Udaraŋa u 4

1 Iwu massame, anuwanan, Woro ra bunku wuŋi anyimi Aco Yeso. Kandogeme se iwa Kai mǝruku a sura woro aza kandogeme se i nin nganaza konzen I runtu Adǝshǝri birwa, I nin ngana uruna ugiya, baka da I wuza nane cebete. 2 Baka ŋi ru iya maruku manze work wa nya ŋi uwa Aco Yeso. 3 Baka igiya ze ubarsa uwa Adǝshǝri, ozoro u huŋi, se uwa we ŋi a nyamene uwuza rijama, 4 da kuwavi u huŋi nin ru mura eme heme anyimi isansan Nan uyiza, 5 dan nan ubarsa rete ne (kandogeme se aworme ageme se atǝ ru Adǝshǝri). 6 Tago oyono cara konzen ma dangalo uwanome anyimi epe igiya. Baka Aco manze unu kassa nan unu nusi kuwavi emerge se mana wuza, kandogeme se iwa buki ŋi konsen iwa biyi. 7 Baka Adǝshǝri watǝ tisa do a ka wuza macara ne, ama a ka isansaŋ birwa. 8 Aza nane, onogeme se ma nyamene igiya ma Dan nyamene ano ze ne, ama ma na nyamene Adǝshǝri zi, unu nyu huŋi uvunu u sansaŋ. 9 Aza tubarsa ti riwanan, ŋi damin unara owe darsa ŋi mi ni, baka ŋi nan retǝ riŋi Adǝshǝri wa beze ŋi di barsa apuŋa haŋi. 10 To, di wuza igiya ayeno anageme se ŋa ra anyimi Macedonia. Bata woro ra bunku huŋi, ayeno, di wuza igiya cebete. 11 Woro konzen I ra bunku huŋi a ka mura ruma sassa, tore ni ituma i hiŋi, konzen wuza ni ituma nan tarǝ ti ŋi, kando geme se ina bukiŋi, 12 baka da I wuza tǝno kima da anakai konzen tago amura ŋi nan mai ne. 13 Woro Dana barsa ŋi tǝ gamene u ru mini, ayeno, aza anageme se ŋa na we nro, baka tago I damo sakamo ogeme se udaŋara anageme se ŋa dǝmozo aza I'm u sa ra. 14 Baka ingase work gara se Yeso wa wi konzen ma yere, ko se Adǝshǝri nin ranme nan anageme se ŋa na wiju Nan me. 15 Baka igiya I gon ŋi nan nlen ma Aco, work anageme se izen ruma, anageme se ana deke a ka uca u ra wa Aco, dawa Pete aji away anageme se ŋa ran nro ne. 16 Baka Aco nan retǝ reme ma nin Rai asura adaishari. Ma nin rai nan usǝkǝ, agura nan remelo ri umalika usǝru, konzen anuwǝnǝ anyimu ukassa nin buru yira. 17 Nze woro anageme se ŋazen ruma, se awa dekedo, nin gurna nan ŋe anyimi tewero a ka mura Aco uvunu. Uruna ugiya woro nin cikǝ nan Aco suŋ. 18 Aza nane, rusu ni iruwa iwapuŋa haŋi nan nlen magiya.