Udaraŋa u 12

1 Anyimi uca o bate, Se ano cebete wa gurna, ecebete wa waka uware har ŋawa kaya apuŋa ŋe, nze ma bura u gunan Atuma hame in bura me, "ru ni nan imu wuna ti-Pharisis, si eze npore manze. 2 Baka iyiyabo damin utǝsi si atin buzi ni, konzen iyiyabo damin ugurkuza se atin ru ni. 3 Bakan nane emegeme se i bukin atitinya anin ru nan onŋwe, konzn zale bira bu biya tetoŋe anin buzara a kayaza ugura. 4 Dikan buki ŋi arena han, tago i kuna iwi anu nara uwuna ripuŋ rigiya ne, nze amaro nane ŋa damin imu wuna konzen ne. 5 Nin buki ŋi onogeme se i nin kuna iwi mi. Kuna ni iwi onogeme se ngase ma wo ripuŋ rimi ma nin kuru ma vati reme anyimi ura u suŋ. To na buki ŋi kuna ni iwiye me. 6 Atitǝ rǝsǝ Sparrows shibi aza nkobo ma repo ne? Bata evento eŋe dan wuri aja Adǝshǝri. 7 Ama ko sete se retǝ ri ŋi awa bara sema. Tago i kuna iwi ni, nŋi zi imi wuma aza ti sparrows cebete. 8 Nna buki ni, zale onu buki epe hon aji ano, vana ono nin ko ma buki epe heme aji a ti-malika tǝ Adǝshǝri, 9 bata ono geme s ma nyamenon aji ano, anin nyamene me aji ti-malika tǝ Adǝshǝri. 10 Zale ono geme se ma buki iyabo i caron aza vana ono ani kunki, ama onu cara riji ri uvunu isansan, a tin kunki ni. 11 Nga ŋa we karo ye anyimǝ akura Adǝshǝri, ana sǝsǝru, nan ano tegomo, dawa damo nan emegeme se u nin buku da ŋo kai retǝre ne, 12 bata uvunu isansan nin beze emegeme se u nin buku uca ogeme." 13 Nze owe anyimi riyǝgǝ reme magonme, "ono bezezze, buka uwanomo hon a ma wara umura anacowa hado nan mi." 14 Yeso gonme, "Onorome, avinna wu nan an cikǝ onu mamara nlen né onazate uhuŋi?" 15 Ma magonŋe, "woza ni rinyaŋana riŋi, aza rimuru ru barsa birwa, baka ruma riŋi ridawa cikǝ nan umura u huŋi ni." 16 Nze Yeso buki ŋe uyu gǝmǝrǝ mago, "u ru uniru wa nyaza tekoke cebete, 17 nze ma we adondonzo mago, 'iyaze innen we, baka se in da wen aru yiya imunshu ehon ne,' 18 mago, 'igiya ze nnin wu na, dikan buzi abiŋa han in piyǝ asǝsǝru, anyimi i nin iya zal imunshu e hoŋ nan udaŋara tommo tu ru timi. 19 Nze ntere begesen ngo, "onoromono, imunshu giya dase a ribiŋa, vonke shaowo, wushi, u shi, konzen owe remeze.'" 20 Nze Adǝshǝri gonme, 'ulakere ono, kane ira hita ruma re, nze emegeme se ozeno owǝvi ze aziya?' 21 Nane ze awe ze, ŋa tara umura aŋe a rete cebete, a bata ŋa dawen umura owa Adǝshǝri ni." 22 Yeso gon Atuma hame, "bakan nane dikan buki ŋi, tago i damo aza uciƙǝ uhuŋi ni - emegeme se inin wushu, né aza ripuŋ - emegeme se inin soke ne. 23 Baka ruma rikira imunshu, konzen ripuŋ rikira imo soke. 24 Nǝrǝ ni itidi, ŋa tǝ wuza avara ne. Ŋa dawen uguru yiza imunshu ni né ribiŋa, ama Adǝshǝri yiza ŋe imunshu. Itidi dawen ukira u wuŋi ni! 25 ǝvizi aza remura reme ma nin vati kaca ka bateke anyimi tenŋwa teme? 26 Ngase imi bate igiya ze nagame ne ɲi, iya ze a wu na u huŋi epe udaŋara me? 27 Ŋerǝ ni tuva to reze - kando geme se tu vati ubare, Tu dan woze ituma, né te doze tommo ne. Bata in buki ŋi, ko solomon nan unarka o home, a dawa soke me tommo tu kira tuva tigiya a reze ne. 28 Nze ingase Adǝshǝri nin soke semo tommo se kane si naŋ ara sana si na wǝ a gwaru rǝ, iru isǝnǝ tommo tegeme se ma tǝ soke ŋi mi, anu yiya birwa bateke! 29 Tago ginǝrǝ emegeme se i nin wushu, nan ushiyǝ ni, a zeno u ka damo. 30 Baka zale ano massano rǝ ginǝrǝ tegogoro tigiya konzen Aco ru emegeme se ire pe me. 31 Ama giŋǝrǝ ni opetǝ tegoma teme, anin nya ŋi tegogoro tigiyǝ. 