1 Paule, Silvanus, nan Timoti a waŋa ano Tasalonika anyimi riji re Aco'o Ədǝshǝri, nan Yeso unukasa. Inra taye tu-ogwene, nan ishammo cikǝn nŋo. 2 Kunyu ca woro gosen Ədǝshǝri ƙó aza haŋi, e kwi e woze sija sini a tayǝ tedo. 3 Woro ru itume heŋi iwu yiya birwa Acó Ədəshəri, epe tu-barsa, nan itǝndǝsu mutǝna a kadeŋe uca u rawo ogomo Yeso unu kassa. 4 Anuwanaŋ tubarsa te Ədəshəri, woro ru nleŋa mame ma'a rai ŋi, 5 baka ma'a zakeŋi dan anlen base ne, amma a gatame, uvunome, nan igaŋgaŋa teme. Aze gemme, ŋi ru do anyimi haŋi a tǝno te gemme. 6 ŋi na cikǝ ano mǝsso hodo, nan Ədəshəri, nlen ma giya ŋi ti kai anyimi ikwai nan birwa bi run anyimi uvunu u sansan. 7 Azi giya ze ŋina cikǝ imi mǝssa zalle a nu yiyabirwa a ingyaŋa ma Macedoniya nan ma Achaia. 8 Baka asuriŋi nlen ma Ədəshəri mana buzaru, dan a Macedoniya nan Achaia base ne. Amma zalle turarǝ u yiya birwa biŋi a Ədəshəri ana kone. Azi igiya ze, woro tin ko igo iyabone. 9 Baka ŋara gatu biyǝ se iye sanu ra ze woro ra anyima haŋi. ŋara biyǝ kaman do gemse ɲi wa deke abere i kurä Ədəshəri ono ruma, gaŋgaŋa Ədəshəri. 10 ŋara gusa woro ra payye vanome asurǝ adaishari onogȩmse awa zinzame anyima anu wǝnǝ. Onogeme ze Yeso unu kassodo aza ikwai iwu sǝrǝ.