1 Panag la suran a pwarti kha puyi tudɗo ni. Ni wau bakkyal ti khergu woh sugna ti khu pehbe. munghow ti bakkyalyi woh abb po khokko wuyo woh gyori angha tessanim. 2 Kyero kha abb poh wuyo woh anghije te4ssan pokhim, panang yelle kha pettu ti pok kheghi yello ti wuyo gɓuɗe wuyo wuzi. pikki kha wau lha penghiri dili, elenkhu yello woh ta pettu ti poh wuyong 3 Tiya yello ɓirang nagha kha pettu kha kyaru khuyel kha munzun ɓang khijik kiɗam kheni ɓadɗengze ti khu pebe. 4 Kha tepzun ta ma mikkhe kha nuyi sozom, kha pehp alabur woh ɗi kha am sozo kha burom, kheɗen lenya woh wom kha soppon khira Yamba ti poh ɗohzun. 5 A munzun ɓang ta mo zun kpuk lenya mikkhei, kheɗeng woh munzun bone woh tere fart. Pidɗan zun ɓirang khighi pezon baɗengze woh pezzou miya. 6 Tiya sona khireiyi lenya ti gheng muro, ɗang mikkhe ari wehm. Mikkhe ti yi kyolom muro, ɓirang muro to tanzun. 7 naghayi ɓirang ɗighi khighi tohk woh ɓakhrou elenkhu ɗen. kham manni weh woh lou ti khuzun khighi ɓolghon anyin malgyo, khu ɗohzun ɓirang khighi lenya. 8 Sok khuzun ɓirang ɗih khighi wini serep, wuɗozun khighi wuɗo turum. 9 Soban ɗenzun ɓirani khighi bolo ele Pikhapikhi ɓirang khighi ele khekunan yohk ɗehn woh ɗagham khama tork woh ɓaghrou elenkhu wor ya ɗen. 10 Mikkhe ɗighi kha kheɗereng kha khedereng khighi baɗengze, ti kheɗerenzun ɓirang mikkhe kham kha ɓang woh ti mun bonne ti lenya woh ti pohri tere Fart. 11 Mikkhe kham kha manni khighi khup ti khuzun la suran wuyo woh anghije tessan pokim sommoni kha ɗak mirh Ibiraniyawa abadon, kha ɗak Helenawa ɓirang Afoloyon. 12 Bangni woh ɓang zaki khuropou. gabu kha yapi kheiyi kham ekkhun pellou woh ti wattu. 13 La suran poromonni fuyou ɓillkhuni nikha khiri ele ti ya tadɗah khu poh saw anyim woh ɗighi ti ɗoh Yamba. 14 eleyi kha tepti la suran an poromonni woh ɓilkhui ɗiti khirani, "piɗɗuru siɓɓa suran peɗou mikhirei khirani tiya Bur yutirettis" 15 Siɓɓa suran pedɗou woh luwezun elenkhu milang khirei, kha yere khirei, ɓirang sene khirei, kha piɗɗirezun ta woh mukkhe kpukkuri monni ti talla gɓunum ni lenya pebe. 16 Dagham an pessi wuzi woh ɗiti khu tohk porou 200, 000,000. Ni khirou ɗagham zun 17 khikkhei woh ni wau tohki ti ɗoh sunai khamaan turzun; saɗi ɗenzun tuwi khighi wuzi, nottong am kherghu khama am mekkhe. Gurukhui tohki pennan sap kha kheni turum ɓirang wuzi, yelo, khama wuzin peh ta perani tiya pohzun. 18 Kha tukkuru monni kha amuwon khu gɓunum ni lenya kha piɗa ɗakkham gɓunum khei wuzi yelo kha wuzi peh woh penna ti ya pohzun. 19 elenkhu sanani ma tohki ɗitiya pohzun kha kheɗɗerenzun lenkhu kheɗɗerenzun penna sap kha Kuret, ɓirang mikkhe kham kha gunung khoni woh mikkhe Aoɓɓighi piɗa ti lenya kha tei. 20 Issi lenya woh a tukkzun kha ɗakkanim, mikkhe a kyaɓɓo tiya ;poro woh mikkhe yighim. mikkhe ɓiran a wassi paw ma limmi, kha khundul anyim malggo, kha anyim peh, kha annyim ding, kha panni, kha burom-weh woh a ghapghi ya piɗim, a khirighim, ɗang yi merem. 21 Mikkhe ɓirang a kyabbonti khu tituk khime, yi kherim tagri ya piɗim ɗan ɓirang poro an khirim.