1 Dan kuwavi nin cikǝ onu bezezze ne, anuwanan. Woro ru si i nin kai nlen ma kpai. 2 Baka woro zale i dangalozo a turara cebete. Ingase owe tǝ worko anlen ne, ma ze unu bare sosoi, nan udate u mǝntǝ zale ripuŋa reme. 3 Wajiya ingase woro we biru anu bi-kananka da bi gara nan ŋi, i nin ko i beze ripun reme zale. 4 Nǝrǝ ni konzen ugirgi manyi nan e mureme se uvunu usǝru a nganan no, ti ruba ti sǝru konzen tenze a mǝntǝ tǝno ulu ogeme se unu tuka ohome barse. 5 Nane ze inlen maze bate anyimi ripun, taken nane i wuza tegogoro cebete. Nǝrǝ ni konzen kara bateke se awa anyimi uja usǝru. 6 Inlen manze ura, massano ma macara se awa we do me anyimi ripun. I pitali zale ripun rimi nan madini, nze i we ura uruna u ruma. Imme mǝ ura umassa massano na meyme. 7 Baka kuyya binama bu ukara, Itidi, Imu ngana a nyaŋa, imu ngana anyimi manyi awa pate eme anu, ono na ko ma pate eme anu. 8 Ama aza inlen, oye damǝ anyimi ano nin date upate me anu ni. Eze eme macara egeme se a tin date a mǝntǝ ni, ina binja nan imu ran uwǝnǝ. 9 Nanno i yisiza Adǝshǝri nan Aco, konzen nanno i tinziza ano, anageme se awa ruza ŋe nan tiyinkǝnǝ tǝ Adǝshǝri. 10 Asuru anyimi anu avento uyisiza nan man tiziza. Anowanan, tegogoro tigiya ti ti tin ze nane ne. 11 I wana kuna manyi mǝ rizuwa lelleŋ kwankwan konzen? 12 I wana nǝrǝ utiti u run na yöso abiya maneŋe? Né utiti maneŋe, tuva ti run? Né manyi mǝ rekon ma yö manyi mǝ lelleŋ. 13 Avizi zen remo nan u ru anyimǝ haŋi? O onogemme biza ucikǝ u wuma nan aza ituma e heme anyimi rekeze rishaowo. 14 Bata ingase i zen i kwankwan tubarsa nan imu nara iruwa i hiŋi, tago i tere begesen nan npore aza magangaŋ ne. 15 Igiya dan rekese ru suru adaishari zi ni. Aa bata i massano ze, iwu dira isansan, i mǝri. 16 Baka aregeme se a zin mǝrǝ, imu mura iruwa, aregemme ze a nin ni uburkalu nan kuuya riwuza macara. 17 Bata rekese ru suru adaishari ri bursan isansan, nze ucikǝ shammo, ishaowo, uyita imu wuza, ubinjan ijai nan imi wuma, agata a suŋ, otore evento. 18 Isǝnǝ riwuza ri wuma a birsa eme anyimi ucikǝ shammo ǝ ana geme se ŋa barsa ucikǝ shammo.