1 Tago u tare owe reden ne, bakaŋ ŋo tago a tipi mi ni. 2 Reden regeme se ŋo nā tara awe me, nane ze arā taroye me. Eso egeme se una tuka nanno, enze arā tukoye m nanno. 3 Baka iya ze nŋo rā nī be renko ā riji rū wanoye, bata ŋo dan nī rikutu regeme se ri rā riji a rē ne? 4 Baka iya ze ŋo nin goŋ u wanoye, 'dekan zuzi be renko ā riji a re; bata ŋon giya nan rikutu ə̄ riji? 5 Nŋo, ono riyau, zuzi rikutu re geme ā ŋo ə riji bata ŋo nin nī kima u zuzi be renko bi riji rī uwanoye. 6 Tago ŋi nya iwashe emegeme se eze i sansan ne; Tago ŋi vati ti-lade tommo ti wuma ne, ngi wuna nane, ŋara kǝyǝnu nan atau, ŋara waŋaro ŋa darse ŋi. 7 Saŋara, ara nyoye; Jiŋǝrǝ, u rā mura me; Gwaka a rā pǝni oye ǝrǝ kǝi mi. Ono ogome se ma saŋare, marā kā me; 8 Ono ogeme se mǝ ginǝri, marā mura me; konzen, ono ogeme se ma gbaka, arā pǝni o home ǝkǝi mi. 9 Əvizi ǝnyimi ǝhǝŋi, ngase vanō me saŋare me ri borode, mara nyome ri zuwa? 10 Nē ngase ma saŋare me bi ginu, ma nya me buwa? 11 Ngase ŋi ano ǝburu, ŋi rū u nyā biyǝ ŋi emegeme se eze i wuma, ŋi rā nī nnizi, Aco u huŋi ogome se mara ǝdǝshǝri ma rā nyā ano ageme se ŋa saŋare me emegeme se i zi īwuma! 12 Baka nane, ā kiyammo, wuzani ano emegeme se ŋi rā barsa ā wuza ŋi mi, igiya enze u binja makiri nan rī masa rā tuma ǝwǝ Ədǝshǝri." 13 Pete ni ǝrǝkǝi ā shesheko. Əkǝi nan uruna ū waŋā ura oze pandan, ano cebete ŋa tarse uruna ogemme. 14 Əkǝi nan uruna o shesheko onze wan nan ŋo ā ruma, ano ū mura me ŋa tā kerne ne. 15 Pǝni ǝji baka atuman pore, ano ageme se ŋa rase nan u siya uwi tan, iruwa uga iwashe iwū ja. 16 I rā rū o hoŋǝ baka ri wuzā reŋe. A datae ā zuzi apare ā bikana, nē akwǝfu ā ripun rū titi o woro? 17 Nane ze utiti ū wuma u yoso iburi iwuma, nane ze utiti u caron ū yoso i buri caron 18 Utiti u wuma ū ta yō iburi egeme se ita reze ne. Nane ze utiti ogeme se u ta reze ne, u ta yō iburi i wuma ne. 19 Kuyyu titi ogeme se ū ta yoso iburi i wuma ne, ā gware ā vati ūra. 20 Baka nane, nan isana ituma e heŋǝ, ara rū ohoŋe," 21 Dan kweren ano u gusan mi, Aco, Aco ze ā mura opete ā ti-gomo tǝ ǝdashǝri ni, se ono ogeme se ma wuza emege se Acowo hoŋ ogeme se marǝ ǝdǝshǝri ma barse. 22 Ətiyǝ agemme, ano cebete ŋara gunan mi, Aco, Aco, iwa tā yisu nlen ma mai nan rija re ne? I watā zuzi imi buru nan rija re ne? konzen, i watā wuza te gogoro ti mummuru cebete nan rija re ne? 23 Nze rā goŋe, 'mmi, ntā rū ŋi ni; Dekon ni, nŋi asossono. 24 ka nane, ono u kunan nleŋa man, ma wuza ituma nanno, ara niyo home ono rikese, ono ogome se manǝ piyǝ ǝtitǝu ā hame aza opɔɔ. 25 Bura bi kuŋku, se sī sins ninja nan manyi, uvunu ka suru u here ǝtitǝu mi, ǝtǝ rizi ni, bakase ǝ̄ piyǝ ā me Aza ɔpɔ̄. 26 Ono ogeme se ma kuna nleŋa man majā, konzen ma tā wuza ituma nanno ne, ara nǝrǝ o home uga ulakere, ogome se mǝnǝ piyǝ ǝtitǝu ā hame aza ikiki. 27 Se bura bi kuŋku, ti- nini ti nya nan manyi, nze uvunu tere ǝtitǝu mi, nze āme rizi, rus. 28 Uca ogome se Yeso mase u biyǝ nane, nze, ano ageme se nya na binja ā rame ŋa go, 'imi wī, nǝrǝ nane se mara bezezze ano nlen' 29 baka se mara bezezze o hoŋe nan birwa be vento konze tǝndǝsi, dan uga ano- bezezzo hoŋe makiri ma Musa ne.