Ugrii 12

1 Ni rikpu ngha oriye itirudus du uboh ni sagah,mba ti du khizi kpare si lu nama ngho ti ni ma'a nanghu. 2 A whu Yakubu wani yakubu na khaji dakhra. 3 Ni na hu ku gami isi ni mba yahudawa,a doo si ruh Bitirus jeh,Gah a su ni rikpu ikpri ti rih irih ti ni sa su yisti nga. 4 Ni ma na ruh-nghu,a ta nghu ni khaze khiri,si di nghu ni ighil ane ti mba ti gbra'a na ma ka gbe nghu,a ka hi ku nghu riya bi nghu ba na mangri ni khizi idi paskal. 5 Ki uma ta Bitirus ni khirih,mba ti doo ma feh na kpare ni na-nghu. 6 Ni itchu Ai ni hurudus ka ya ti bi nghu ba ti na ma bwa nghu,Bitirus bi ka lakilah ni katete mba ti gbraa,aha na zinzre aha,ki mba ti gbe ni igbuhi ti ihiyi kpe ka hu khirih. 7 Na nyi mawusi kpare Dada bi rhu ni kro nghu,pye khila'a bi kpako ni kame kazeh khirih.Si ghu Bitirus ni ghe pye a dtru rhu pye si khre nyende gblagbla,pye zinzre bi rih ni uboh nghu. 8 Yi mawusi kpare bi khre na-nghu,"bwa ushi wu si soh dagba'a ti tawu,"Bitirus ilu nyumu,Nghu mawusi kpare khre nanghu, khru utohwu ti kayeh si dome". 9 Ki Bitirus bi du mawusi kpare pye ka kaye,si sa hu ku ngho ti ni uwu risi kpare na lu imama. Na ka gah ku nne su ma ri na-nghu kuhu. 10 Ni Mma katchute,mba ti gbe ti indidi na ti aha,Mma be gahu ti gba'a ti zoh ka kame uko,a fu nama na risi-nghu,Mma rhu ka kaye,pye si do gahe ndi ka,mawusi kpare bu bwa nghu saboh gbla. 11 Rikpu ti ni Bitirus re ba iga nghu si khre,Bebenghu mi hu risheshe ku Dada itu ingrii ti huko nghu na dtra ni ni uboh Hirudus,pye tshwrashwra ni ngho ti ni mba Yahudawa ka gbe". 12 Rikpu ti ni mehu gami,si ka khiri maryhamu ini Yahaya bi nghu ku markus,katchu ti ni ugbu mangri halu pye si ka klubo niyi. 13 Rikpu ti ni ika gahe ti shakpa,ki wuna khirii ti ni ma ri bi ndeh nghu Rhoda ba ti ye. 14 Rikpu ti ni hu lilah ti Bitirus,ni kumur a sa fu ihi ga si hwer kri ka kaze si khre ku isu Bitirus ni ti ni ugbu gahi. 15 Ki ma lah nanghu,Bubu ri sha'a-ikhre" Nghu ira ku isu nyhumu,Mmabi khre,isu mawusii kpare". 16 Bitirus bi teh ka gbu gahi,pye si lu khi ga'a. 17 Bitirus bi grhugrhu risi nghu ku ma kpi na gbi,pye si khre nama ngho ti ni Dada bi nghu rhuye ni khirih,si khre,ya khre mbami ni Yakubu pye na mawuni"nyumu a bwama saboh si ka katchu ndi. 18 Bebenghu ki ikpri bi nghah,sa su ugho wugya ni mba ti gbraa lu ni ngho ti ni na fe Bitirus. 19 Rikpu ti ni Hurudus kri ne-nghu si sa hu-nghu nga a mye mba ti gbe pye si khre ku ma ya wuma.ki a shika miti Yahudiya na kaisariya shi ka ti nibo. 20 Bebenghu Hurudus ilu kafu na mba taya na sidon,Mma ka nanghu na ngho wudidi ka rhya Bilastasa,ti ni du khizi oriye,ti ma gre ma,Mma mye khiyimikii si na miki tama na fe iri na oriye mitii. 21 Ni ikpri ti ni ma so Hurudus kru isi ti mba oriye,pye si su ni katchu kusu nghu sidi ukhhre ninama. 22 Mangri ma lu vhu,"ku gami isu lilah kpare,sa su ugrii ngah. 23 Na khrikri Mawusi-kpare sa na kpare tigba'a ngah,kpaji ma nghu a fu. 24 24 Na-nyi ikhre kpare bi jeh si bi jeh. 25 Ki rikpu Barnaba na shawulu,ma na lu ndu ma meme,Mma hwre urushalima,Mma hwre ka urushalima si bi Yahaya duma,ti ni ma ri bi nghu ku markus.