Pala 2

1 Ma-man woni wanna pima, anmoli, na wattu kha ɓakharan parou kho penan ti khu soppiei tugher ni teɓema khasi Yamba. 2 Elenkhu ni saɗo ti yarossona kharui peni khoni ti ma-man woni ɗigi ɗo kha ma kheɗen si Yeso Kirti Anmirpok, ti khu ganzanburo. 3 Ni ɗigi kha ma tiya ghezou, kha kyo kha sughan yaɓong wo gɓo. 4 Ɓiran suranno kha soppiri-pok a ɗigi ɗo kha arpara penan wo khebpo kigha- panan khei, mikhe wanna kha aɓan khirim kha ɓang, 5 elenkhu karma menanma ɗina tiya penan khe ni lenya, ma kikhe tiya kheni ɓang Yamba. 6 Bomi mun ta yi paro penan ti mikhe ɗikko, ma kikhe penan khimu a kheni khupehbe khem, kho kheni an khuppina phupehbe,wo mikhe ta kpaɗɗani. 7 Panan khei, mun ti paro penan Yamba ta tugher khulli, tugher penan kha Yamba wo panan ɗigi mutti para penan ti khupehbe mungɓuɗe. 8 Wom manni an khuppina kheni khupehbe khei ma peni nunjuk, kha mikhe ganzon ti khu buro Anminamun mun gɓuɗe. 9 Mikhe khizi wo ɓallani "Wikke wo wom kha aro wo wau, wom kha khumo khirani, wom yarosso wo La, wikke wo Yanba ɓakghoro wo mikhe menanni.? 10 Wikhe minan wo Yamba teppo mun ti piɗi khirim. Lunkhui khirim ti ɓaɗonou khoni, kpai wikhe wo jori kheni Yamba. 11 Lunkhui annong penou ɓali yaɓong miya, galang kho khirim miyan wo ɗigi yani? khei ma wom manni wo peno wo tali kheni Yamba kheɗen ti piɗi khirim Yamba. 12 Muna kheɓi khirim ti khupehbe ma, ɓiran khirim wo wanna ti pini Yamba, elenkhu mun penou wei wo munyimun ta poɗa ti pini Yamba. 13 Mun yigi paro ti khu wikhe kha arparo kha penan kha kheni miya arwawe yi suber, ma kikhe mikhe wo ɗigi kha khirim ma kyuɓema. Khirim ti pen khiri arparo ankhirim kha penan ti ankhirim. 14 Miya wo wom kha ankhirim arkhebi manni wei wo a ɗigi ti piɗi khirim Yamba. Ɗiyoh wo ɗilikhui ti pini, arwawi penezun elenkhu khirim wo ta teɓperezun. 15 Sin wo ɗigi kha ankhirim tayi khongni pehp wei, mikhe sin ɗigi ti pissi khong issi lenya. 16 Anong ta wawi peni yarosso Anminamun, wo ta wawi munipok?" Ɓiran mun ɗigi kha yarosso khidam kheni Anmirpok.