1 Baka ŋi anuwanaŋ i ru urawodo ze kima. 2 Nŋi ru se intǝmǝro woro wa tejeje awa kwa yado imme a ingyaɲa ma Filipi. Enze woro wa ke eze tǝndǝsi nan agata birwa bǝ Ədəshəri bu biyǝ nlen ma Ədəshəri anyimi ma kwai mame. 3 Baka imu biyǝ mado dan mazen udangalo ne, né mawu dira isansan ne, né ma wursano ne. 4 Amma tun se Ədəshəri na garedo nan retuma reme, renze ira biyǝmi. I bi baka Ədəshəri kuna malowa mado, dan a ano kuna malowa mado ne. Manze unu ru iruwe hedo. 5 Baka nŋi zin uru se, woro dan woze ituma nan nlen ma lenle, né iwa mamare baka u wonkoŋi ni, Ədəshəri ru zalle. 6 Ne woro re epe u yisiza ano, iŋi, ne udaŋarame. I tä gose woro ze Atuma awu unu kasa. 7 Bata, woro ze shammo anyimǝ haŋi uga Ayinu anyimǝ biya hame. 8 Aza igiya i zen tubarsa tiŋi. Tubarsa tedo tenze, da i beze ŋi dan nleŋ ma Adǝhsǝri base ne, ama nan tǝnǝ tedo konzen. Baka nŋi na cikǝ ano tibarsa a woro. 9 Baka ŋi nin dunza, rewanon, ituma, nan makwaiya mado. Woro ri ituma kuyyu ca baka da i mura kuyyiya sauwu. Uca ogemme woro na beze ŋi nlen Ma Adǝshǝri. 10 Nŋi zi anu gara me, nan Adǝshǝri, i tǝni isansan, uyiya birwa, nan udira macara se ina wuza aji a haŋi anu gara me. 11 Aza uruna ugiya me, ŋi tǝ ni kando geme se woro woze nan nŋi, uga Aco nan abiya hame, 12 u gurwana o hodo da nŋi wuna birwa, nan u ŋana u runa ogeme se Adǝshǝri barse, Onu tisa nan u yisiza u huŋi a tegomo mǝ teme. 13 Aza igiya ze kuyya tiyyǝ i gusan Adǝshǝri kö. Baka se i wa kaiy retuma rǝ Adǝshǝri a surǝ woro se ŋi wa kuna, iwa gara nanno dan baka nlen mo ono ne. Ama i wa kaiy mame, aza ma gangaŋ manze, nlen mǝ Adǝshǝri. Nlen magiya manze mara tǝno anyimǝ a haŋi anu gara. 14 Baka nŋi, anuwanan, cikǝ ni anu massaza emegeme se Churche uwa Adǝshǝri a Judea wozeze anyimi Yeso unu kassa. Baka nŋi wa tejeje aza epe evento me a surǝ ana ape a haŋi, rewuza asurǝ ti Jews. 15 Ti Jews tenze tiwa wuna Aco Yeso, nan Atumǝ Adǝshǝri. Ti Jews tenza tiwa kore do. Ŋa tǝ wuza emegeme se Adǝshǝri barsa ne. Bata ŋa woze ukara nan zale ano. 16 Ŋawa tuna do di bezezze ana paŋ da ŋa mura ruma. Imu nǝrǝ nze ŋa na binja nan macara cebete. Ucaro birwa bǝ Adǝhǝri bi nin mura ŋe atiyu massa. 17 Awa wara do nan ŋi, anuwanan, a deŋe uca u bate, a ripuŋ, dan a birwa ne. Woro wa barse, tubarsa te cebete, u nǝrǝ aja haŋi. 18 Baka iwa barsa u rawa ara haŋi, imi, Paule, kavento, konzen, ama Shetan wa tuna do. 19 Baka iya ze wedo tǝndǝsi aza ŋyaru, né Malo, né remura ri itǝndǝse hedo aza atiyura o Yeso unu kassa? dan nŋi zi uga awe nai?́ 20 Baka nŋi zi uyisiza o hodo, nan malowa mado.