¹ Bulus ti zezedo Kristi Yeso na ki bi Kpare, na Timoti, wani yi, ya na Mbati mari du Kpare ni Koronti, na mba ti ma bi na Kpare ni gai Akiya. ² Na ki gre Kpare te na yi na, na kalamikii ti Kpare Itiyi na Dada Yeso Kristi. ³ Na Kpare na Iti ti Dadayi Yeso Kristi na fe ki shonghu, ngho mu nisu Iti ti Luri na Kpare ti kalamikii. ⁴ Kpare ti ni ri kala nayi na mikii ni ugbu rika si yiyi piye yi riyati kala ni mikii ni mba ti ni maka ni rika. Yi ri kalanamikii ni mba ti ni maka ni rika ukru ti ni yi ri kalamikii ka ti ni Kpare ri kala nayi na mikii. ⁵ Ka Ukru ringra ti ni Kristi wa ni risii yi isu gbu, ngyimu kalamikii yi risu gbu ni Kristi. ⁶ Ni yi wa ringra usu ti Kalamikii yi na, na ku kra'a sabo yina, ni yi fe kukalamiki isu ti kukalamikii yi na. Ku kalamikii yi na ri Krii risisi ni ngho ni yi riluna ikra rika ti ni yiyi piye yi wa. ⁷ Ki so mikii ni risi yi na sa riya gughru nga, yi hu ku yiyi piye na wa rika, yiyi piye na yi fe kukalalmikii na. ⁸ Yi sa riya bi sisu mba ti ni yi sa hhu nanga, mawuani na ni kre ringra ni yi buni Asiya. Yi na su na inghre ringra ti ni kraa kitshi nayi, ni ngho yi rhu na miki ni ringra yi. ⁹ Ma di umo rifu ni risi yi. Ngaha na su ti djii ku gbaa mikii na nghi-yi, ni ngha Kpare ti nin gyende na mba ti ni ma fu. ¹⁰ U kra yi sabo maka ya ti lu nayi. Ngho mu riya chuma ruye . Ni risi ngho mu yi so mikii riya ti krayi sabo. ¹¹ Riya lu ngami ka ti buya gre yi na kufe yi na, ningha ugbu mangri riya lu ku whhirii ni risii yi ni khi gre Kpare ni nayu ni kufe ugbu ma. ¹² Yiri gba risi ni ngho naa, Mikii yi ri bi na yi ku yiri lu ngho tisi ni gbu miti na Piye iye na rishenghu ti Kpare si sa do igha yi na imi, su lu na khigre Kpare. ¹³ Yi sa wa nayi ngho ti yi sa yiya kla sibi na nga, mi sa somikii ku yi riya ti rubi a pye. ¹⁴ Ka ti ni bu huu niye ni ringrii, yi riya ti gbamikii nayi ni kpri Dada Yeso ka ti niyi gba miki na wu na ¹⁵ NI kre ki somikii ni ngho ngami, miri so ti zeze ba na yi na shi bu fe buu kpayi ti aha nghu. ¹⁶ Mi su na miki ti ba nayi na, nni gahi mi ti ya Masidoniya. Ni ngha miri so ti ba na wa ni gahi mi ri masidoniya, shi bu bu tumi ni gahi ki ya Yahudiya. ¹⁷ Ni miri ga ngye, isu ti mi raanghumi? Re miri mei ngho ka mi ti iga, shi mi kre ein, ein re oo, oo ni rikpu ndindi? ¹⁸ Ka ti Kpare su ti ma songhu mikii, ngyimu ikre yi ni kame wu isa su "ein" na "oo" nga. ¹⁹ Uwu Kpare ti ni Silasi na Timoti, na Mi ri kre ni kame yi na isa su 'ein' na 'oo' nga, ra isu "ein" mamgba. ²⁰ Kitangyu Kpare isu "Ein" ni nghu. Ngyimu ti nghu yi ya kre ku "Nasu gnyi" ya ugaa ti Kpare ²¹ Bebein isu Kpare mu bee na yi ni bubu ni Kristi, a isoyi Uhu Risii. ²² A so nayi kudubo shi nayi Uhu Risii ni miki yi na su kisomikii yi ni ngho ti ri na ²³ Mi bi Kpare ti ni su niagha na uhu mi, ku ngho ti sa mi sa ba Koronti nga isu ti mi shiwu sabo na. ²⁴ Ngami isa su ni kre ku yiri so ti bi yi ni so mikii wu nanga. Yiyi su maka ti lundu na wu na ti kimuru wu, ka ti bu ti ni So mikii na.