Pala 10

1 Panang ni wau manni gɓuɗe la suran ta kyaru ti khergu, kyero ɓaghrani ti ya yebe,khama nyam-nyam ti khuni, khu ɗoni khighi pikki, sohni khiji wehn wuzi. 2 Khire ɗi kha alagara woh li sohni woh khire ti khu neghe, sohni woh khizau ɓirang ti khuyel. 3 Khire kha yi wahla kha elei ɓang khiji turun an lulli. woh khire yow wallai galang manni pareu mikkhe kha yi paro kha elezun. 4 Woh rani peleu khei kha yi paro, ni ɗita dap ɓallani, ɓirang nikha khiri ele ti khrgu ta "khep paro woh nani peleu mikkhe teppou ti ya ɓangho, kha ɓallaom. 5 Panang la suran woh ni wau kherghi ti khu naghe kha khuyel, kha gyoghri khirani woh khizau ti gak. 6 Khire kha pammiwe kha miya khei woh ta mirani kpakpai woh khuyou khergu kha pehp weh woh ɗin tiyai, kha khup pehbe kha pehp woh ɗin tiyab, kha neghe kha pehp weh woh ɗin tiya panan la suran kha tep ta "Anghe issi kyolsohm". 7 Biran millang woh la suran an pareu kyokko poyi ɓilni, millang khire paroni Yamba ti turalina, ɗiwou khighi woh khiro teppou ti ma kyebani andoparo. 8 Ele woh ni khirou ti kherghu kha mari khu tepno "woro, kha sadkhu abban alagara woh ɗita khirani la suranni woh kyerghi ti khu neghe kha khuyel." 9 pannang nikha woh pinni la suranni nikha tepni munno alagara woh yokkol. khire ta "sad alagharai kha addu. ti sop yawogho mo yi ɗen, ɓirang ti ya pohgho ti yi tomon khighi zongni". 10 Ni saɗɗou la alagarai ti khirani la suranni nikha aɗɗi. kha tomom kha ɓong ti ya paro khighi zongni, ɗang woh ni aɗɗou, khumun ya wano kha yi ɗen. 11 mnni kha tepno, "Diyiwow ɓong mo khi mari khu ɗopparoyi ti khu lenya gɓo, khama an sokkhun ɗing, kha dak monni-monni kha an khuppina."