1 Emegeme se i wa zen dinka, si ŋi wa kuna e pe me, si ŋi wa nari nan aji a hado, ŋi wa ni kima, i ko i dupa nan tǝrǝ tiŋi - enze aza nlen ma Ruma. 2 Konzen, Ruma reme, a wa ru réme, nan u nari, konzen a wor cikǝ anu nyǝka uru o hodo aza hame. Woro ra biyǝ epe Ruma ri-sunŋ daga suru Aco, se a wa bezedo. 3 Emegeme se i wa kuna i ko i nari enze ira biyǝmi ŋi. Baka da ŋi tarse do u cikǝ home, u cikǝ o hodo, u cikǝ a Aco nan vano me Yeso unu kasa. 4 Konzen, a baro tegogoro tija se ŋi wa bare da telowa tedo ti binja ze. 5 Retuma rigiya da rebezezze ŋi aza hame: Ədǝshǝri zi ŋi ra tanon me, konzen a me mari madamanuni. 6 Ingase e go ira tarsǝ Ədǝshǝri, eze adedonza hado zin mari, iranpore manze, i-gaŋgaŋ dami ŋi ni. 7 Bata ingase ira tǝno a nyimi i-sansan eze taren Mme ngeme, enze manyi ma vano Aco-hado Yeso nin kwiji do sansan. 8 Ngase woro go i damen macara ne, woro damen i-gaŋgaŋ a birwa bedo ne, 9 Amma ngase woro garan macara mado, nze i saŋara ogwene, Mme unu magaŋgaŋ ma nin kuna do enze ma wedo ogwene, ma ko kwiji do macara mado. 10 Ngase woro ke igo, i damen macara ne, eze o go ira gusa Mme ono ogwene mazen npore mageme, a bata nleŋa mame madamiruwe hedo ne.