¹ U Farisawa warǝnu se a tesezeme Nikodemus, onu usǝru a nyimmi ti Yahudawa. ² Maara a Yeso nan atitiyǝ ma gomme, " Ono bezeze, woro rũ se nŋo ono bezeze a suru a ǝdǝshǝri, bakase oye ta wuza imigiya se ŋo wuza se ǝdǝshǝri zen me." ³ Yeso tara ma gomme, "Gangaŋ, gangaŋ, se ana kuru ayo ono konzen, dan nane ne matan nǝra akura a ǝdǝshǝri ni." ⁴ Nikodemus ̧gomme, "Anin kurǝ ayo ono iri nizi se mana ŋuna? matan kuru ma pete a puru awa yini owo repo nze akuru ayo me, manin date? ⁵ Yeso tare, "Gangaŋ gangaŋ se ana yo ono nan manyi nan uvunu u sansaŋ, matan pete a trgomo ta ǝdǝshǝri ni. Emegeme se ayo binama bi ripun, ŋenama bi repun benze, ⁶ konzen emegeme se ayo uvunu u Sansaŋ, uvunu u sansaŋ ze. ⁷ Tago ukuna iwini se na guna, anin kuru ayo ono konzen. ⁸ Ovunu wuri a wame ulu ogemese ome ra barsame; ŋo kunaogusa me, bate ŋnta ru a regemese uka suru anuni ne aregeme se ura kǝnuni. Naneze kavi se ayo me Uvunu u sansaŋ." ⁹ Nikodemus tare magomme, "innizi tegogoro tigiya tira cikǝ?" ¹⁰ Yeso tare magomme, "ŋo ono bezeze u Israila ze, nze ŋo taru tegogoro tigiya ne? ¹¹ Gangaŋ, gangaŋ ze nǝ buku aŋo, woro buku egemese iru, woro kun buki emegemese woro ru aza emegemese inǝ nǝrǝ: Bate ŋita gara nan emegemese woro ru se ina buku iŋini. ¹² Min wa buki ŋi tegogoro ti masano nze ŋi ta gara ne, ŋinin gara innizi tago in buki ŋi tegogoro tǝ ǝdǝshǝri? ¹³ Oye wata nyana a ǝdǝshǝri ni se ono ogemese mǝ tunu asuru a ǝdǝshǝri vana ono. ¹⁴ aye a nyimma atuma a Yuhana me magita nan oi u Yahudawa aza ozoroso u remeze. ŋa wame a Yuhana ŋa gomme, "ono bezeze ono ogemese manaze nan ŋo a rekero ri ninǝ ri ri Urdun, ¹⁵ ono ogemese ŋuna buki emegemese ŋuru aza ahame, nǝra, mageme a zoro ano, anon geme zale a wame ame. ¹⁶ Baka ǝdǝshǝri wa barsa masano, nze ma nyaka umǝdǝki vana ohome konzen vana me base ame, baka ono ogemese ma gare nan me, madǝmǝ wǝnǝ ni konzen ma mura ruma ri suŋ, ¹⁷ Baka Ədǝshǝri wata tuma vana ohome da ma wɔɔ masano ne, konzen da ma mura ma kase masano bakamme. ¹⁸ Ono ogemese ma gare nan me ma dama wǝnǝ ni, konzen ono ogeme se mata gara nan me ne ana masa ubiyǝ ohome nlen, bakase ma dan gare nan riji ri Vana nan base umadǝki vana uwa ǝdǝshǝri ni. ¹⁹ I giya enze imu ŋuna se da abii nlen: baka ma saŋsaŋ maa ra ǝnyimi masano, enze ano wa kira a barsa mǝri nan masaŋsaŋ bakase ara apuru wa kerne aŋe. ²⁰ Zale ono ogemese ma wuza tegogoro ti buru u nyamene ma saŋsaŋ manze, konzen ma dama wame ara ma sansaŋ ne baka tago a pǝrsi ri wuza reme ri buru ni. ²¹ Take nan nane, ono ogemese ma wuzuza ma gangaŋ, ma rase ara ma saŋsaŋ baka da a nari nan ǝji se ri wuza re me ana wuza ənyimi Ədǝshǝri." ²² Aza amaro nane, Yeso nan atuma a hame wame annyaŋa ma Judea. Ageme ze mǝ cikǝ nan ŋe a wame a uyu ca enze ma zoro ano. ²³ Wagiya Jone wara a zoro ano konzen a Aenon a lake nan salim bakase manyi mara ageme cebete. Ano wara rasaza ame, nze a zoro ŋe. ²⁴ A wadan na biza Jone inyan ne. ²⁵ Enze magita ma yere ənyimi aya atuma a Jone nan u Jew aza u kpiji tommo te remeze. ²⁶ Ŋaa wame a Jone enze ŋa gomme, "ono bezeze, ono ogemese ma na ze nan ŋo a rekero ulu Rii ri Jordan, aza a hame ze ŋo nǝ buku eme geme se ŋo ruu, nǝra, mageme a zoro ano, konzen anon geme zale a wame ame." ²⁷ Jone wa tare, "Ono taa ru iyabo ne se ana nyame asuru ǝdǝshǝri. ²⁸ Ŋŋi nan ate ahǝŋi ŋi nin se in wa buki, 'dan mmi zi ono u kasa ano ne,' a binu be geme enze a tuman bata emme.' ²⁹ Waisau uwu ono wai u sau ze. Wagiya orene uwu ono wai usau, se ma tore a kunuza ohome, birwa bi runtimi ganka baka remelo ri ono wai usau. Igiya enze uruntu biruwa bebon na cigara. ³⁰ Ne woro barsa ne inyamene manin vati anu mn kun kasho. ³¹ Ono ogemese mara a suru a ǝdǝshǝri, ma kira koivi, ono ogemese mara masano, masiru a masano manze, makun bǝnu aza masano. ³² Ono ogemese masuru a ǝdǝshǝri makira koivi. Mabuku emegemse maru aza emegemese ma kuna makun nari, oye ta gara nan emegemse ma buku ni. ³³ Ono ogemese maka imubuku eheme wa gara se ǝdǝshǝri ganganze. ³⁴ Ono ogemese ǝdǝshǝri wa tuma bi nlen mǝdǝsheǝri. Bakase mata nyaka, uvunu u sansaŋ a ŋso ne. ³⁵ Aco barse vana me, nze mã nyaka koiya ama atare. ³⁶ Ono ogemese ma gara nan vana me manze nan ruma ri sun, konzen ono ogemese mata tarse vana mene dama mura ruma ne se mãrã aeǝdǝsĥ