¹ Khere parow ti piɗi khikhei kha me ya minani, khama an yaɗani ɗappow pini. ² Millan nessani kha pottu, khere row ya mina ɗimmi Yamba ta mam paroni Yamba. Lenya gɓo yuweh kheppezun ma mikhei ta kiri kiɗan paro wo khere ta teppani. Mikhei teppow, "Khero waw kiɗam mama khei ti tong ɗimma ya?" "A kiɗami khigha wuni khekkhei wo Yamba mungheni ɗima ya?" "A wo wuni kiɗan yuweh kheyi wo khero ta yuwani kha khirani?" ³ Kheiyi a an pakkharo weh kha ɓurom ya lahni Maryamu khama mollni ma Yakubu kha Yosi kha Yahuda kha Saminu ya? MA molloni a ɗiiyighi ti tallamunim ya? "Ya ɓong zuun ɗakholow kha paroni Yeso. ⁴ Yeso kha tépzun, "A khuɗghi anɗopparom, ma a kéɗéng ti ya minazun kha ankininim." ⁵ Khéro a wawu yi wo yuwah gɓo tiya minazunim, khéɗeng luwan khira wo khero low ti khu an ɗugha mikhei kha weh ɓang siizun. ⁶ Yuwa kha khepni ti khu wo mikhei a menkha paronim. Khero kha per ya pi minayi kha khi toum kha mamwehyi ti piɗi. ⁷ Khero kha yeru an ya ɗohni gɓummo tura pelleu kha khepsi surzun pelleu ti khu pelleu, kha munzun ɓang ti khu ɗuuren khirim. ⁸ Kha kyol khumozun ta ma mikhei kha saɗ manni saɗim, keɗend la ngɓarum-anghigi gyuk ɗanyukkim, angha luttum, ɓitang angha kurbe liya ghiɓazununim- ⁹ Ma mikhei teɓ keɗeng tagha, ma mikhei ɓiran kha teɗ soɓɓa wo gyorin. ¹⁰ Kha tepzun, "Ma ma row ya minani manni, ma kyonni saop panang ma pettu ɗohmoni. ¹¹ Mo manni minayi a khepnam ɓirang a khiremanim, moma wannan ya pettum ma temmi ɓulgu soma ti diiya wo kiini poma ti pi zun." ¹² Mikhei perow ya sappo pok ta mo lenya khilo ti kokko yi ɗingzun. ¹³ Mikhei peppirom kha ɗuuren khirim, kha li khira ti khu an dugha kha pattirezun murr ti khuzuun mikhei kha weh ɓangsizun. ¹⁴ An khuppeni Hiridus, kirou pehp yuwah wo Yeso yighi, ellengkhu sommoni Yeso wayyirow ti yapiɗi pehp manni ta teppani ta, "Illuwon kha Yowanna kha ya pi, lunkhu khei, ɓang yuwah khei ɗita khi toum ti sini." ¹⁵ Lenya manni teppou, "Mikhei ni anɗopparo, khigimanni anɗopparo won pikhe." ¹⁶ Hiridus wo khirou paro khei kha tep ta, "Yohanna, wo ni ɗiilow, illow." ¹⁷ Lunkhu Hiridus kheppou Yowanna kha khaɗpohni tiya mina khaɗ pok lunkhu mannani HIrodiya (manna mollni Philip) lunkhu kheri ɗikkero. ¹⁸ Lunkhu Yowanna teppou ti Hiridus, "Ballan arh paron ɓang mun a mungho ɓang ma khi ɗish manna mollgho mo khero kham kha kighanim. ¹⁹ Khei paro wo soppow Hirodiya soppow ti ɓongro paani khim Yowanna, ɓiran mollo a weh kokkom. ²⁰ Lunkhu Hiridus ta yi kyohni Yowanna; khero penow ta khero a an ɗingyim, ni miya an rosson taɓerah, minentei paro wo soppeni khere ta khareni wala. Pehp milang wo Yowanna ta yi paro kha Hiridus rossoni illigyi kha ɓung, mo yeɓe khero diiyiwow ya khatti pi paroyi, ɗang rossoni muttina yallalla. ²¹ Panang bomi Hirodiya waw kokko yi wo rossoro mengi son billina wo khatta kha milang wo la Hiridus khero yena pehp khere an poroni mingɓuɗɗina khama yoholi tiya Galili mo wattu yi ɗughle ɗang khi kiɗam wokhina wo rossozun mengi milan khi rei yi. ²² Lahni Hirodiya wo pominyi penna ta yizun sor wo kheppow rossoni Hiridus khama mizbani pehp. Kup Hiridus kha tep ti la khunyoyi, "Mazno pehp wo khi mengi ti ya rossogi ɗang niri mungi." ²³ Khero kha pammi weroweh ta "A wowuni wo khi teppow wo khi mengi, ma kheppow ta khi mengi mo khaɓi khuyelno khei ti ya talla pellow, mazu niri mungi." ²⁴ Mollo kha perani kha mazru naaro ta "A weh wuni wo niri mazi mo khero munno ya? "Mollo ta "Gurunkhuni Yowanna an Batisma." ²⁵ Mollo khumun kha me pini kup yi, kha tepni ta, "Ni mengi kha munno, mɓomi khei yi, gurunkuni Yowanna an Batisma ti khu ɓalan ɓuro." ²⁶ Rosson ni kup kha illa kha buung, ɓirang kyero ari wawu khuɗanmin lunkhu kyero ɓawu piɗi pammow ti ɗoni lennya wo