1 To, uwa go, i wuʒa uyiya birwa ʒe. 2 Anaŋono cikǝ ano u rusu birwa, ano martaba, akese, ano iruwa i sansan, anyimi tubarsa, nan u kula kenken. 3 kama nanaʒe ana ŋononawai da ŋa cikǝ ano tarsen nlen, tago ubi nlen ma ano ne. ǝ tago ŋa cikǝ ano remmo obere ne, ŋa beʒeʒe imi wuma. 4 baka da ŋa beʒeʒe aweya nya ʒe rekese tubarsa Ana-roma nye nan Abiya nye. 5 A nŋa bezeze nye a ŋa cikă ano rekese, ano i sansan, ano u mantă a kura kima nan ano kunan nlen a Anaroma nye. A ŋa wuʒa ija tago a tinʒa nln ma Ədəshəri ni. 6 U runa o geme, ă nya biʒa abiya u cika rekese. 7 A nyimi kuya u runa, beʒe re-tare ogo na rika baka ituma i wuma; ingase u ra beʒeʒe we, u we anfanen ri-wuʒa ri wuma nan re-dodonʒo ri-wuma. 8 Bukini re-tuma regemese reʒe kima nan u dira macara, baka da kwavi ono gense ma nyamene ma nin kuna mme, baka ŋye ŋadamen iyabo i carone si ma nin buka aʒa hado ne. 9 Are ŋanʒe ano wuʒa re-wuma ə unu-sassaro ŋe a kuyiya. ŋanʒe ano wuʒa ri-wuma dan anu messe magita a na sassaru nye. 10 ŋe kada nya cara u cika mene. bata, nye da nya biʒa u yiya birwa bi wuma baka da ayimi kuyyiya a ŋa manta ebebeʒo iwo ogoma Ədǝshǝri unu kasodo. 11 Da telo te ogoma Ədǝshəri te kadeŋe kwavi. 12 i kuya do de nyamene u dira u tarse ogoma Ədǝshəri nan u barsa massano. E kuya do e cikǝ ano rekese, ano ribiu ri-wuma, nan tu runa te ogoma Ədǝshəri ă rimiʒa riga. 13 A yimi nane i tura aji di kai taye to iya-birwa bedo, nan u tunu u yisiʒa ogoma Ədǝshəri taren unu kassodo Yeso. 14 Yeso na nyaka re-ta re-me baka woro da ma wan nan woro ʒall ano macara nan ano i-sansan ana gemese ŋana barsa u wuʒa tegogoro ti wuma baka mme. 15 bukanu ni nan u tilala tegogoro tiga. Nyaka tu-mamara ayimi ʒall tegomă te. Tago u we yiʒi ŋi ni.