¹ Mir Farisa wannan pini Yeso pehp kha piɗɗi an ballayi wo wannan Urshalima. ² Mikhei gappou khigi an yaɗohni Yeso ma mikhei ta khi wokhina mikhei a puɗɗighi khirazun yim. ³ Lunkhu mir Farisawa kha mir Yahuda pehpzun a khigi wokhina kha ɗing khiram, ɗi yiwow ɓong ma mikhei puɗɗi khira zun kha kuɗeyi pu kham mikheikhi wokhina. Mikhei yi gi wukkhei yi lunkhu ma mikhei khep so ɗi mir tanghozun. ⁴ Ma mir Farisawa penghura ti ɗam pili, diyiwow ɓong ma mikhei piraam panang mikhei khi wokhina. Kham issi poh ɗin tangho yi wo mikhei yighi poro kha tei mbomi khigi ma puɗɗi ɓiɗɗim, ɗyeleng kha issi illa ɓoloyi, pehp khama khume piɗi khi wokhina.) ⁵ Mir Farisawa kha an ɓalla kha maz Yeso, "A wo wuni yow wo an yaɗogho a khephi pi so an di won tangoyim ya? lunkhu mikhei khigi wokhina a kha puɗɗan khiram?" ⁶ Khero kha mawon nizun kha kha ele paro yi ta "Ishaya ɗoppow paro ti khuma an poro. Gaɓɗoh, khero ɓallo ta "Leny amkihei ta wabno kheɗeng ti ya pohzun ɗang rosso zun talli kha ne. ⁷ Waɓazun gellani ti ɗoh kokko no, nyallanzun keɗeng wo yighi ti ɗoh lenya." ⁸ Ma wayyiro arr parono makha ummi ɓallam arrparo ni lenya. ⁹ Kha tepzun biran, "Ma kyow toum wo ma khuɗow arr paroni Yamba yi panang maka ummi ɓallan arr paroma lenya! ¹⁰ Lunkhu Musa teppow,'Mungɓuɗe ti dagho kha nagho,' ɓiran, 'Miya wo teppow paron ɗure ti khuni ɗahni ɗang nani khero ti muri ɓong.' ¹¹ Biran ma teppow ti ma anleni "Pehp kiɗam kheppok wo ma waw ɗi pino ma kheɓ wala wom kha ɗingyim (ɗiyirow khigi woni munghow ti Yamba)." ¹² Ma diyiwo kikhei yi, ma mungheni kokko wo khero ari kheppohni ma anleni ɓirangyim. ¹³ Ma saɗɗow ballan arr paro ni Yamba wane, lunkhu kokko won tangho wo ma kyuppezun kiɗam khei yi khama issizun pehp poro wo ma yiighi." ¹⁴ Khero kha yeru lenya ɓiran kha tepzun "Ma yari khumoma ti pino, ɓiran ma peno. ¹⁵ Angha manni weh wo penna ti pini miya, "kha ri ya awwoni, wo ti ɗakkenim. Kheɗeng weh wo penna ti ya awwoni wo ti wawu dakkleni." ¹⁶ Ma pehp miya wo kham kha khumo khirani,mo khiro. ¹⁷ Khumun kha ruwan Yeso ya mina, an ya ɗohni kha mazni mo khero ɓalenzun khu ɗoh paro khei yi wo khero yo wala. ¹⁸ Yeso kha tepta, 'Ma wom kha penan yim ya? ma pen ta pehp wo row ya awwo ni miya ti pheɓhe arri wawu ɗakklenim, ¹⁹ Lunkhu arri porri ya rossonim, ti kheron kiɗeng ti ya awwoni ɗang pettu khigi korot ti ya wuyo." Taroni Yeso khei yi, perwon kha ɗing si wokhina pehp ti milan khi rei gi. ²⁰ Khero ta, kheɗeng weh wo ɗita ya awwoni miya, wo ti dakkleni. ²¹ Lunkhu ti ya awwoni miya,khama tiya rossoni wo, nyanghin, tanghri ya piɗi, khiri, ²² Khime, ɗalak, men khui, giro, mukki, kyoghri khui, tumm, khep miya ti ɓong. ²³ Khiɗam poro ɗing mikhei yi pehp pergi ti ya awwoni miya, ɗang ɗakkli miya." ²⁴ Kha illani ti ninghei yi kha per kuɗe khuyel sur kha siɗa. Khero kha riya manni minayi, ellenkhu khero a menghi mo lenya penta khero din ti piɗim, ɓirang khero a wawu tukkanim. ²⁵ Khumun manni la pomin yi, wo larho di kha durhen khirim, khiro pissini, wanna kha gussirani ti ɗohni. ²⁶ La pominy ti penna ti khuyel fomishiya kha wattu ɗiyani ti khuyel girko kha ɗimmeni ta mo khero perwon, kha khirim ɗure khei yi ti si lahno. ²⁷ Kha tepro, "khara mani khauri siɓɓa ya mina pukkan. Lunkhu ari yi wala mo saɗ wokhina siɓɓa ɗan ɗabon ti imnem." ²⁸ Mollo kha mawwo kha paroyi ta, "Ihno an-mina,inneyi yiɗang ɗemmilighi issi wokhina wo sugna ti khu leburni siɓɓa yi." ²⁹ Kha tepro ta, "Lunkhu khi yow paro kikhei yi, kiri wawu mengi ti khui eleng khu ɗuren khirim yi perwon ti si laghin." ³⁰ Mollo pengirow mina worrow waw lahno singhi ti khu wo pohson, khirim yi perow ti sirhoyi. ³¹ Khero ɓiran kha perwon ti sur kha kottu kuɗe Sidon kha perwon ti si neghe Gallili ti khuyel Dikafolis. ³² Mikhei kha wattu kha manni an gɓalla yi ɓiran an ɓeɓa ni si, mikhei ta ɗimmeni ta mo khero soɓ khira ti khuni. ³³ Kha kyolluru lah yi ti talla lenya yi, kha worwon gyeleng, kha sob kpaɗɗak ni tiya khumo ni lah yi, kha yapi wo pazuwon eret kha nap ɗakni. ³⁴ Kha ɗeri ɗohni ti gak, kha kyol sunnani kha tep ti lah yi,Ifatha," ta "abu!" ³⁵ Khumun khumani kha aɓani, kheran ɗakkyi kha piɗɗa ni, khero kyero kha khepsiyi paro wala kha kyol khumozun, ma mikheri kha tep ti mannim./ Pehp kha kiɗam kyol khumo wo kyero yowyi mikhe wayirow pisi ni ti ya piɗi pehp. ³⁶ kha kyol khumozun, ma mikhei kha tep ti mannim. Pehp kha kiɗam kyol khumo wo khero yowyimikhei wayirow pisi ni ti ya piɗi pehp. ³⁷ Biran yuwah kha khepzun pehp mikhei kha tepta "khero yow pehp wuni kha kuɗɗe yi. Khero appow khumo an gballa an ɓeɓa pehp yow paro.