¹ Khero kha tepzun, "Khulli khulli ni ɗita tepma, kham piɗɗima wo kherghi ti nenei mbomi wo arri murim ma a weh mina ɗuklei ta kyaru kha ɓang yim." ² Kha ya pi son poro monni, Yeso kha saɗ Bitrus, kha Yakubu, kha Yowanna, kha ammuwon nizun khu manni panni gyori, kha mizun. ³ Khumun sini kha penghurani, ti ɗohzun. Saɗi sini kha ɗiya peh kha ɓung ɓiran anghi yi manni kiɗam am wo ti kyaghi ya kiɗam peh khirei ti khu pebem. ⁴ Ma Iliya khama Musa kha pettu ti sizun mikhei ta yi paro kha Yeso. ⁵ Bitrus kha tep ti Yeso, "An mamwe, yow wala wo mun penna ningghei, khara mun ɓaghri luɓɓo gɓunum, monni khego,monni ti Musa ɗang minni ti Iliya." ⁶ (Lunkhu sizun yow khoh, mikhei a pen weh wo mikhei ti ɗeɓinam.) ⁷ Yeɓe kha wattu khompozun. Manni ele yi kha pettu ti ya yeɓeyi, "Khei yi minen tei yi Lahno wo rossono menow kha si. Ma khireni." ⁸ Khumun, wo mikhei gapparow ya piɗi, mikhei a weh manni miya ti piɗi ɓiran yim kheɗeng Yeso. ⁹ Wo mikhei ta kyaru ti khu panni yi,khero kha kyol khumozun ta ma mikhei a tep ti manni miya weh wo mikhei wawyim ma'a milan wo Lahni miya ti illina tiya murom. ¹⁰ Mikhei ta yi ɗama yi ti pi sizun ta a weh wuni "Mo illo ti muro ɗima ya? ¹¹ Mikhei kha mazni, "Dima lunkhu wuni wo ma an balla ta teppani ta ni Elisha wo ta ɓawu piɗi meru ya?" ¹² Khero kha tepzun, "ti yi kikhei mo Iliya ɓaru penghuru elenkhu mo khero ɓaghri weh pehp. Dang yow kha yaghai ɓiran wo ɓallow ta Lahni miya ti khi bone ɗang ɓiran khuɗni. ¹³ Biran ni di ta tepma ta Iliya ɓawu piɗi wanna, ɓiran mikhei yuweni pehp weh wo mikhei mengi yuweni khigi wo pehp alagara yi yow paro ti khuni." ¹⁴ Kha penghuruzun pini issi an ya ɗohni yi mikhei kha weh lenya gɓo mikhei ta yii ɗama kha minɓuɗe an ɓalla yi ta yi paro kha sun. ¹⁵ Mikhei khumun wo waw sini Yeso, yuwah kha khepzun mikhei kha yi su wor ya ɗomi Yeso. ¹⁶ Khero kha maz ma an ya ɗohni, "A khina khu wuni wo ma yighi kha sun ɗima ya? " ¹⁷ Miya manni kha menani ta "An mama, ni wanna kha lahno ti pigho. khero kham kha ɗuren khirim wo a wassigheni ɗang yi parom. ¹⁸ Mo kheppeni ɗang purni ti khuyel ɗang kyuk-kyuk nɗi perri ti ya pohni, khero nɗi khiya pohni ɗang ɓiran essani. Ni ɗimmow anya ɗohgho ma mikhei perwon kha khirim ɗurei yi mikhei a wawu yuwanim." ¹⁹ Khero kha menani ti ponzun ta, "khu pebe wo wom kha liya ɓongyim, niri ɗiya khamma kha yaghai?son teghan wo niri yi di khamma ya? wattun kha lah yi." ²⁰ Mikhei kha wattun kha lahyi ti pini khumun wo khirim ɗurei yi waw Yeso kha pur lahyi ti khuyel khumun khero kha kparani. Lahyi kha sugani ti khuytel kyuk-kyuk ta pettu tiya pohni. ²¹ Yeso kha maz ɗahni lahyi, "ɗima wassi kheppow lahyi ɗimin ɗima?" Dahni ta "Tun ta lahyi. ²² Yiɗang purgenji tiya wuzzi khama ya am mengi kpukri.Mo khiri wawu yi manni wehyi, ɗuklkuzum,kheppomun." ²³ Yeso kha tepni, "Ma khiri wawuna? mo miya kham kha li ya ɓong, khero ti wawu yi pehp wowuni." ²⁴ Khumun dahni kha yiru khui ta teppani, "Ni ɓow ya ɓongno "Kheppono pehp kha kiɗam la li