32 Tago i kuna iwi ni, an wantǝno, bakase Acowa haŋi nin barsa u ŋyu huŋi tegomo teme. 33 Rǝsǝ emegeme se o zenno u nya ano tiyaŋ. Wu na a imu gurkuza se i tin wishu ni - a ra u yisa umura adaishari si i tin masso ne, ara geme se akari tin ra votonno ne, konzen si igau tin wushu ni. 34 Baka ara geme se birwa be bi rǝ nu anze ara u mura o hoi konzen. 35 Deke umamara oseke tommo a te ti cikǝ aza ogoto o hoi, konzen deke reboro ru rǝ riŋi re meshe ura, 36 konzen cikǝ ni uga anu pai Acakura ŋe inga ma kuru a suru a ra remeze rǝ anya, bata ingase ma rǝ tupa ara kai i nin wan sassa i pani mimi. 37 Ano taye temze anageme se ingase Aco rai ma nin mura ŋe a tinyaŋana. Gangaŋ dikan buki ŋi, ma nin mamara tomma teme ti yoyo azate, ma we ŋe a cikǝ u kujira u sǝru, ma nyaŋe imu wushu. 38 Ingase Aco me rai u rai o repo ma mura ŋe a rinyaŋana rǝ titinyǝ, né inga ko a rinyaŋana ri u taro, konzen ma mura a paowo me, ano taye ze arere agemme. 39 Taken nane, ru ni igiya, se tago se Acowa kura ru uca ogeme se Akari nin rai a me a yitau, ma titin deke a pore a pete ne. 40 Cikǝ ni anu pawo me kuyyu ca, baka se ŋi dawa ru uca ogeme se vana ono nin rai ne." 41 Peter go, "Aco, ugǝmǝrǝ ugiya u rǝ bi ma woro ze base, né a kwavi?" 42 Nze Aco go, "Avizi onu magangaŋ, konzen onu ru mantǝ tegoro se ingase a nya me u mantǝ udaŋara arere me nze ma nin yiza ŋe imunshu uca u wuma? 43 Ono taye ze orere ogemme, se Acowa kura ŋe rai ma mura me a wuza nane. 44 Gangaŋ dikan buki ŋi ma nin we me a mantǝ umura o home zale. 45 Ingase orere ogeme go ame a birwa, 'Aco dawa ra sasa ne,' nze ma petǝ a tarǝ udaŋara arere me awai nan anarome, konzen ma wushi ma ko ma shi, nze ma dangalo, 46 Acowa kura ono gemme sä rai atinyǝ ageme se ma dawa adondonzo me ne, nan uca ogeme se ma tǝ ru ni, nze ma nin gwarse me tikutu tikutu, ma we owe onu dira magangaŋ ara hame. 47 Orere ogeme se, ma ru imu wu na Acowa kura hame, nze ma tǝ mantǝ ne ma we emegeme se acowa me woze ne, manze a nin tǝri mi cebete. 48 Bata ono geme se ma tǝ ru ni konzen ma we imu tǝrǝ, a dawǝ tǝro me cebete ne. Zale ono geme se a nya me cebete, anyimi ecebete egemme ze arepe e cebete a me, konzen ono geme se ana gara me nan e cebete, e cebete ze a nin sǝnǝrǝ me. 49 Ina ra dan gwǝrǝ ura aza massano ze, konzen ta go u barsa ze u mura ura me ta na mye. 50 Ama nze o zoro se nsǝ zoro nanno, konze ura damozo o hon sen ina massa! 51 Nŋi ra nǝrǝ uga ina ra nan telo tenze a massano? Babo, dikan buki ŋi, bata uwǝrno ze. 52 Baka se asurǝ kane shibi akura avento nan uwǝrno - an ka taro aza an ka repo, konzen an ka repo aza an ka taro. 53 Ŋa nin wǝrno, Aco aza vana, konzen vana aza Aco; Ayinu aza ugalla, konzen ugalla aza Ayinu; Uware aza ore ugallome, konzen ore ugalla aza Uwarome. 54 Yeso wara ku biyǝ riyǝgǝ rǝno reme konzen, "inga i ni tewero a nyana asura ulu uwǝru, e chonno uguna, 'bura bira deŋe,' konzen nane me ze i we. 55 Ingase uvunu u wa dizi nya, i go, 'a nin mura makwai,' konzen i we. 56 Asossono, i ru unǝrǝ i buki uziya massano nan adaishari, bata iyaze we se i tǝ ru egeme e eze uca u wagiya ne? 57 Iyaze ŋi tin biyǝ emegeme se i ze i wuma i ŋi ni? 58 Baka uca ogeme se i ra waŋa biyǝ nlen nan ana geme se una cara nan ŋe, u runa i tǝ tore i mamara epeme da tago ma wan nan ŋo anu biyǝ nlen, anu biyǝ nlen ko ŋa wan nan ŋo ano sheno owondo, ano sheno owondo ko ŋa ka iyaiy inyan ne. 59 Dikan buki ŋi, i tin suru anyimi inyan me ne se ina nuzi iru mi a ka deŋe u massa me."