walherna. ²⁷ Kalang kha sur an pessi wudzini monni kha munni arr paro won ɓang, ma kyero wor wattun kha gurukhuni yawana. An pessi wuziyi kha worani kha ɗittu gurukhuyiti mina khal pokki. ²⁸ kyero kha wattu kha gurunkhuyi khu baalan buroyi kha mun ti la poniyi, la kungyuoyi kha munun ti naaroyi. ²⁹ Ma an ya dohni yawanna wo khirow pissini kyeiyi, mikkyei kha wattu sad khu moyi kha nannani tiya ɗam nane. ³⁰ Anya doh ni Yeso kha wattu kha tepni pehp wo mikkyei yow kha wo mikkyei penow. ³¹ Kyero kha tepzun "ma wo khouli khuma ti piɗi monni panang ma kyoumi sima yokkol," lunkhu lenkhu ta ammani nɗi kyaru, mikyei a weh piɗi kyoumi sizunim ɗang mikkyei khi wokina. ³² mikkyei kha khouli khuzun tiya manni kume tiya gwonayi. ³³ Lennya gbo woh weɗɗiyezun ta khoppani ɓirang kha pehnzun wala , khalang mikhei kha ɓiɓɓiru kha tana kha peppittu tiya mina wo khommirow piɗi yi kha ɓauwezun toum pori piɗi wo mikhei mengi yi worani. ³⁴ Kha poranzun poh neghe yi Yeso kha weh khawan lenya mikhei yi khero kha ɗam paani ɓelellazun lunkhu mikhei penna sap kha wossuɗa wo wou kha an lem pohzunim. ³⁵ Pikki kha sughani an ya ɗohni wanna pini kha tepni ta, "Piɗi khei yi khoulani ɓirang pikki sukkow. ³⁶ Tep ti lenya yi ma mikhei khekkoro mo mikhei rhiɗɗiyo ya minan gɓuɗe khama khoran mina wo yokkozok lunkhu ma mikhei pippillui wokhina wo mikhei ti khi." ³⁷ Kha menani kha tepzun ta, "Ma , ma munzun wohkina mo mikhei kyun." mikhei kha tepni "Muri wawu wor yamina mun pillu gyuk ɗangyuk wo poh nera nyapellow mun munzun ya?" ³⁸ Khero kha tepzun, "Ma kham kha teghan ti pima mɓomi? woro ma gabru." Mikher yei worw gbapna kha wattu tepni ta "Gyukɗangyuk kham fwart khama kirip pellou kpaɗɗani." ³⁹ Khero kha khuzi paro ta ma mikhei ɗiya ti khu more sozzo. ⁴⁰ Mikhei kha ɗiyani khawa lenya manni khik monni, manni nya fwart. ⁴¹ Khero kha saɗ gyuk ɗangyuk fwart khama kirip pelleu khei yi, kha kyoghri khuni ti gak, kha li khira ti khui, kha kyoghri gyukɗangyukyi, kha munti an yaɗohni ma mikhei khapparon ti khawan lenya yi pehp. ⁴² Mikhei kyow gonghozun kha khemani. ⁴³ Mikhei kha kwawuru issi gussuran gyuk ɗangyuka, khama kirip yi porow gyara gɓummo tura pelleu. ⁴⁴ Lenya poro khik fwart wo kyow kippi kha gyukɗangyuk khei yi. ⁴⁵ Khumun khero kha tep ti an ya ɗohni ma mikhei ri ya gwong ma mikhei per khommo wor kyoneni ti Baitsaida. Khero kyerow kha ya pi lunkhu mengi lipi lenya wo wakkorma. ⁴⁶ Wo mikhei perow khommoyi khero kha ammi ya pannio ya yi ɗimma. ⁴⁷ Pikhi kha sughani, pukkun ghong ɗilew yi dil ta talla neghe yi, ɗang khero si kha mini ti khommo khe yi. ⁴⁸ Khero gaɓrezun mikhei dita belella elenkhu khira am ɓang ta ɓohni ɗohzun. Kha poh liliu khigi maman zauwa pedow khero kha wor pizun ta taɓhani tti khu am khigi khero mengi khoɓi ya ɗohzun. ⁴⁹ Panag wo mikhei waw weni ta taɓani ti khu anyi mikhei ɗammo ta kpang ni murromikhei kha yi wala. ⁵⁰ Pehpzun kyoh kha kepzun, wo mikhei gappeni. Khumun khero kha yizun paro ta, "makayi kyohm, ma si ma yi ɓang, nine." ⁵¹ Khero kha riya gwongyi kha sun panan khira amyi kha kherani; yuwah kha khepzun kha ɓung." ⁵² Lunkhu mikhei a kep khu paani gyuk dangyukyim ti poh khei yi rossozun yow ɓang. ⁵³ Mikhei kha tessi gwong yi ti poh neghe yi kha ri ya mina Janisarita. ⁵⁴ Peranzun tiya gwong yi khumun lenya kha pen ta khei yi ni Yeso. ⁵⁵ Lenya khumun kha peppitun kha an dugha ti khu wo possonzun kha wattu ya ɗohni Yeso kha tana, yiɗan mikhei yighi kikhei mo mikhei khiro pissini ta wattu. ⁵⁶ Pehp piɗi wo khero ruwow, minan ngɓuɗe kha yokhol yi, pehp ti khuyel yi, mikhei ta pettun kha an ɗugha ti khu ɗam-pili ɗang ɗimmeni ma wassezun ma mikhei nap gyeleng soɓɓana, pehp miya wo nappow soɓɓani wehgi ɓangsig.