Pala 1

1 Bulus, anyeh ti piɗi anmirpok Yeso Kirti elenkhu ma khere ɗia anɗopparo ti piɗi menan Yamba, kha anmolimun Sastanisu, 2 wo woron ti ikkilisiyani Yamba wo ɗigi ti Korinti, wo woron ti mikhei wo khawong ti ya anmirpok Yeso Kirti, mikhe wo yawu elenkhu mikhe ɗina lenya taɓerah. Mun ɓiran yuwema ɓalla ti peh anye ti khu sommo anminamun Yeso Kirti anmirpok ti khotong, sin anminazun kha anminamun ɓiran. 3 Ma kyunkhu kha liɓong ma wattu ti pini Yamba Dahmu kha anminamun Yeso Kirti anmirpok. 4 Khoɗimin ni ni ri piɗi pammi Yambano elenkhuma, elenkhu kyung yaɓong Yanba kha anmirpok Yeso Kirti wo yiwema. 5 Ta munma kpaɗa ti khowoni kokko, ti ya peh paro kha peh penan, 6 khizi wo ɗigi ta mirpok ti khuni kha kikhei khulli ti ya tallama. 7 Elenkhu kikhei mari kpapima wri ankhirimti woma ɗigi kyongnani pengurtu Anminamun, Yeso Kirti anmirpok. 8 Khere ta munma ɓangsik wo wori kheɗen, elenkhu mari ɗina anɗokkhili ti pikkini Anminamun Yeso Kirti. 9 Yamba antomon, yaɓong ni si kikhe wo yene ma ti tomon ɓong ta Lah, Yeso Kirti anmirpok anminamun. 10 Ni ti piɗi ɗimmema anmoli, tiya sommo anminamun Yeso Kirti, anmirpok, ma meni kha sap, kharma khapparani ma ɓɗina ti yamah. Ni ti piɗi ɓɗimmema ma ɓɗiya kha yaɓɗong monni kha khiga monni. 11 Lunkhui lenya minani kulowi mikhe wanna kha khara ti khui kham khapparankhui ti yazun. 12 Ma itong khonong ta teɓani ta "Itong kheɓeni Bulus, "kho "Itong kheɓeni Kefas" kho "Itong kheɓeni Anmirpok." 13 Anmirpok ya khapparni? Gangzonburo Bulus elenkhu ma? kho pinnyema am ti ya sommoni Bulus? 14 Ni pammo ti Yamba elenkhu na yi mimniman pinan am, kheɗen Kirisfus kha Gayus. 15 Ni yoh wikke elenkhu kharma manni teɓi ta pinnyemun am ti ya sommoni. 16 (Ni yoh yaminani Sitifanas pinnan am alkheɗen khem, na penou kho ni pinnwong ti manni am.) 17 Lunkhui anmirpo a surteni elenkhu ma khere pinni am, makikhe elenkhu soppipoparo, khere a surteno elenkhu ni yi soppi paro kha arparo ti ya penan kheni miya. Elenkhu kharma ganzanburo anmirpok ma wem ɓangni. 18 Lunkhui soppipoparo kheni ganzan buro ɗure ti lenya wo muturo. Ma kikhe tiya mikhe Yamba anmirpok, ɓangni Yamba. 19 Lunkhui ɓallani kikhe, "na pattina kha penan kikhe anpenan. Na khari penan ti anpenan." 20 Itong anpenani? Itong bonei? Itong an kyoliparo ti khupehbe khei? Yamba an pengurou penan khupehbe woron tum ya? 21 Tannwo khupehbe ɗigi tumni soppipoparo ta poɗi wo mikhe penan kha khulli. 22 LunkhuYahudawa ta ɓani weh yuwa, Helinawa ɓiran ta ɓani penan. 23 Ma kikhe anmirpok wo loh ti khu buro penni wo tukposo ti Yahudawa kha ɓiran tum ti Halinawa. 24 Ma kikhe ti mikhe wo Yamba yau, Yahudawa kha Helinawa, mutti soppipok anmirpok ti khu juk ɓang kha ɓiran penan Yamba. 25 Lunkhu tumni Yamba khopo penan lenya, ɓiran wom ɓangni Yamba khopo kheni lenya ɓang. 26 Ɓiani yema, a peh ma wo ɗigi kha penan ɓani lenya. A pehma wo ɗigi kha ɓang. A pehma wo lawema ta wo sopɓan. 27 Ma kikhe Yamba kyakkhema kha weh ɗure ti khupehbe elenkhu an sugan khui kha an penan. Yamba kyakko weh wom kha ɓang ti khupehbe elenkhu sugan khui kha wo ɗigi kha ɓang. 28 Yamba kyakjo weh a walam kha khurani ti khupehbe. Khere kyakjo wikkhe kha weh a saji mani wei wo mungɓuɗe. 29 Khere yo wikkhe elenkhu kharma manni peni elenkhu ɓiɗɗikhui ti ɗoni. 30 Elenkhu wo Yamba yoh, bomi ma ɗigi tiya anmirpok Yeso Kirti, wo weinomun penan ti pini Yamba, wei wala kha khuppina, kha munan khui. 31 Ti memakho khei, khizi wo arparo teppo, "An tughe po ɓili, ma tuk po ɓili tiya Anminamun."