Pala 20

1 Milan wo, Yeso ɗi khu super ɗi ya mina ɗimma kha soppipo paro khong ɓang, galang shugaban an kpagha kha an ɓalla mikhe kha wattu ɓi mun gɓuɗina. 2 Mikhe kha yi paro, ta "Mikhi ta tebni ta tebmun kha ɓang wini wo yi ji pehp wikke? "Da anon mun ghe gho ɓang khei? " 3 Kha menani galang kha tebzun "Ne ɗi kha maza, tebno weh 4 Kha batisma Yowanna. Ti gak wo wuri kho ti pi lenya ya?" 5 Galang mikhe kha, suppiɗo "Sap mikhe ta ma teppo, "Ta ti gak,' ta mazi mun ta elenkhu ni ma mun ya rosso ti khui? 6 Ma mun teppo, 'Ti pi lenya,' pehp lenya ta menno ta ɓong zun Yowanna an anɗop paro." 7 Mikhe teɓani ta, "Mikhe a pen kho ti ton wo penna. 8 Yeso kha teɓzun, ta, "Kikhei ne ma nari teɓma kho ɓang non wo ni ɗi ta yi wikkei." 9 Kha teb ti lenya mikhe mammirani ta, "manni miya tuppho kuri inabi, kha mun ti piɗɗi an sittau jingina,kha khobi manni piɗi wo tali kha kyumuri ti piɗi. 10 Wo milan kpari weh puna kha surtu kebeni ti ɓi an, sittau. Elenkhu mikhe mun ni ti ya weh khuri, ma kikhei an sittaumikhe kha tuk cini, mikhe kha khai ni ya khira wane. 11 Kha surtu manni kebe, mikhe tuk cini mikhei kha munni sugan khui, mikhe kha khai ni khira wane. 12 Kha ɓiran surtu an gɓunum mikhe kha no ɓeni piɗa, mikhe kha wireni ti pehɓe. 13 Ma kikhei an khuri Inabi ta, "An wo na yi? Na sur Lahno wo ya ɓongno ɗiti khui mino ma mikhe wawehni ta munni gɓuɗe.' 14 Ma kikhei wo a sittau mikhei wawehni. Mikhe kha ɗeppiɗo kha sapzun ta khei mina an kholli wo khirani, khero mun tukni. Elenkhu ma kholo, weh khira ma ɗiya weh mun.' 15 Mikhei kha wireni ti pehbe khuri, mikhe kha tukni. Anni wo anmina khuro Inabi ta yi kha sun? 16 Ta wattu kha omme pehp ɗo an sittau khei galang ta mun khuri ti manni. "Wo mikhe kiroi wikhe mikhe, ta, "Ma, "Yamba walpokhui!" 17 Ma kikhei Yeso kha ninghezun, ta "Biran a wini ar paro khei: ' Panni wo an ɗighe kuɗou lu wehni khu jeren ɗighe? 18 Pehp miya wo sukho ti khu panni ta to ɗina, ma kikhei pehp miya wo panni sukkho ti khuni ta ɓukki yani." 19 Galang lenya kha mun gɓuɗina an kpagha mikhei kha ya khepni milan khirei elenkhu mikhe peno yo mammari khei ti khuzun, ma kikhei kha kyo lenya. 20 Mikhe ta wanni, mikhe kha sur an khommi fok, wo mikhe ɗi khizi an kyun rosso, elenkhu ma mikhe wehni kha ghelan pok paro, elenkhu munni ti khong kha ti ɓangni an khuzi khong. 21 Mikhe kha masni, ta, "A super mun peno khi tekkhi kha suppi wo wala, ɓiran an ghiye miya riji ya parogho, ma kikhei khi soppigi khulli ti kokko ni Yamba. 22 Ni kham ɗiwo khong ti khu mun muni weh khuyel kho a khi, khei?" 23 Ma kikhei Yeso penan mikhe mengi ghe le ya soni, galang tebzun, ta, 24 "Kyunpno dinari, khirim nonlk ti khui ɓiran ɓalla ti khui?" mikhei, ta "Wani "Kaisar." 25 Kha tebzun ta, "Ma mun ti Kaisar weh wehni Kaisar, ma ɓiran mun ti Yamba wo kheni Yamba." 26 A ɓalla kha mun gɓuɓina an kpagha mikhe a weh wo mikhe ta kpanni ti khum ti ya paroni. Ti ya ɗo lenya, mikhei kha yi wehyuwah kha kiɗam menan po paro wo khere yi wehzun, mikhe a waki khu yi paro. 27 Milan wo Sadukiya wattu pini, wo mikhe anghiye tashi mattatu, 28 Mikhe kha masni, ta "Musa ɓallo ta La Da mol ɗik pomina ellenkhu ma weh La. 29 Kham an mollo palireu, wo ti tom ikho galang murani anghiye la, 30 Kikhei an peleu. 31 Kikhei an gɓunum kikhei wo wor an pali reu, an palireu muro a wossi la pehp kha muttani. 32 Kha pomini kha murani. 33 Milan illan mattatu, manni non wo muro ta ɗina? ellenkhu pehp palireu ɗikkhiro." 34 Yeso tebzun, ta, "Siɓɓa khu pehbe khei ti ɗi ɗigha. Biran munjezun ta ɗigho. 35 Ma kikhei wo wau mikhe wala pikke mikhe poro fo illan mattatu, mari khu ɗigha kho ɗigun kha sun. 36 Mikhe po kha siɓɓa an suran Yamba, elenkhu siɓɓa illan mattatu. 37 Ma kikhei pari illa mattatu, Musa kyuppo khei ya sozzo, piɗi wo ya anmina, Yamba ni Ibrahim Yamba ni Ishaku Yamba ni Yakubu. 38 Momi khere a Yamba an muro, ma kikhei weh ni an khigha elenkhu pehp mikhe ɗi kha kigha ti pini." 39 Piɗɗi an ɓalla kha menani ta, "A soper khi meno wala. 40 Biran mikhe a yi manni maza. 41 Kha tebzun, "yaghan wo ma yeji an mirpok Lah Dauda? 42 Dauda kha khuni teppo ti alagara pononni, anminano teppo ti anminano, ɗegho ti khu khiran khiwehno, 43 Na li an ɓanagho ti ɗab sogho.' 44 Dauda ya "Kristi', anminano kha ya ghan mara yeni Lahni Dauda?" 45 Pehp lenya ta khirani kha teɓani ti siɓɓa an poroni, 46 Ma walkiɓo kha ɓalla wo mikhe mengi gɓuɗina shaɓa, mikhe mengi ɗomezun ti piɗi pilkha weh. 47 Mikhe ɓiran lauwi wo khira a serep wo ma mannazun murou' mikhe kekghi kha lenya ti yi ɗimma. Mikhe ta weh khong wo gɓuɗe.