi, khre nghu. 16 Ki Bulus ti nadedeh si ya uboh nghu mangri bu kpina gbi, si khre bu mangri Israilawa na pye bubu ti lu shwrishwri kpare hu. 17 Kpare ti mba Israila khitchu ti matiiyi pye ti ni ma mangri bribri ni rikpu ti ni Mma kpi ni miti Masar, pye na khiya sukpu si kajiohi ruhye ni ngho. 18 A su digbi na iye awu ane a ti nama ni jih ma khla mbe saga ti kasasa digbi na iye awu ane, a me ma hu ni kake jih. 19 Ni khizi a jji katchu tamba ni miti kan'ana si mba tayi miti na na nghoma. Shwrashwra ma lu ungho mbami iye kugba ane na awu atta, ni khizi ari ngho mbami, kpare bu nama mba ti tshwruomo ba rikpu ti samuila ba su igri ti huko. 21 Ki mangri mye khre oriye pye kpare bi nama saul uwu kish rigri irey ti mba Biliyaminu ku na su oriye ti iye awu ane. 22 Rikpu ti ni ma tchunghu, a di dawuda na su oriye ma, isu ni risi Dawuda ni kpare bi hu, si khre, mi Dawuda uwu ti yesse, igrii ti mi nanghu ti risheshe nghu ti ni ri lu ngho ti ni mi khre na lu. 23 Ni ihwi igri gami kpare bi nghu ba israila ti kraa, Yesu ka ti ni na khre ti lu. 24 Ma ka gbe ku ba Yesu, Yahaya i khre khre baftisma ti bwa ngho ribii saboh ti shwrashwra mba Israila. 25 Yahaya na kumeme udu nghu, si khre bubu hi ku mi su ndi? Sa su mimi nga ki hu ndi ti ni riba ni khizini, Dagba ti ihu nghu mimi sa mahti ri nghu nga. 26 Mawunina, mawu ti ikru ti Ibrahim, pye na mba ti ni ma kpi na yina ti ni ma ri lu shwrishwri kpare, i su na yi ka ku tu udu ni ikhre ka'a sabo ma tundo. 27 Ki Mma mba ti ni ma kpi ni Urushalima pye mba ti bima ma sa hu nghu nga, pye Mma mlo lila ti igri ti huko ti ni ma ri khla ni ikpri Asabar si branghu. 28 Ki Mma bu sa fe nghu nangho ti ni ma riya wunghu nga, Mma bi Bilatus ti na wunghu. 29 Rikpu ti ni Mma meme na ngho ti ni ma wah ni risi nghu, Mma hi nghu rih kaku ba miti pye si tahnghu ni uko ribii. 30 Ki kpare nyuende na nghu ni fu. 31 Ma hu nghu ti kpri na nghu-ngho mbna ti ni ma na kri namama ri Galili riya Urushalima, Mangri mbami mu su mba ti ni ma ri khre nghu ni mangri. 32 Ki yi lilangho njoh risi, ti ni bu khre ku irhi na Iti yi ba. 33 I mlo na yi mawu ma ti ni ma nyende na Yesu, ka ti ni ma wah ni zabura ti aha bu su uwu mi, ni ire nghu mimi su Itiwu. 34 Ku nghu nyende na nghu ni rufu ti sa riya bi hwre ya nga, kpare khre ni gahi gamila mi ya nawu uhu pye Dubo tisii ni Dawuda. 35 Gami isu ngyemu a je si khre ni Zabura ndi la bu sa riya bwa tawu saboh na lu ribii bga. 36 A su rikpu ti ni Dawuda lu ungho ti ni mama na isimiki ti kpare ni rikpu tanghu, koh si lakila mata nghu na iti nghu pye igah ife kulu ribii. 37 Asu ti klpare hi nghu nyende sa riya fe ku lu ribii nga. 38 Ki si me hu na, mawuni, ku zu na igri gami ti ni ri khre nawuna ti ku lurii ti ribii. 39 Na nghu, shwrrashwra ni ngho mbami ti pla-mbe ti Musa sa tchu wu nga. 40 Gah ki lu rherhe ni ngho ti igri ti huko khre, na ka lu ni risi wu yi. 41 Hu bubu su ti braa mangri, pye bu riya lu shwrishwri pye ki si fu. I su ni bi udu riba ni rikpu tayina, asu udu ti ni bubu sa riya beh na nga, ni ngru idu nghu na yina. 42 Ni ma kaboboh ku ma bi khre khre mbami ni Asabar ti ni riba. 43 Rikpu ti ni khikalu ti shakpa ugbu, mba Yahudawa pye mba ti ni maka ni Yahudanci du Bulu pye Barnabas ti ni la nama pye si ri tama ni gahi ku ma kpi pya ni uboh kpare. 44 Ni asabar ti ni du a su ka uko shwrasgwra ni ba kaluu na nguma ti hu kre ti Dada. 45 Mba Tahudawa bu hu mangri Mma na khizeyi miki pye si khre ni risi ngho ti ni Bulus khre si tunghu. 46 A su ki Bulus pye Barnaba khre rhuye na gbamikii pye si khre, '' ku uma ti ikhre ti kpare na ti wudidi ni ma riya zeze khre ni nawu, ni yio mu tchuta bwa na nguyina pye hi nguyina bu sa ma ti fe suikii ti ya gbu nga hu yi hwer riya na mba ti ma sa hu kpare nga. 47 A su ngyumu ni Dada ikihre nayi ku nghu hi yi ku yi su khila ti mba ti ma su hu kpare nga ku bubu riya bi kraa sabo ya ugbu katchu ni khizi miti. 48 Ki mba ti ma sa hu kpare hu gami si hur pye si hi ikhre ti Dada ma bribri ni ma hi ma ka isimiki ti ni gbu ma bii. 49 A su ki ikhre Dada bi zu ugbu uko. 50 Ki mba Yahudawa ma tcho mangha ti ni ma ri du kpare pye je na mba tigba ti uko. Mma ne ti wu Bulus na Barnaba pye si muu ma rhuye ni miti ma. 51 Ga ki Bulus na Barnaba bu kah rhubru ti dagba ma ni iho lubwa na ma. 52 Pye mba ti lu udu ma mlo na khithre miki pye je na uhu risi.