¹ Paule orere uwa Ədǝshəri, nan utuma u Yeso unu kasodo, baka uyiya biruwa uwa ano agemese Ədəshəri wa ʒake aʒa uru magaŋgan mu gara nan i sansan, ² nan i tandəsi̇ i suŋ iwu cikǝ Ədǝshəri, onu dira npore, ogemese ă tasi bata simiʒa ʒale si u că ogome. ³ Mǝ parsi nlen mamame u ca u wuma, si ma nyan dan ka nyaka. Nan remelo ra Ədǝshəri unu kasodo ʒe in wa wuna igiya. ⁴ ạ waŋa Titus vana u gaŋgaŋ ayimi u cika u yiya birwa, ogwene nan shammo, a sura Ədǝishǝri Aco, nan unu kasodo Yeso. ⁵ Baka nan naneze na diki ŋi a Crete da iŋi binja nane se tegogoro teze nan egemse a awatǝ mǝsǝ ne, konzen nane di tarra alere ạ tenoŋono kaman yanda ogemse wa buki iŋi. ⁶ I ta reze, Onoŋono cika onu macara ne, ǝ ma cikǝ Acakurawai vento, nan abiya a uyiyabirwa be gemse bidamin tewo ti buburu, ne macara ne, ne udiru kunanu ni. ⁷ Izikima onu nạrạ ne, umantakura Ədǝishǝri, ma chika onu dira macara. Tạgo ma cikǝ onu birwa bi kwai ne, ne onunai ne, ne onudira birwa bi shammo ne, ne onu shiyạ tegogoro ti buburu ne, ne onu yisisi iruwano ne, ne onu arǝ ǝpuru. ⁸ Baka naneze, ə ma chika onu kaiy a kwavi, orere u imiwuma, ǝ ma cikǝ okese, onu tarse Ədəshəri, nan u mantə rété. ⁹ ǝ ma mantǝ kima nlen mə gaŋgaŋ se awa izame a mamura u wunka aye baka abezobezo a wuma, nan umamara anagemse ŋana gamene me. ¹⁰ Baka anu ŋyamenome bare susaiḷ uga anagense ana tuʒuŋi tishora teŋe. Nleŋa maŋe dan mu tarane. Nŋe ŋya waŋyaro konʒen ŋa wuna ano ạ uyu runa. ¹¹ Iʒikima, a tuna ŋe. ŋe ŋya beʒe emegemse ŋa titin nin beʒene, baka base da ŋamjra konʒe uburkali tikura kusun. ¹² Oweyohoŋe, ono rekeʒe ayimaŋe mago, "npore ma Cretans matá masone, ana banʒa, iname i buburu, ano madoro se uwushara. ¹³ Nlen magá ma gangan manʒe, bakan naneʒe ǝ biʒaŋe kima, a ŋya ciká nan u iyabirwa ganka. ¹⁴ Tágo nyi koneʒe Tejo ti Jews ne, nan utarse makiri ma anu nyamene magangan ne. ¹⁵ Aa na gemse ŋaʒe sansan, ʒalle togogora teŋe tiʒi sansan, konʒe anudira i-sansan nan anudira uwunabirwa, koiyiya eheŋe dame sansan ne. Baka iruwa nan adedonʒa haŋe ʒalle madini manʒe ¹⁶ Nŋe ŋágo ŋaru Ədəishəri, bata nŋe nŋǝ ŋameneme a riwuʒareŋe. Imuŋyamene ʒe ŋye, konʒe ŋa ŋyamene makiri, ŋe ŋa dame imu gara ne baka riwuʒa reŋe.