1 Wajiya epe uca Nan tuca, Ayeno, ŋi dan she ana darsa ŋi kuyyiya ne. 2 Baka inŋi nan retǝ riŋi i ru kima se atiyǝ Aco ra rai uga ukari in atitiyyǝ. 3 Uca ogeme se go, "Ishammo nan Pǝpǝi," nze imi buru tu a ŋe. I nenze uga makpai ma onapuru yo. Ŋa tin sopo ne a kuyyu runa. 4 Bata ŋi, Ayeno, I dama anyimi mǝri ni se atiyǝ ageme nin meye ŋi uga ukari. 5 Baka nŋi zale abiya isansaŋ nan a usanara ze. Woro dan abiya a atitiyǝ ney mǝri zi ni. 6 Baka nane, tago i wenro sakama ogeme see udaŋara woze ne. Ama, di pǝpǝi konzen i cikǝ kima. 7 Baka anageme se ŋa woze nro wuza nan atitiyǝ ze, konzen anageme se ŋa shiji obere shiji nan atitiyyǝ zi. 8 Ama tunsi woro ze anu usanara ze, i woze rinyaŋana ra apuŋado azu cikǝ kima, uyiya birwa nan tubarsa, konzen iyi imura i tukassa baka imupa retǝ redo. 9 Baka Ədǝshǝri dan wedo di shi makpai ne, she said i mura tukassa asura Aco Yeso Ukassa. 10 Manze onogeme se ma wi baka woro da, kose I na zima nye idanro, woro cikǝ kusun nan Me. 11 Aza nane bunki apuŋa haŋi konzen piyi ni apuŋa haŋi di bare, kando geme se ŋi ra wuzame. 12 Woro na saŋara ŋi, Ayeno, di ru anageme se ŋa na wuza ituma anyimǝ ha ŋi konzen anageme se ŋa ra aji have Aco nan anu garage nan ŋi. 13 Woro konzen ira naru huŋi di cikǝ nan tubarsa sosoi aza haŋe baka ituma eheŋe. Cikǝ ni shammo. 14 Woro ra bimi iŋi, Ayeno: bǝnu ni anageme se ŋa dawa ngana kima ne, bunku anu dira ubunku, male anu dira agata, wuza shauwo zale a ka deŋe. 15 Nǝrǝ ni tago owe nusi owe macara aza macara ne, Ama, ginǝrǝ ni emegeme se i nin male apuŋa haŋi. 16 Wuza ni izalla kuyyuca. 17 Bǝnuni nan Ədǝshǝri dan nan otere ne. Anyimi kuyyaji gusa night kö. 18 Baka igiya ze ubarsa Ədǝshǝri anyimi ukassa Yeso baka nŋi. 19 Tago i bishu uvunu ni. 20 Tago i nyamene nlen mǝ Ədǝshǝri ni. 21 Guda ni zale kuyyiya. Mǝnti ni emegeme se eze kima. 22 Cikǝ ni ayayau nan kuyyu yonko macara. 23 Taya ton tenze da Ədǝshǝri a telo wuna ŋi i binja nan isansaŋ. Deke kusun uvunu u huŋi, bewo wa biŋi, kozen da apuŋa haŋi cikǝ Nan udira imu tinza a ka zu raiya Acowa hado Yeso Ukassa. 24 Ono magangaŋ ze onogeme se mana tisa ŋi, onogeme se konzen ma nin wuza. 25 Ayeno, bi ni taye konzen baka woro. 26 Kö aka zale Ayeno nan utilala. 27 In nara anyimi riji ra Aco da retuma tigiya ri mura ubara a zale udaŋara Ayeno me. 28 Taya ton tenze da ogwene uwa Aco Yeso Ukassa cikǝn ŋi.