1 Mawu, noiri wa ariingho mbami nayi na tini busariiya lu ungho riibinghu nanga. Ni ngru lu ungho riibi, yi su na ungru ti ni riiya feh nayi na iti, Yeso kristi, ni uwunghu ni su piye piye. 2 Unghumu riiti nayi ni kre unghoriibiyi, a sasu ni kre yi momgbanga, usu ni kre ughu miti shwshwa. 3 yi whu ku yi bati whu unghu, ni yi duu ariingho tinde ni kre kuyi kaluma yi. 4 Ingri tinde ni kre ku "Mi whu Kpare" sisa riibi ariingho tinde ni kre ku ma kaluyi usu ingri ti ni rii sarii. 5 Unghu ingri ti ni ri bii na ikre ngho, ni kame ruuwhunghu ti riisheshenghu kubimiki kpare ufe khisi. Na nyumu yi whu ku yi kpi ni ruuwhunghu: 6 Ingri tin de ni kre ku unghu teh ni ruuwhu Kpare na kri nyumu ka tinde ni Kpare krii. 8 Ki mi ruwa nayi na ungho ti riihe tinde bu su riiya tilu nangho, ti ni su riishe shenghu ni kristi na bubuna, uwhu rii shayi ku kpako ti riisheshenghu irii kpa. 9 Ingri tinde ni kre ku unghu ti ni kame kukpako si rangunghu na waninghu iti ni kame khishwawhu tshru bebenghu. 10 Ingri tinde ni biimiki na waninghu i teh ni kame kukpako kandu sa teh ni kamenghu ti ni riiya gbu uho ngo. 11 Ungho ti ni rangunghu na waninghu iteh ni kame khishwawhu si siiki ni kame khishwashu, unghu sawhu kachu ni unghu riiyango khishwawhu khru nghu yi. 12 Mirii wa nayina, mawu usu ku ungho riibi ti ni lu na ma khruu ma nikr inde Kpare. 13 Mi rii wa nayina, mati, yiyina yi whu unghu tinde ni rii riikpikpi. Mi rii wa nayina massa, bu kraa na ingri riibi kushweru na. miwa nayina mawu, yi whu iti na. 14 Mi wa nayi na mati, yi whu unghu ti ni rii riikpikpi mi wa nayina, masa yi su na khishweru na, unghu ikre Kpare teh ni mikiiyina, yiyina bu kra na ingri riibi . 15 Ka bi na ungho ugbumita na yi na arii ungho ti ni makpi ni kamenghu. Ni ingri bi na ugbumiti, khibi ti iti sa ti ni mikinghunga. 16 Arii ngho shwashwa tini makpi ni ugbumiti na bubokpi ti igah bubokpi ti arii sheyi na ndjwariisi ti ni mangri lulu i sa rii na ti ngo, i rii na gbeemiti. 17 Ugbumiti na khikriiyii nghu ma rii chuta. ingri tinde ni riilu ti ni ru Kpare bi nanghu riiya to nglo. 18 Mawu, rukpu riimeme. uku ti ni bu whu na ku ikhahiyii kristi rubba, bebenghu makhahiyii kristi nanghunghu maba. Na nye yi whu ku rukpu rii meme. 19 Ma ruuye na yi, uma sasu tayi ngo kasu masu ti tayi maka kpe nayi. ku ruuye ma nayi ikla ku ma sa rii nayinga. 20 Busu na khitabo na kulu mano ni riishwuna ni ingri ti mi su piya ulu nawuna ti niyi bu whuna. 21 misa wa nayina ku kre ku bu sa whu riisheshe nghu nanga, usu ngho ti ni yi whu na raa gaa iri sa rii rii sheshenghu nga. 22 Andi gu usu ingri iri usu unghu mu ni truu ku Yeso usu kristi, ingri ngaha mu ni su ikhahiyi kristi, u tru unghu uwu 23 Ba ingri ti ni tru unghu uwu usu na unghu iti. Ingri tinde ni krekre unghu uwu usu na iti pie. 24 Arii yiyina, bi na ku ungho ti ni bu whu na utu na riirii teh ni mikii, bu riiya teh pie ni unghu uwu na ni kame unghu iti. Ngame mu usu khitanyu ni ulu nayi-riidhi ti ni sa riiya memenga. 26 Mi wa arii ungho mbami nayi na rikre ti mba ni ma riiya klo yi ihi riibi na 27 Ikre tayi na, khitabo na kulu mano ni riisi yi na ti ni yi bu nanghu na iteh ni mikii yina, Nyumu bu sa riiya ne ungru ti ni riiya kla yi na nga khitabo ikla yi na ariingho shwashwa ti ni su riishenghu i sa si iri ngo, ukru ti ni kla yira, kpeh ni kamenghu na. 28 Bebenghu, mawu na kpe ni kamenghu na ti ni riiya whreba yi riiya su na kugbamikii sa riiya su ruuwi niyinghu ni whreba nga. 29 Ni bu whu na ku unghu su piye piye, bu whu pye na ku ingri ti ni lu ungho tisi (riisi) unghu mu ni hweh nghu.