1 Bitrus an suran Yeso kriti ti misba woh kyuban ti piɗi Bitrus, Galatiya, Kappadikiya,Assiya,khan Bitiniya. 2 Khe ti penan Yamba an Da, ma kehp khirim mu gbuɗe ti ya tom Yeso Kriti ma menan ɗi khama ɗommon rosso ma. 3 Ma Yamba kha damun Yesu Kriti likhira ti khu ma, khire mungho mun poye lah elengkhu ɓang kheban. kheban kheni ti piɗi illan Yeso Kriti lunkhu woh muro. 4 Khe ti khu kheban woh ari ɗakkhilinan an ghe ɗing ariyi pehm. loh weh ma ti gag. 5 Ma poɗɗan ti ya ɓang ni amba khan ɓang rosso, ellengkhu salvation woh tiweh mun ti bi kwddan palang. 6 Ma ɗiti yi kyolom lunkhu khe, ayi walam ma ɗi kha ɗankhalan rosso ti ya wehm. 7 kyei lunkhu kheran menan, woh khopo anyim malgh woh ɗakklighi woh ɗakklighi gwado kha wuzi. kyei yo lunkhu ta wau ɓang ma ti ya Yeso Kriti. 8 Ma weh nim, ma meno kha si. ma weh nem bomi, ma meno kha khiɗan kha peh rosso. 9 Ma ɗiti khep wehma kha mennan meripok sik ma. 10 andop ɓano kha walla paro meripok, paro nyun rosso woh ta ɗi khema. 11 Mikhe bano penan nogh kha ɗimi khirim ni Kriti yighi paro kha sun kyei yoh ti piɗi khire tepsun khiɗam bone woh Kriti kha woh tiya. 12 kyupesun ta mikhe a kheb sapzun ni khe, ɓo teppe ma woh teppo ti ya paro khirim woh wanna ti gag woh anruran yonghu ta ɓanani. 13 Elengkhu khema kherwalla ma kher kyonno ma ma sob ɓang rosso ti ya menan woh wann nema ti ya kyuban ni Yeso Kriti. 14 Siɓɓa an mu gbuɗe, ma kha luh khuma ti ya menan woh ma ɗiti ya dili. 15 khire woh yaweh ma an taberah. mai maɗi an taberah ti weh pehp. 16 kyei ɓallani, "yiɗi taberah, elenkhu ni taberah. 17 Bo ma yaweh "Dah" si woh khire kwanghi khidam paro, tad kherun mere ma tiya munun ghudeh. 18 Ma penoh akha dakklang anyim kha malgho woh ma penno tiya sik woh dama teppeh ma. 19 khikkyei yaweh ma tiya wallan tomni Kriti woh khighi la dighi woh anghije kha ɗagkhalan. 20 kyuppo Kriti Kafin liyan khu phebe, bomi teppema ti gbaddan khera. 21 Lunkhu mun meno kha Yamba. woh kyugreni tiya muroh ti yai woh muri munun gbude lunkhu menan ma kha ludon ma ta ɗi ya Yamba. 22 Ma manan kha sikma taberah ti mun gbuɗe tiya khikkei. kyei elenkhu menan an molli; ma men kha sahp mah kha menan rosso. 23 lawema ɓirang, a ti khokkho kiɗam woh ti ɗakkhalam kha kiɗam woh ari ɗakklam ti ya paro woh ta sunnai khama isi paroni Yamba. 24 Pehp sik khiji sozoh, kha pehp gbuɗe khighi phirit sozoh. 25 pharo ni Yamba ɗighi kpapai.