1 Tarsi ni tibarsa i cikǝ nan iruwa baka tiyiza tu uvunu ngo gangaŋ nane meze se i nin biyǝ emegeme se iranu a nin buku. 2 Bata onogeme se ma bǝnuzu nan remelo nlen ma ta bǝnuzu nan anone she Ədǝshǝri, bakase oye tin kuna mene, bakase ma bizi tommo tu gurkuza anyimu uvunu. 3 Ama onogeme se ma bi emegeme se a bizi ano a piyi ŋi, a ŋa nyaŋe agata konzen nan agata a birwa. 4 Onogeme se ma bǝnu a melo base ma ra piyǝ retǝ reme konzen onogeme se ma bi emegeme se a bizizi i pizi akura Ədǝshǝri. 5 Wajiya in ra barsa zale huŋi uga awa bǝnu zun amelo, konzen ita kira nane in ra barsa ŋi ta bi emegeme se ma bi emegeme se awa buki ma kira onogeme se ma bǝnu nan amelo she ngo owe wa gare baka da yiza a kura Ədǝshǝri. 6 Bata waja, ano wanan, ingase nra i ŋi a bǝnun amelo yamino huŋi nin mura? In tin yiya ne, she in gase in bi i ŋi nan u bursu, nan kan bursukun né ru mi né emegeme se a buki né obezeze. 7 Ingase tommo tu dira ruma ti zuzizi a gurmu, sakama bisharuwa ne omolo konzen ŋa ta zuzi a gurm keken keken avin nin ru isǝnǝ remelo regeme se bisharuwa nan omolo me ra gusa me? 8 Bata Ingase a wursi rejo nan uyu gurmu, i nin zi owe nin ru se uca mamaro baku kara? 9 Nane ze eze nan ŋi nga i baki u baka nu ogeme se u damen remo anu ni, in nin zi owe nin ru emegeme se u na buku? U nin gata bǝnu, konzen owe dama konoye ne. 10 Eboze ranu cebete egeme se i ranu i wa ta rai ama sanone, konzen e te ranu se a ta kuna ne. 11 Bata ingase in ta kuna eboze mene, nin cikǝ ogen unu biyǝ mi eboze, konzen unu biyǝ mi nin cikǝ ogen i mi. 12 Sakaman nane, eze nan ŋi, bakase ŋi na wuna iruwa owonko uvunu, conno ni di wushǝji nan imu nyaka se enze ni piyǝ akura Ədǝshǝri. 13 Nane ze onogeme se ma bi amelo ma remmo a ma waŋare emegeme se mana biyǝ. 14 Baka ingase in remmo nan remelo uvunu hon remmezo, taken nane birwa bon bi dan binja ne. 15 I yammo ze in nin wuna? I nin remmo nan uvuno hon, konzen in nin remmo na birwa bon, in nin gusi rina nan uvuno hon, konzen in nin gose irina nan birwa bon. 16 Baka inga uyiza Ədǝshǝri nan uvunu, nin zi unyaka in buku "nan tayate." Ingase unyaka kukwan né ma nin ru emegeme se ŋo ra biyǝ mi ni? 17 Baka tabarsa kukwan ri ŋi cebete, bata udaŋara ono adawa piŋi ni. 18 Ina gunan Ədǝshǝri kukwan sen ra bǝnu nan amelo in kira kuwavi u huŋi. 19 Bata akura Ədǝshǝri i ra nu i nin kira buki amelo shibi nan urumo hon baka in ra nu in bi a daŋara, aza nlen tigu rikuri anyimi eboze. 20 Awanon, tago i cikǝ abiya a dodonza haŋi ni, she aza imi buru, cikǝ ni si abiya, konzen adodonza haŋi a cikǝ a tenoŋono. 21 A makiri awa darse, "asuru eboze agen nan ti nu ta agen in nin buka ana giya. Ko se ŋa tin kunan ne," ubuka Aco. 22 Konzen, amelo ri runa renze da anu ru ni konzen anu diru ru mi. Konzen emegeme se ara abiya né emegeme se ara abiya mi eru runa da anu gara me ne konzen she au gara me. 23 Ingo, nane, kusun akura Ədǝshǝri rai aravento konzen kusun ŋa ra rai arevento kusun ŋa bǝnu nan amelo konzen a kai nan anu diru opete ayimi, ŋa tin gusa eze nan inannuri ni? 24 Bata ingase ŋi kusun wara emegeme se ara bizami konzen onu diru konne una kai petayimi anu dira kunuza me kusun ŋa nin tǝsǝ mi. Ŋa nin biyǝ mi nlen kusun azi emege se ana biyǝ. 25 Bira bi biriwa beme a nin bursu. Aza nane ze, ma nin gara a iminyua me ma guruwǝnǝ a Ədǝshǝri. Ma go gangaŋ ze Ədǝshǝri ra zatǝ haŋi. 26 Iyammo ze imu wu na konzen, Ayeno? Uca ogeme se i gurna arevento, kuwavi zen irina, obezeze, ubursu, eboze, né uwaŋara eboze. Wuza ni kuyyammo baka da I piyi aru patǝji. 27 Ingase oye bukǝnu nan eboze, deka mura anka repo né aka deŋe anka taro, konzen kuwavi o ho ŋe nan uca o home, nze owe nin buki emegeme see an buki. 28 Bata ingase a tin mura unu buki mi ni, deke kuwavi anyimǝ haŋe go wete anyimi aru pate rete reme. Deke kuwavi bukǝnu nan retǝ reme konzen a Ədǝshǝri. 29 Deke Atuma anka repo né anka taro bukǝnu, konzen deke udaŋara me koneze nan remo ŋa ru emegeme se arǝ biyǝmi. 30 Bata inga ana beze unu cikǝ arame, deke onu bǝnu go wete. 31 Baka kuwavi uhuŋi nin biyǝ Keken Keken da kusun massa konzen a mura ubunku. 32 Tunsi uvunu uwa Atuma Atuma men mǝnti. 33 Bakase Ədǝshǝri dawe awu burkala ara ne, ama awu cikǝ shammo. Igiya ze makiri ma kuyyaji aru pate rete a anu you birwa. 34 Da Awai cikǝ wete anyimi akura Ədǝshǝri. Baka awa tǝ nyaŋe agatu bukǝnu ni. Aza nane a ŋa tarse nan unyaka rete, sakama ogeme se makiri ma buki. 35 Ingase iyabo ze ŋa ripu massa me, a ŋa saŋare acakura haŋe atau. Baka izi ememme Ingo uwai bǝnu anyimi akura Ədǝshǝri. 36 Nlen mǝ Ədǝshǝri mawa rai asuri iŋi zi? Inŋi zi base se mawa deŋe ŋi? 37 Ingase oye ni retǝ reme see manze utuma né unu sansaŋ, a ma ru se tegogoro tegemese in wa darsa a ka iŋi eze mǝruku mǝ Aco manze. 38 Ama ingase owe go ma tǝ ru igiya ne, tago a ru mi ni. 39 Aza nane, Ayeno, gangaŋ barsa ŋi ucikǝ Atuma, konzen tago I tuna owe ubǝnu eboze ne. 40 Ama wuza ni kuyyiya kima a turuna ti wuma.