Udaraŋa u 6

1 Abiya, kunani ma ano yowa haŋi anyimi Aco, baka nane ze kima. 2 "Nya acoye nan ayiyi ubare"(se enze mǝruku mu bura), 3 "baka da kuyyamo cikǝ kima nan ŋo konzen da nŋo dakǝno a massano." 5 Arere, nya ni ticakura tiŋi ti massano ubare o hoŋe nan birwa be vento, konzen nan okerkene, anyimi birwa biŋi. 6 Nya ŋe ubare ohoŋe sakama ogeme se i yiza ukase. Tago I wuza iwu nǝrǝ aji ni da barsa ŋi ni. Bata wuza ni uga arere awuAca ukase, onogeme se mana wuza emegeme se Ədǝshǝri barsa asura birwa beme. 7 Wuza rerere nan zale iriwa ihiŋi uga u ra wuza me a Aco dan ano ne, 8 bakase woro ru se kusun imi wuma egeme se ono we, ma nin mura imu nyaka a Aco, ko se né maze orere né osopo. 9 Acakura, mǝntǝ arere kima. Tago u wuna da ŋa kuna iwi ni. Nŋo ru se Ono geme se Ma ze acakura haŋe nan nŋo ra anyimi ǝdǝshǝri konzen, ubarsa aye Ma deke aye dawa me ne. 10 Aza maro, cikǝ ni nan agata anyima Aco konzen nan agata a hame. 11 Soke ni tommo ti yaki ta Ədǝshəri, baka da i date i tore aza ugǝllǝ u Shetan. 12 Baka se ukara o hodo dan aza ripun na manyi zi ni. Bata eze aza Gumnati nan agata a uvunu ɔbɔ nan tegoma teme, konzen aza uvunu ɔbɔ anyimi turara ta anyima ǝdǝshǝri. 13 Bakan nane, soke ni tommo tu kara ta Ədǝshəri, da i mura otore uca u mǝri, konzen se u massa u wuna kuyyamo, di tore tǝndǝsi. 14 Tore, nane, aza amaro se una soke eme umeye utinu i magangaŋ, nan imu pate rete u riwuza ri wuma. 15 Aza konzen tuŋaforo ta atauwa hai, soke ni otore di biyi nlen mu cikǝ shammo. 16 Anyimi kuyyammo yita ni opepere u yiya birwa, se u nin date u bishi zale ura u tiwira u ono mǝri. 17 Konzen yita imu pate bitini bi ukase nan uvira oyoo uvunu, se onze nlen ma Ədǝshəri. 18 Nan kuyya taye nan usǝŋǝrǝ, nyaka ni taye kuyyu ca anyimi uvunu. Nan birwa bigiya, kuyyu ca wuza ni rinyaŋa na riŋ nan udira uganno, kando ogeme se i yiza taye baka zale ano a sansan a Ədǝshəri. 19 Konzen nyaka ni taye baka me, da a nyan rituma uca ogeme se ina pǝnǝ a nu. Nya ni taye da in mura itǝndǝsi iwu buku magangaŋ mageme se awa pate ma nlen ma wuma. 20 Aza nlen ma wuma mame manze nze ono biyǝmi se awa kanyan inyaŋ, baka dan biyi tǝndǝsi, kando geme se in repe ubuku mi. 21 Tychicus, uwanon u tibarsa konzen orere u yiya birwa anyimi Acoo, ma nin buku ŋi kuyyamo, da ŋi ru zale emegeme se in ra wuza me. 22 Ina tuma me iŋi aza epi giya ze, da ŋi ru kando geme se eze, konzen da ma bunki ŋi iriwa. 23 I cikǝ shammo ayeno, nan tubarsa agura nan uyiya birwa asuru a Ədǝshǝri nan Acowa do Yeso Ukase. 24 Deke ogwene cikǝ nan kusun anageme se ŋa barse Aco Yeso Ukase nan tubarsa tu diru masso.