1 Kā ni shauwo, tago ri wuza riŋi ri wuma ri cikǝ rī u niyǝ ji ni. Nga ŋi wuza nane, idamā mura iyabo i wuma ā suru Āco u huŋi Ədǝshǝri ni. 2 Ngase ŋi nya anu dira; tago ŋi wuri ajō ne, uga nane se ano ri mungulu woze ā kura Ədǝshǝri nan ti dā ano nǝri ŋi ŋa iziza ŋe. Gaŋgaŋ ze nā buki ŋi, ŋanā kā emegeme se ŋara nara me. 3 Ngase ŋi nya ano u dira, tago uware bi guli bi nǝri emegeme se bilai bira wuza mene, 4 dā ti mala tiŋi ti cikǝ ti tī Ācowo huŋi ogemese mara nǝrǝ mi tī, mara mala u huŋi," 5 Ngase ŋira nyaka taye, tago ŋi wuza uga ano riyau ne, ŋa barse u nyaka taye ā tore ā kura Ədǝshǝri nan ti runa, dā ano nǝri ŋi. Nā buki magaŋgaŋ, ŋana ka ti- mala teŋe kweren. 6 Ngase u ra nyaka taye, pate u gura o hoi, pate arǝ kǝi, remme ā Ədǝshǝri a hai, ono ogeme se ǝtǝ nari mi ni. Nze Acowo hoi, ono ogeme se ma nǝri emegeme se ā woze tī, mara malo hoi. 7 Ngase ŋira nyaka taye, tago ŋi kursǝ nu uga ano u dira urū Ədǝshəri ni, ū niyo hoŋe ara kuna o hoŋe aka nane. 8 Tago ŋi cikǝ uga ŋe ne, ŋi kazu pǝnǝnu, Aco u huŋi ma rū eme geme se ŋi rā barsa me. 9 Ngase, ira nyaka taye ego, "Acowo hodo ogeme se mǝrǝ ǝdǝshǝri, a deke rija re sansan, te-gomo te ti raiy, 10 a wuza emegeme se ŋo barse ā masano, uga nane se ā wuza ǝdǝsheri. 11 Nyado imu wushu i kane. 12 Ita macarā mado uga nane se woro yese ano u wuza o hodo macara. 13 Tago ŋo wannan woro ǝrǝ buru ni, zuzi do ǝnyimi i buru. 14 Baka se nga se ŋi sarke macara mā no, Acowu huŋi ogome se mara ǝdǝshǝri mara ita mǝmǝ ŋi. 15 Ngase ŋi ta sarka macara mā no ne, Aco u huŋi ǝdǝshǝri ma damā ita mǝmǝŋi ni. 16 Ngase ŋi rā u pǝtǝ nu tago ŋi cikǝ nan utǝsǝ mmwinyu uga ano riyau, ŋa takare mmwinyu da ŋa biza ano ŋarā pǝtǝ nu. Gaŋgaŋ nā buki ŋi ŋana kā ti malā teŋe zale. 17 Ngase u rā pǝtǝ nu, wozo maneŋe ā rete konzen o zozoro mmwinyu a mai, tago ano rū se ŋo rā pǝtə anu ni, 18 she Aco u huŋi ogome se ǝtǝ nī mini;konzen Aco u huŋi, ogome se mā nīzi tī, manin mali ŋi. 19 Tago ŋi yisa umura u huŋi ū bata ū masano ne, ara a geme se iwishu nan mazuzu matan cara ne, konzen ǝkǝri nin pete ŋa ti ni. 20 Yisa ate ǝhǝŋi u mura ǝdǝshǝri, ara ageme se ū wishu nan mazuzu matan cara ne,konzen ara ageme se ǝkǝri tan pura ŋa wuza rikǝri ni. 21 Baka se ara ageme se ū bata o hoiy u rǝnu anze birwa be bi rǝnu. 22 Əji anze ura ripun. Nga ǝji ze gayan, ripun ri rā cikǝ gayan. 23 Nga se ǝji dame gayan ne, zale ripun ŋa re, ri ra cikǝ nan mǝri, nga se ura ogome se u rǝ ŋǝ ripun oze biti, nni zi okerne mǝri ma me ma ze! 24 Ono tā tarse ti-Cakura te repo ne; nē u nyamene oi u barse oi, nē u gare nan ewo we u nyamene ewo we, u tā tarse Ədǝshǝri u kuru tarse iru kweren ne. 25 Baka nane, nā buki ŋi, tago ŋi wuza adodonzo īru i hiŋi baka ti cikǝ tī ti ŋi, nan emegeme se ŋi rā wushu mi; nē ripun ŋa riŋi, nan emegeme se ŋi nin soke. Rūma ri tā kira imu wushu ni, konzen ripun ri tā kira tommo ne? 26 Nǝri ni itidi, ŋa tā bira ne, nē te koke, nē yīsa ā ribiŋa ne, zalen nane, Aco u huŋi, ogome se marǝ Ədǝshǝri mā ŋiza ŋe imu wushu. Nyi tā kira ŋe ne? 27 Əvizi ǝnyimi ǝ hǝŋi baka u caro birwā beme, mǝ vǝti u kape vento ā rumā reme? Wagiya, 28 baka iya ze ŋi ra adodonzo epe tommo? Nǝrǝ ni iburi uja luku-luku, itā wuza ituma ne. 29 Zalen nane nǝ buki ŋi, mme Salmane, nan unarka o home, matā wuza unarka ogome se u wake o weyo hoŋe.. 30 Ngase nane ze, Ədǝshǝri tǝsi semo sū ja, se geme se sirā ri giya kane, nan ŋaru awe a wuna ūra, nŋi ano u dira a rū wuna birwa. 31 Baka nan nane, tago ŋi wuza adodonzo ā gusa, "iya ze woro nin wushu' nē ' iya ze woro nin shǝ'? Nē ' iya ze woro nin soke'? 32 Baka se ano u dira u rū Ədǝshǝri ŋa ra giŋǝ isana tegogoro te geme, konzen Aco u huŋi ogome se mǝrǝ Ədǝshǝri ma rū emege se ŋi rā barsa me. 33 I dinka enze giŋǝnǝ ni te gomā teme nan ri biuwa reme ri wuma, zale ti gogoro ti giya arā nya u huŋi. 34 Baka nane, tago ŋi wuza a dodonzo baka ŋǝru ni, baka se ŋǝru uwǝ Ədǝshəri zi, kuyǝ tiyǝ ze nan betoiya beme.