Pala 6

1 Ni ɓanou mamman wo la Galma appou monni tiya rayan ɓakkharan peɗou kyeri kha yi paro ɓang khiji mani "zo". 2 Nakha ɓani khalan ɓani moh pe tong, piɗi turani gbutta ni kha njang. ɓiran munghe ni wo khari po khui, kyeri penna ti po kyeni an nasara ellenkhu kyeri you nasara. 3 Panan la galmai kha appok sobban khira an pellou, panan na kha kyiri rayan bakkhan we an pellou ta "zo" 4 pannan manni tong kha pettu pepe piɗin tuyi ti khu piɗi turani panan kha munni pok ma kyeri taɗɗi nyung rosso ti khu pepe ellenkhu lennyaro ma mikye gbukhuro sab, piɗi turan kye munghe gbuɗe wayi gongong 5 Pannan la galmai kha appok soɓɓan khira an gbunum, nakha kyiri rayan ɓakkharan we ta "zo" nakha we ɗing tong, miya an turero ɗiji kha we wo makkhiwe ti khirani. 6 Pannan nakha kyirani kizi manni elatiya rayan ɓakkharan we peɗou motto ta makhan ɗo alkama monni ti khu anghiyo wo sugget pallan ɓiran makhan sha'ir gbunum, ɓiran kha ɗakulo mori kha am Inabi" 7 Panan la galma kha aappokhi soɓɓan khira an pellou, nakha kyiri ele rayan ɓakkharan we an peɗou ta "zo". 8 pannan nakha we manni tong an am puro, an turani kha munni sommo muro, hades ɓiran dabzi pini, munkhe zun ɓang ti khu wazak peɗou kye ni khu pepe ma mikye gbughu kha wayi gongong, khuzam, piɗa-piɗa, kha ɓiran loh ya sozok kha khu pepe. 9 Panan la galma kha appok sobban khira an far, ti popisi posau nakba we khummo miji, wo gbukhurou elenkhu paroni Yamba, kha munnan asjan yapi wo mikye gbuttou. 10 me kye kha yi khui kha gbuɗe ele ta se ɗimin ya an ɓang pep, an kuppina kha an khulli, kheri yi zun khu poɗɗi khu pepe, khe ɓiran tadoli tiɗɗa toommun? 11 pannan ko nok tiya un kha kappe zun pe wo kyollom ɓiran me kha tebzun ta ma mikye dagghu mamman yakkhol pep pok miji kyere an bone zun kha ma molzun kpattin kha serem wo gbukkire zun khemmoli khije wo bukkhirezun. 12 Panan la galmai kha appok sobban khira an poro monni, ne ti piɗi ningho pannan ɓani gbude yengiɗan khu yel pikkyi ɗiyo piɗin ding khije ding wo sollom, manni ɓiran ɗiwou khiji toom. 13 Bajal wo ti gak mikye sukkhurru ti yel, khiji wo buro dus dan daddi ciɓɓaro puɗɗan a num, ma gbude wau wanna dan daddi. 14 Gak ɓiran kyekhou kiji alagara wo sidigero pana ko monni punni kha bilbil ta ɗan yenna ti piɗin sii. 15 panan an kuppina khu pepe kha lennyan gɓang an kuppina ding, an kurbe, kha miji an ɓang kha pep lennya kyebe kha miji wo ɗiji pok khuzunmikye kha tukkro khizun tiya panni kama khu buro. 16 mikye tebun ti khu buro kha panni ta "ma mikye sukru ti khuzun ma tike mun ti kudo miji wo ɗiji ti khu poɗɗin gbuɗe kha ding ni La Galma. 17 Elenkhu gbuɗe palan ding ni pona nok wo ti wawikyerani?"