Udaraŋa u 2

1 Ra barsa nyi ta ru dondon u shashalzo ogeme sen ti wuza baka ŋi. Nan anageme Loadicea, enze cebete nye dawa nari i minyu a man an yimi ripun. 2 Na wuza ituma dan rununyi iruwa baka da ira voto an yimi ti barsa nan uru bira bi gangan ba Ədǝshǝri, se manze uno kasodo. 3 Anyimameze aru i ya rekese nan u mara tegogoro ranu. 4 Na buku zi kada owe bunku nyi nan olo nlen ne. 5 Konzen min damin nan nyi an yimi ripunni, min zin nyi an yimi vunu wuma ze. Birwa binin runtun ingase in nǝri nyi a wuza imi wuma nan agata nyi nan u iya biruwa an yimu nu kasodo. 6 Yando gemese nyi wa ka unu kasodo, ŋanani tano a nyima me. 7 Ti-tau a me, piku aza me, bare an yimi iya biruwa oga nanese a bezeze nyi, i gura kukwaŋ. 8 Nǝrǝ, taso iwi meye an yimi uru iyabo nan ano wuza remo riwǝ regemese ŋi tarse riwuza ra narome ana gemese ŋa gara nan ti-gogoro ti masano; dan ana uru ukasodo ne. 9 Unu kasano; koyammo iwa Ədǝshǝri ra nyamene. 10 ŋona binja an yimame-maze rete ri kunya agata. 11 An yimame ze a tusu nyi, dan utusu uwa no se ŋa zuzu tigogoro ti ripunni u ga utusu ono kasodo. 12 A wasa nyi an yimi manyi nan me enze a yisiza nyi a waŋa iya birwa a an yima agata Ədǝshǝri, ono gemese ma yisiza me an yiman keze. 13 U ca ogeme se nyi wa cikǝ in keze an yimi ma cara manyi, nan udira turu nyi, ma manti nyi a guran me ze ma saraka macara manyi kweren. 14 E nze ma bishi tiduru nan tiruna tegemese tara za hado kusun ma iya azu utiti. 15 Ma zuzu agata nan tegomo, enze ma wushi duli aza utiti. 16 Nan nane ze tago oye bukanu i nyi aza ushu nan u shǝ, kone atiya kone ubǝrmu sao kone epe asabar. 17 Ija ururu zi o tommo tegemese ti rar, nane bi ruza be me benze u kasado. 18 Tago owe onogemese mara barsu dutu rete nan ugurwǝnǝ nan atuma Ədǝshǝri ara biyo nye nlen da nya dira tilo. Iri ana geme wuzuza adodonzo a tigogoro tigeme se ŋana nǝrǝ nan emegemese ŋa zenno an nyimǝ dodonzo a hanye a ripun. 19 Madama guran retene. Asura rete reme ze ripun nan tirara tira gapanu, enze ŋara bare nan ubare uwa Ədǝshǝri. 20 In gase u wǝnǝ nan unu kasodo an yimi ti-gogoro ti masano, yaze ŋana cikǝ an yimi riwuza ri masano. 21 Tago mantini, ne ulǝkǝmi ne udupa 22 Kweren tigogoro tija ti rimuru tenze an yimi tiruna tu masa ta ano. 23 Turuna te rekese tu ni imu tarse nan udutu rete nan u mǝntǝ ripun. Nane nya nyamene eme caron egemese ripun rira narame.