Udaraŋa u 1

1 Paul utuma o Yeso a ŋimi nlen ma Ədəshəri nan U wanomo hodo Timoti. 2 A waŋa nowanon ana gemese ŋana gara, ŋana iya birwa unu kasodo a ŋimi Kolosi. Ogwene nan igayan a sura Ədəshəri cikǝ anyimǝ hǝŋi. 3 Woro kunan unyaka taye a gusan unu karodo nan Ədəshəri kukwan. 4 Woro na kuna u iya birwan bi ŋi anyimi Yeso unu kasodo nan ti-barsa se ŋa zenno aza na gemese ŋana kă Ədəshəri. 5 Tibarsa ti nyi tina beze adodonzo me gemese ŋira kamura me Ədəshəri. ŋi wa kuna u iy̧a birwa anyimi nlen ma gaŋgaŋ nan uyisumi. 6 Se mara nyi se manze a yisu anyimi masano. Se awa kone nlen ma Ədəshəria gaŋgaŋ ze enze mawusi aji a baku. 7 Uyisun nlen mame, a masa a Epaphra unu wuza itum a Yeso, Orere ituma daŋara hado. 8 Epahras na bezedo tibarsa te anyimu vunu wuma. 9 Asuru u ca ogemese nwa kuna epe ti-barsa ti giya, woro dan dake u nyaka taye baka nyini. I zama hedo ze nyi nin binja nan uru rekese nan adodonzo a vunu uwuma. 10 Taye tedo tenze nyi wuza ituma egemese Ədəshəri nin kuna malo. Taye tedo tenze nyi nin wunku ano a waŋa Ədəshəri anyimi riwuza ri ŋi nan baka tano a tinyi nan uru nlen ma Ədəshəri 11 Taye tedo tenze ŋi mura agata awu iza, umutana nan biruwa bi shammo. 12 Taye tedo tenze ŋi zin iruwa i ruŋ a waza chwodo, onogeme se ma wuna ŋi mura opete ara san-san. 13 Ma zuzu do anyimi tegomo ti maǝri enze ma kursudo anyimi te-gomo ti vanome ogemese ma barsa ganka. 14 Anyimi vanomeze woro wa mura utusu nan uyita macara. 15 Vanome manze biwo ba Ədəshəri be gemese ata nǝrǝni. Manze bi bura, bu bura zalle anyimi masano. 16 Bakase a sura meze a ruza tegogoro kweren, tegemese tira masano, ti-geme se a date a ni nan tegemese ata date ni. Nan ǝdirǝn nan sidiya nan ti-gomo nan a gata, kweren Manze ma ruza nan retareme. 17 Marǝ nu zallen ti-gogoro teme, anyimame ze zalle tigogoro tira guranu. 18 Bata manze unu bura yo nan unu bura anyima nuwǝnǝ, enze manze unu bura zalle anyimi tigogoro. 19 Ədəhəri wawuna izanla bakase ubinja home ra cikǝ anyimame. 20 Enze ma gura ti-gogoro zalle a waŋa vanome. Ədəshəri wa ran u cikǝ u gayan a suru kunku manyi mu gapome. Ədəshəri wa gursa zalle i geme a waŋa me, egeme se ira a masano nan egeme se ira Ədəshəri. 21 Bakase in timi nyi agenze teze Ədəshəri, nan ano nyamenome anyimi iruwa nan ana rapuru anyimu dima. 22 Bata waja, ana gursa ŋi u ca u wǝnǝ home u ripun. Ma wuna naneze dă ma nyaka ŋi sansan, ko macara ko i mu damozo a maji. 23 ingase i-wushǝji nan u iya birwa nan otore chase, nan udira pakaro, i mu iya biruwa a nlen malo ma gemese nyi wa kone. Nlen malo magemese a ǝbiya anyima Ədəshəri. Manze nlen malo magemee inmi Bulus na cikǝ orere. 24 Waŋa birwa bon bina runtu baka Ogwene ogemese ra kuna me baka nyi enze na kuna ima ripun. Egemes ina ruku enze ogwene ono kasodo baka ripun nya reme renze akura Ədəshəri. 25 Baka ano tarse Yesu na cikǝ orere, a za egemese Ədəshəri na nyan baka dan binja rituma ra Ədəshəri. 26 E nze a burusu agangan a gemee ara pate siwayen siwayen nan Simiza. Bata waja koyammo ra nanizi a nagemese ŋana wuna iruwa a me. 27 ŋan ze Ədəshəri wa bezenye a pani cebet megemee ira pate ano masano. Ma bezenye Yeso ukasado ze anyima nye uyiza ura. 28 Manze nogemese ira yisume, ira masa kuyono nan emegemese iru kweren, baka di witi kuyono se mana binja anyimi unu kasodo 29 Baka naneze in ri tuma nan agata han nan agata ima ripun.