Ugrii 3

1 Nayi huu kibii ti Kpare bii nayi, ngho mu ni mmari briyii mawu Kpare, atomi niyi si kre nyeimu, mitimi raa nayi, kre masa yi itiyi Kpare ma. 2 Mawani yi su mawu Kpare, yi sa yi aka ti yiresu rhi ngo yini rekpa te Yeso kristi ra ba yi rha su so ngho yi rha huu ngho aka tingho su. 3 Mangri tima somikii na Yeso rhe nangho piye aka ti Yeso su piye. 4 Ngrii tingho lu nghoribii rhi lu tsheru risii, Nghoribii su ulu tsheru risii 5 Bhi yi Yeso ba kre te hey nghoribi ni achu ngho ikre ribi sa so nga. 6 Ngri tingho ti ni Yeso lalu ribii ngo ngru ti ni lu ngho ribi sa yi rhe sa huu uwu Kpare nga. 7 Mawuna, na ngru ka mbre wu na yi. Ngri rini li ngho risii su ngri risii aka ti kristi su ngri risii. 8 Ngri tingho lu ribii ryu kachu ukpre ribi, nyiemu nhi ukpre ribi lu ribi narhirhi. Nyiemu ni uwu Kpare ba ti djhi ndu ukpreribi. 9 Ngriti ma hwi ngho rhi kachu Kpare, rhe lu ribi ngo kre risii Kpare ti nangho. la lu nduribii ngo kre ma hwi ngho ryuko Kpare. 10 Akami nhi shira yi mawu Kpare ni wawu ukpre ribi. Ngrii tingho sa lu ngho risii ngho sa rhyu uko Kpare ngo, rhe tingho sa bii ni wani ngho nga. 11 ugri Kpare ti bi hutuu narhirhi mu nimi nayi bii na nguyi. 12 Nayi sa su soku kainu tingho ryuko ukpre ribii shi wuu wani ngho, uwuu ngho kre ngilu? Ndu ta su ribii ti wane su risii. 13 Mawani me, naka su ngho tarhi ngo nhe mitemi rangho nhibu 14 yhe yi ku yi ryuye ni rifu shi kani gahi mikii tisii kreti yibi na mawani. Ngri tini sabii na mawani ngo tini rufu. 15 Ngri tini bii na wanita ngo usuu ti uwuu mangri, biyi na ku ngri tini rhi wuu mangri sa soni mikii gbugbu nga. 16 Nyiemu nhi yihu kibii, kre Yeso dhi mikii ta nayi. iye pye yi di mikii yi kre mawani yi. 17 Ngri tini so nghobo ti mitiemi shi huu wani ni rhika shi reiyi tabwa, nana ni kibii Kpare ti ni mikii ta? 18 Mawumi, nayi ka bii na kanyu ra ngo, nayi luu na mikii na risheshe. 19 Usuu nyiemu ni yi huu kre ku yisu ti risheshe, miki yi bii na Kpare. 20 Rhisu ti mikii yi sa bii nayi nga, itiyi Kpare kra ni mikii yi, shi yi ngho tiriki. 21 mawani ni mikii yi sa shuu yi umuu nga, na yi ya kachu Kpare ni mikii ndidi. 22 Aki ni yi lu daaka Kpare la nayi, kre yi bii dekretaa shi lu ukre tingho sii ni sheyi ta. 23 Ngho mu nisu dekre ta, Nayi bii na nde uwuu ta Yeso kristi shi lu kibii na mawani, Aka tingho nayi dikre ta, 24 Ngri tini bii dikre ti Kpare ti ni uhuu Kpare, dada yi Kpare ka ti nangho. Nyiemu ni yi huu ku Kpare ti nayi kre uhuu risii tingho bi nayi.