¹ A maro titia titaro, re meze ra anya ra' ra' Kaan'anan u Galili ayinu Yeso wara ara me ² Yeso nan anituma a hame ama yisiŋi re meze reme. ³ Ucha ogeme se manymi iburi u titi ma maso, ayinu ⁴ Yeso gomme, "ŋadame nan manyi mi iburi titi ni," Yeso gomme, uwai, baka iyaze ŋura i mi? ucha ohong dawa rane, ⁵ Ayimi gon arere "emegeme se ma buki iyi iwuna", ⁶ Ti caro ta zuwa ta ranu teme tase se ama wuza ituma nanno ucha o remeze ri tiya Yahudawa baka ukpiji tegogoro koiya ucharo wushi nso rinu rinu ⁷ Yeso gonŋe "binja ni ti caro teme nan manyi". ⁸ Nze magon arere me, "Nara ni di kanya aco remeze reme" nze ŋa wan nanno. ⁹ Aco remeze reme shi manyi mame nze makuna mana wakŋaro manyi mi iburi titi mame lenlen, matǝru aru suru suru mame ne (arere ageme se ŋatuka mame ru). ¹⁰ Nze ma tisa acakura waisau me Magomme, anome bura uɲaka manyi ma loo ma iburi titi malo, se ano na seke bate ara nan mu diro olo. Nze ŋuna yiya malo mame ara ucha ugiya." ¹¹ Imigiya se riruna regeme se Yeso ma bura uwuna me a Kan'ana u Galili, nze ¹² Aza amaro migiya nze Yeso, ayimi ano wa name nan atuma ahame wame a Kapanahum, nze ŋa cikǝ ageme titiyǝ bate. ¹³ Wagiya remeze ri Paska re ti Yahudawa wana ra voto, nze Yeso wame a Urshalima. ¹⁴ Maka mura ano a vǝsǝ ivare, itan nan iwurai,nan anu waŋarairu a cika anyimmi a kura ǝdǝshǝri. ¹⁵ Nze ma mamara risaro, nze ma kora ŋe anyimmi akura a ǝdǝshǝri, agura nan itan nan ivare me. Ma sarama iru i wa ano waŋara imamate me, ma tipi ti teboro te me. ¹⁶ Magon ano rasǝ iwurai "kan kani tegogoro tigiya agiya. Tago ikursu akura awa aco ohon araawu rǝsǝ tommo. ¹⁷ Atuma a hame dunza se awa darse ere uwuno toŋe baka uŋo yin wushin". ¹⁸ Nze ano tegomo te ti Yahudawa wa tara ŋa gomme iya riruna venze ŋo nin bi za do, se ŋora wuza tegogoro tigiya?" ¹⁹ Yeso wa tare "pusani akura a ǝdǝshǝri agiya, nin piya a nyimmi timuru ti taro" ²⁰ Nze ano tegomo ti tiyahuwa go, "Awa piya akura ǝdǝshǝri agiya a nyimmi si wai ituru naze nan tase,nze ɲora piyami a titiya ti taro? ²¹ Take nan nane, marǝ banu aza rita remeze. ²² Amaro agemese maǝnǝ a yirsiza me kavento, atuma ahame uonza mǝ buki nlen magiya nze ŋa gare nan nlen ma ǝdǝshǝri nan mageme se Yeso mabuki ²³ Ucha ogeme se mara a Urshalima a remeze ri passover ano chibete wa gara nan riji rereme ŋakun nǝri riruma regeme se ma wuza. ²⁴ Yeso wata gare nan ŋene bakase ma ruŋi zale. ²⁵ Bakase maru uziya ono mata ginari oye beze me ne.