1 Jamese, orere uwa Adǝshǝri, nan Aco Yeso ukassa, a waŋa eboze bituru nan erepo se ezen sarmo: kukwanni. 2 Gara ni aza izalla, anowanan, ingase ina mura betoi keken ̇keken. 3 I ru se rikunuŋa ru yiya birwa bi ŋi be nen yö umutǝnǝ. 4 Deke ni umutǝnǝ nin massa ituma eheme, baka da i cikǝ nan ubare cebete konzen ubinja, dan nan udira iyabo ne. 5 Bata ingase oyeyu wuŋi re epe rekese, a ma saŋara ǝ Adǝshǝri, Onogeme se ma yiza nan birwa be vento dan nan unara ukara anu sangara me ne, Ma nin nya me. 6 Ama a ma sangara nan uyiya birwa, ken nan udamozo. Baka zale onu damozo ze uga ere i udandale se uvunu wassanno, konzen u terse a waka. 7 Bata ono gemme tin we adodonzo awu guna ma nin mura iyabo Aco ne. 8 Isǝnǝ ono geme nin ze nan iriwa erepo, ma tǝ zen riwuza re vento ne. 9 Deke uwanon nan tiyaŋ tere begesen nan uyiza ogemese mazenno, 10 oniru konzen nan udutu ogeme se mazenno, bakase ma ra waka uga tuva ti lukuluku anyimi Sëmo. 11 Bakase oŋwe yirsiza nan ukpaiyu ura ma we sëmo si wǝi. Tuva ti lukuluku, ti kunki, orezo me masso. Uruna ovento ze uniru nin bishu a azate tǝnoa teme. 12 Unu taye tenze ono gemese ma na mutǝnǝ rikunuŋa. Baka amaro uwaka rikunuŋa reme anin nyame ritǝmǝni ruma, se ate we anu barsa Adǝshǝri nin mura. 13 Tago owe go uca ogeme se ara kunazome, "Adǝshǝri zi a kunuzo hon," baka Adǝzshǝri tǝ wuza rekunuŋa aza imi caron ne, né Imme nan retǝreme ma na kunuza owe ne. 14 Bata kwavi ra mursa rekunuŋa aza imu barso me ze, se i wunki mi konzen i ka gǝlli mi. 15 Inze amaro tubarsa ti iruwa te we apuru, te nen yoso macara, nze aza amaro macara ma na barre kima, i nin yoso uwǝnǝ. 16 Tago igara npore ne, anuwanon sen barsa. 17 Imu nyaka i wuma zale, nan zale imu nyaka i kima sussǝ adaishari zi. Itu asura Aco a isansan. Nanme ucuwalo, né ubishu dawǝ nu ni ko mo waŋaro. 18 Adǝshǝri wazake ma nyado oyö a suru anlen ma magagaŋ, baka da woro cikǝ iyi isǝnǝ abiya ubura aza zale tegogoro tegrme se mawa ruza. 19 Nŋi ru igiya, anuwanan sen barsa: deke kuwavi conno a kuname, shauwö a bǝnu, konzen shauwö a cara birwa. 20 Baka ucara birwa bono bi dawa ze nan riwuza rǝ Adǝshǝri ni. 21 Bakan nane zuzi zale macara ma madini nan ecebete riwuza ri mǝri. Anyimi umǝntǝ rete kayi nlen mu bira, se nze nin kassa bewö wa bi ŋi. 22 Cikǝ ŋi anu wuza emegeme se ati bizaŋi, dan anu kuna me base ne, uwursǝ apuŋ zi geme. 23 Baka inga owe kuna ma tǝ wuza ne, ma nin ze uga onogeme se ma nǝrǝ ti yinkǝnǝ teme a mirror. 24 Ingase ma massa unǝrǝ ripuŋa reme ma yere dura ma ka wǝpi nan ti yinkǝnǝ teme. 25 Ama onogeme se ma nǝrǝ kima anyimi makiri mu cikǝ lome, kozen ma kursu a nu, dan sakama onu kuna me ma wǝpi ni, onugiya nin mura taye a riwuza reme. 26 Ingase owe ni ritǝ reme onu wanze aru pate rete ze, bata ingase ma tǝ mǝntǝ rerowa reme kima ne, ma na we birwa beme npore, konzen uwanze ohome o npore manze. 27 Utarse Adǝshǝri nan Aco u sansan nan udira madini ingiya: Umale abiyu dira Aco nan Ashi uca otejeje o hoŋe, konzen umǝntǝ rete kima dan nan madini ma massano ne.