¹ Mi hi gaammi ku mi sa riya ba na wu ni ihi khike nga. ² Nimi na wu khike. Andi riya muru nami, ti mimi lu Ngho ribii nanghu? ³ Mi wa ka ukru ni mi lu, rikpu ni mi ba nawu mi sa riiya fe ngho ribii na mba ti ni ma riya nami kumuru. Mi su na kibee na shwa shwa, yi na ku tremiki mi, Uma na ku tremmikii ni yi su na nghu na. ⁴ Mi wa na wu na ringra, na kughaa miki na ugbu mahyi. Mi rine ti bi ki kye ba na wu na nga. Na nyi mi ri ne si hu na kubu ti gbaa-nghu ni mi sa na-nghu ni mi sa nanghu nabu na. ⁵ Ingru ti ni di kye, sa lu ni mimi kangba nga, yimu sasu ti biyu nanga nawu shwashwa na. ⁶ Umo ti ngri na ugbu ngho uma. ⁷ Bebenghu ti ku bu umo, lurii na ki kalana mikii nghu. Lu yimu sina Kumuru miki glati yi. ⁸ Mi kroyi na si bee na kibii yi na nghu. ⁹ Ngho ti li mi wa, si mi mayi huna re yi ri lu tshitshi ni ungho yi gbana. ¹⁰ Ni yi lurii na ngiyi na, Mimi piye mi riya lurii ngho ingri piye. Ngho i ni mi lurii nanghu. Nimi lurii na koki, ma lurii na ngho ni risi wu ni aheyi Kristi. ¹¹ Usu yimu sina ngri ribii na ka mbre yi. Yi ti hu ngho ti lilu. ¹² Dada fu gahi na mi rikpu ni mba kame uko ti Trawus simi kre ikre Kristi ni katchu nghu. ¹³ Na ngami piye Misa fe ki la miki ni mi sa hu wani mmi Titus nga. Ningha mi bwa sabo si ka Makidoniya ¹⁴ Ki whirri na ya na Kpare Ni Yeso ti bi yi gloawa. Ri yiyi kla yi kula ti Kukparisii ku hungho ko niyi. ¹⁵ Yi su ni Kpare ngho kulo ti si ngho Kristi ri na mbati ni ma bu ikrenghu na mba ti ni ma riya ti lu ribii ¹⁶ Na mangr ni ma riya lu ribii usu ki khengbii ti rufu ka na rufu. Mba ti ma bu Kraa, Usu ki khengbii ti ringha tisinghu mbami? ¹⁷ Yi sa su ngho mangri nana yibra na ikre Kpare si bu isi. Na kusi ti ngho, yi kre ngho Uwu KPare kre ni ma tu yi ri na Kpare, ni kuhu Kpare