¹ Asosono Galantians! Əvi zi na ŋuna be wero aza əhənyi? A aza əji ə həŋi wəŋ zi a fape Yeso Ukase nan ugapa. ² Igiya enze base emegeme se Min ra nara in ta masa iŋi: Ŋi na ka uvunu baka ituma i makiri ne baka u yiya birwa emegeme se ŋi na kuna? ³ Ŋi asosono ze? Se ŋi na dakano ənyimi uvunu, wagiya ŋi ra Masa me ənyimi ripun? ⁴ Ŋi wa shə kpai a tegoro cebete aza ku iyabo—nga nane me ze ku iyabo? ⁵ Mme ono ogeme se ma ŋai uvunu nan u wuza ituma imi iwi a zate ə həŋi wuza nane baka ituma i makiri, ne baka u kunuza nan u yiya birwa? ⁶ Eze uga Abraham "ma gare nan Ədəshəri konzen a yiya me me enze a gomme ono magaŋgaŋ," ⁷ u runa ovento me, ru, enze ano ageme se ŋa ze nan u yiya birwa ŋan ze abiya a Abraham. ⁸ Ee re me, ə nəri se Ədəshəri nin dunza nan ano əpən baka u yiya birwa, ŋa yisu nlen ma me a Abraham, a gusa, "ənyimi aye ara nya zale masano taye." ⁹ Bata nane, ano u yiya birwa nyaŋe taye kusun nan Abraham, ono u yiya birwa. ¹⁰ Zale ano ageme se ŋana nikana ituma i makiri ŋa ze ano a lallawai; konzen nane ze ezen u darsa, "ono ənu zi ku əvi se ma dan tarse zale tegoro ti yiya se a darse ənyimi u takarda u makiri konzen ma wuza ma me." ¹¹ Wagiya eze wəŋ se owe dan mura u kwijiku Ədəshəri baka makiri ni. ¹² Baka makiri u yiya birwa benze ne, kone, "Ono ogeme se ma wuza ituma i makiri kake ma nin cikǝ baka ma me." ¹³ Ukase wa zuzi do əsuru ənu a makiri baka ma cikə nan ənu baka woro—nane ze eze nan u darsa, "ǝnu anze ku əvi se a gape u titi"— ¹⁴ baka da taye ti Abraham ti rai a ano əpən ənyimi Ukase Yeso, baka nan u yiya birwa woro nin ka uvunu ogome se ə buki. ¹⁵ Ayeno, deke an bənu ənyimi nlen ma ri pun. Ənyimi epe geme se ono na ruza ma gare, owe dəme ǝnu se ma yiya me a rekero ne ma vəti ənu ni, nga a bura u ruza eme nan makiri. ¹⁶ Wagiya egeme se a gare ǝbiyə eme a Abraham konzen a biruza abeme. Eme wata go, "Iruza ne," cebete ngeme, bata ita ze ono vento base ne, "konzen a bi ruza be me," se manze Ukase. ¹⁷ Wagiya egeme se Min ra adodonzo me enze igiya: Makiri se ma rai si wai 430 aza amaro egeme, a dan kuŋki egeme se Ədəshəri wa bura u citi mini. ¹⁸ Nga umura umura rase baka makiri, nane ita da egeme se a citi ni. Bata Ədəshəri wa nyaka eme a Abraham ma nan u buku o Home. ¹⁹ Konzen, epe iya ze a citi makiri ma mi? A vǝti mame ənu baka usuru nan macara a maŋe obene, se bi ruza bi Abraham bi na ra, a ame ze ara binja egeme se ə buki. Makiri ma me a ŋuna ma me kake ə suru a ti maleka a ono u binja me. ²⁰ Wagiya ono u binja me dan baka ono vento ze ne, konzen Ədəshəri a vento ze. ²¹ Makiri ma me ma na nyamene ubuku Ədəshəri? ko bate, dan nane ze ne! Tago a nyaka mai makiri ma rənu se ma nyiza ruma, nane ze magaŋgaŋ ma ta ra baka makiri. ²² Konzen ere wa pate ənyimi macara. Ədəshəri wa wuza nane baka egeme se ə buki izuzi do baka u yiya birwa ənyimi Yeso Ukase anin nya ano a geme se ŋa na (gara) yiya birwa. ²³ Wagiya se u yiya birwa waka zu ra, a meshe do arere baka makiri, iwa ri inyan se ogome se a rai a buri eboze u yiya birwa. ²⁴ Nane ze makiri mǝ cikǝ imu tarse, nze Ukase wa rai yəi, bata woro mura uruna baka u yiya birwa. ²⁵ Konzen wagiya nane se u yiya birwa na ra, woro ta da u ruru makiri ni. ²⁶ Ŋi zale abiya Ədəshəri zi ənyimi u yiya birwa a Yeso Ukase. ²⁷ Ano ǝhǝŋi cebete se a zoro ŋe ənyimi Ukase, ŋi wa kai Ono u kasa. ²⁸ A damen Jew ne Greek ni, a damen orere ne rǝrǝ ni, a damen ono orome ne uwai ne, baka se nŋi zale evento ze ǝnyimi Yeso Ukase. ²⁹ Konzen ngase ŋŋi ano Ukase ze, Ŋŋi bi ruza bi Abraham benze, nan umura u huŋi uga nane se awa buki.