Pala 5

1 Panan ni wawu tiya kyira kyiwe miya ɗijin ti khu poɗɗin gbuɗɗe ni wawu alagara wo ɗiji kha ɓalla ti ɗoi kha yappi kha soɓɓan khira kha wo sobkhira payerou. 2 Ni wawu manni kheman ansuran ta soppi pok kha ɗe wo ɓang "anni nok wota wawi ap ya alagara ɓiran kyeri kpaghi soɓɓan khira? 3 angije manni wo ti gak ko khu yel ko ti kumbili yel wo wawu ap ya alagarai ko ɓali we wo ɗin tiya ro. 4 Ni you kuzi wo wuji elenkhu angije miya wo perou pok wo ta abbi ya alagara ko ɓaliwe wo ɗiji tiyarom 5 amma monni tiya mungbuɗina kye kha teb no ta "manni kha yi khujim, ɓano turrum wo ɗiti lenya Yahuza, jigni Dauda, kyeri you nasara. kyeri mammou abbi ya alagara kha sobban khira payerou" 6 Ni wawu la galma kyerani tiya talla poɗɗin gbuɗe kha ɓakiran we an rosso kye khuzun peɗou ti mungbuɗina. Penna piɗin wo gbu khou ɗi kha billou payerou kha aro payerou mikye menen limmi ni Yamba payerou wo surna wo wattu khu pepe pep. 7 kyeri kha worani kha khebi alagarai ti khira kyeweni miya wo ɗijin ti khu jungbuɗe. 8 kha mamman wo la damai kha taɗɗi alagara wo bukkharan we wo ɗiji kha ɗozun peɗou kye kha mungbuɗina nyapellou kha peɗou mikye kha sogani har khu yel ta ɗo la galmai, ko nok tiya zun ɗi kha molo kha tasa zinariya khemani kha taɗɗi kamshi, minen an dimmiɗo miji wo mungho khulli. 9 mikye yi paye ponnok "khe perou pok khe taɗɗi alagara gho ke aɓɓi sobban khiragho elenkhu ɗilighegho toom gho pilou ti Yamba lenya ti ko wani kabila, ɗak lenya kha miji wo a pen. 10 khe merezun ɗukte kha mungbuɗina an teb paro Yamba ma mikye nyello ti Yambamun, ɓiran mikye ta yi ɗukte ti khu pepe". 11 Na kha ɓanani na kha kyiri ele an suran ɗagham mikye ɓillou siggi poɗɗin gbuɗe kha bakkharan we wo ɗiji kha ɗozun kha mungbuɗɗina kawan khuzun porou sik gɗummo kha sik yayonwe. 12 mikye kha kyori elezun a ɓang mikye ta "miya wo porou pok la galma wo ɗilou kyeri kheppou ɓang, kpaɗɗa, pen we, ɓang, gbuɗe, kyersik kha nyung yabong". 13 Ni kyirou ko wani ɓakkharan we wo ɗo ti gak kha wo ti yel kha ya negge pep we wo ɗijin tiya zun tin tebi ta "mani miya wo ɗiti poɗɗi ti khu wo poɗɗin gbuɗe, menan kha bang yi ɗukte, har kpaɗɗan khu pepe. 14 panan rayan ɓakkharan we peɗou kye mikye ta, "Amin" Anmanyina mikye suggani kha khu ɗozun mikye kha yi ɗimmo.