1 Ma loh poro woh a walla, ɓang kyui, ɓureh tat woh a weghom. 2 Kha phoye leh, kha taberah khiri, tiya khikyei mara gbudo ti ya meripok. 3 boma ma nappo woh Yamba khire wala. 4 Wanttu pini ma woh lennya khude ma, woh Yamba yaweh ma ti pini ni. 5 Ma ɗighi khighi ɗiyan panni wh ɗikkho ti ɗi khirim ti mina, ma ɗi priesthood woh ti mummun khirim manan ti Yamba ti piɗi Yeso Kriti. 6 Paro tadna kyei "boano. ni ɗighi siyona piɗi ni bo kha meno kha si ari ɗiti ya khunyam. 7 Gbude ni khema woh meno "panni woh an ɗigha khuɗo ɗiwoh khu kheden" . 8 Kha "panni khrean kha phenni kheɗen mikhe kheden, khudu paro woh mikhe ɗiwoh. 9 ma ni kyubban lennya Yamba, elenkhu mara tep woh khire yoh woh walla woh khire yuwema tiya dil woron ya piɗi woh walla. 10 Phikkhe ma lennya nim, boni ma lennya Yamba. ma khep khunghu, bomi ma kheppo khunghu. 11 An minghi, ni yaweh khighi misba kha an mere, ma wasi menan sik woh ɗitti yi ɓure kkha woh wal. 12 maɗi kha rosso gbang tiya misba, lunkhu, ɗoh mikhe khusema ti khu yin poro nyangyin, ma mikhe bano tiya poro sun woh walla ma mikhe weh Yamba milan pengharanni. 13 Ma yoh gbude kha ɓallan paro ɓang lunkhu Yamba, ma gbude pehp an khup lunkhu si kwei. 14 Pehp kha an khu woh surna lunkhu kus paro an yi yangying. kha woh yighi woh walla. 15 Khe menan Yamba, ɓokha yighi woh wala khe makha khiri lennya woh yighi paro woh a wallam. 16 khighi lennya ɗiyan khusun, khar ma yi poro kha ɗiyan khu mayi nyangyun khate, ma ɗi khighi an poro Yamba. 17 Mu gbude ti lennya pehp. menghi lennya mun gbude ti Yamba , mun gbude ti an khup. 18 Khebe, mun gbude ti an minama kha rosso ma pehp. 19 Diya weh yabo bo manni tiya ɓang rosso, tiya neksik lunkhu penan Yamba. 20 Ti pori taghan bo kha yo ɗing ɓirang kha kehp ponished. 21 Elenkhu kyei woh yawema. lunkhu kriti kyo bone elunkhu goh. khire yo khe elenkhu ma wase ma khokkho. 22 khire ayi manni ɗing. kho manni paro woh a wallam ti pokni. 23 Khire a ɗighi gho woh mikhe yiwe nim lunkhu bone. khire maweh nizum, khire mugho khuni ti manni woh ti khuzi paro. 24 khire kha khuni taɗɗo ɗing mun ti khu buro. lunkhu munsiri ɗi tiya ɗing. lunkhu mun ɗi ti ya khughu, ma wau sauni tiya bone ni. 25 Pehp ma ɗiti bori ɗoh khighi kyaghan doghi bomi ma mena pini an khuma an ɓani sikma.