1 Paule, Utuma u Yeso Ukase asuru a Mǝruku ma Ədǝshǝri ukasa do nan Ukase Yeso unu bunko do, 2 a waŋa Timoti gangaŋ vana uyiya birwa: ugwene, ijaiy, nan telo asuru a Ədǝshǝri Acoo nan Ukase Yeso Acowado. 3 Kando geme se in wa bunki ŋi uca ogeme se in wara ka Macedonia, da cikǝ ni a Ephesus di tore ano nan mǝruku tago ŋa massa oyu cikǝ ogeme se oze ken nan emegeme se ina beze ŋe. 4 Né ŋa rusu tetonŋe a tejo nan udǝnu diru masso. Igiya rasen magita manze dan tumale te emegeme se Ədǝshǝri repe me ne, se ira uyiya birwa. 5 Wagiya imu nara mǝruku manze tubarsa tu sura iruwa i ruŋ, a sura adodonza sansaŋ, konzen nan uyiya birwa a dondon. 6 Aye na dira aro tore nze ŋa na waŋaro aza tegogoro tigiya a ka ubǝnu u rilakere. 7 Nŋa repe ucikǝ anu bezeze Makiri, bata ŋa ta ru emegeme se ŋa na buku ni né emegeme se ŋaze cenene aza me. 8 Ama woro ru se Makiri maze kima ingase ono tarsen no nan birwa be vento. 9 Woro ru igiya, Makiri mami a wata wuna baka ono ribiu ri wuma ne, ama baka anu dira makiri, nan anu anu nyamene kuyya, baka anu riwuza riburu, nan ano macara, konzen baka anageme se ŋa nyamene Ədǝshǝri nan ano madini. I wa we baka anageme se ŋa wūza anacowaŋe, baka anu wūzano, 10 baka ano makwaro ma macara, baka ano makwaro mo onoromen onorome né uwain uwai, baka anu tiyano a ka rere, baka anompore, baka anu biyǝ nlen ma mpore, konzen baka kusun emegeme se i nyamene mǝruku. 11 Mǝruku magiya manze aza uyisiza nlen ma wuma a taye ta Ədǝshǝri se awa nyan. 12 Min gon Ukase Yeso se manze Acowado kukwan, Ma na nyan agata, se mana wunan ono yya birwa, konzen Ma wunan ituma eheme. 13 In wa ze unu biyǝ macara, unu yiza anu yiya birwa makwai, unu nara ukara. Ama awa kuna iajiye hon bakase In wa wuza igiya nan udiru ru mi. 14 Bata ogwene uwa Acowa do na waka ubinja, nan uyiya birwa konzen tubarsa anyimi Ukase Yeso.Bat 15 Retuma rigiya reze ri wuma konzen reze rimu gara, se ago Ukase Yeso wa rai a massano da ma kase ano macara. Min ze unu buru anyima igiya. 16 Bata baka igiya ze awa kuna ijaiye hon, ra ogwene, da aza han, dondon, Ukase Yeso nin beze zale ishauwe me. Ma wa uza igiya da anageme se ŋa nin gara nan me a ŋa mura ruma ri suŋ. 17 Wagiya a wama ogomo u simiza, unu diru wishu, onogeme se a ta ni mi nan aji ni, Ədǝshǝri avento base, deke ubare nan uyiza a ku massa me suŋ. Amen. 18 Min ra yiyo ye mǝruku magiya, Timoti vana o hon, kando geme se awa biyi nan tamaro aza hai, du wuza ukara u wuma, 19 a mǝnti uyiya birwa be nan adodonza wuma. Aza ocope igiya awe na burkǝlǝ uyiya birwa beŋe. 20 Uga an Hymeneus nan Alexander, se ŋawa nya Shetan emegeme se a ta beze ŋe tago ŋa biyi i macara ne.