ya ɓongno khei yi." ²⁵ Wo Yeso waw lenya ta yiru tana wattu pini, khero kha zan khirim ɗurei yi ta, "Khi khirim ɓeba kha ɓalla, ni zannegho, pero ti si lahyi, kha penghuru ya sini ɓiran yim." ²⁶ Khirim yiu kha yi khui kha kpari lahyi kha ɓung panang kha pettu.Lahyi singhow khigi khero murrow, lenya gɓo ta "khero murrow." ²⁷ Panan Yeso kha khep khirani, kha kyogherni gak, lahyi kha kherani. ²⁸ Wo Yeso penghura ya mina, an ya ɗohni kha mazin, "A wo wuni yow wo munɗa wawu peruwon kha khirim ɗunrei yim ya? ²⁹ Khero kha tepzun ta, "khiɗam khei yi ari perrim kheɗeng kha ɗimmi aro." ³⁰ Mikhei kha wor Galili. A menghi mo lenya pen piɗi wo mikhei ɗiiyighim, ³¹ Khero ta mam ma anya ɗohni ta "Lahni miya ti ri ya khirani lenya, mikhei ti khimeni. Mo khimeni, kha ya pi son gɓunum, khero ti illina ɓiran." ³² Biran mikhei a wawu pen khu kiɗam paro kheiyim, ɓiran mikhei ta yi kyo mazni. ³³ Mikhei kha pori Kafarnahum. Kaya pi wo khero row yaminai yi khero kha mazzun, "Ma ɗita ɗam khu wuni ti kokko ɗima?" ³⁴ Mikhei ɗiyezun kha pohzun. Lunkhu mikhei ta yio kina ti tallazun ta anong ti tallazun wo ti ɗiya mingɓuɗe ɗima. ³⁵ Wo khero ɗiya wow di, khero kha yeru yeru an ya ɗohni pehp kha tepzun, "Mo miya mengi si ɗiya ningɓuɗe, ɗang khero mengi si ɗiya mingɓuɗe, ɗang khero ti ɗiya lah an suran tiya pi pehp." ³⁶ Khero kha ummi lah yokhol kha luwani ti tallazun. Kha saɗɗani ti ya khirani ta, ³⁷ Pehp miya wo kheppow kiɗam lah kheiyi ti ya sommono, ɗang kheppeno, ɓiran miya wo kheppeno, a khep kheɗeng mem, pehp kha miya wo surneno." ³⁸ Yowanna kha tep ta, "An mama, mun waw manni ɗita perwon kha khirim ɗure tiya sommogho,muku kherwon kha si ellenkhu khero a ɗapghi pimunim." ³⁹ Panan Yeso ta, "makha kherwon kha sim, elenhku angha miya wo ti wawu yi kiɗam gɓuɗe poro kheiyi tiya sommono ɗang yeɓe wattu yi paron ɗure ti khumonim. ⁴⁰ Pehp miya wo a khuɗmunim, ɗi ɗoyi kha mun. ⁴¹ Pehp mioya wo munghema ɓiɗɗim am ma soh lunkhu ma an khini Kirti, khulli ni teppema, khero ari wiri khu wosi ɓangnim. ⁴² Pehp miya wo soppow siɓɓa kheiyi wo low ɓongzun ti pino kha khelani ti ɗoh khokkono, ti ɗiya wala mo logheni bin lenni we ti ɓonhngni kha wireni tiya neghe. ⁴³ Mo khiragho soppegho khi kha khelani ti ɗoh kpokko, khakyo. Ti ɗiya wala mokhoriya mina ɗuktei kha khira monni ti khu wo khiri ri ya wuzzi kha khira pelleu. ⁴⁴ "Piɗi wo khukyan sizun a murghim, ɓiran wuzziyi a murmhurghim." ⁴⁵ Mo sogho soppegho ya kpuksogho, khusso khe wiro, ti ɗiya wala ti khu wokhiri ri ya mina ɗuktei kha sogho monni kha wo khiri ri yawuzzi kha sogho pellowi. ⁴⁶ "Piɗi wo khukyan sizun a murghim, ɓiran wuzziyi a murtmurghim" ⁴⁷ Mo arogho monni soppegho khe kpuksogho, ukkulo khe wiro, ti ɗiya wala mokhi ri ya mina duktei kha aro monni ti khu wo khiri ri ya wuzzi kha arogho pellow. ⁴⁸ "Pidi wo khukyan si zun a murghim, panan wuzziyi a murmurghim. ⁴⁹ Lunkhu mam kwaug si lenya pehp kha wuzzi. ⁵⁰ Kwang wala,mo tommon kwang perrow, khiri wawu merun kha tomonyi ya?