Udaraŋa o 2

1 Uca ogeme se ma kuri aa kaparnahum, amaro ti muru bate, enze a kone se mǝ rǝ ǝtitǝu. 2 Nze ano u nannai me, ŋa ra ŋa binja nane se a ta mura ara u waka ne, ǝrǝ kǝi a ta mura ara ne, enze Yeso biyǝn nlen ma me a ŋe. 3 Enze awe wa rawa ame se ŋara ra nan uguŋ; an ka naze wa zaki mi. 4 Se ŋa nii ŋa tan date ŋa ra voto a ame ne baka ri yǝgǝ ra ano, nze ŋa pǝni asoro a gapana ara Yeso, se ŋa na pǝni, enze ŋa biza ara o tete a geme se uguŋ mi wara luta ǝnu. 5 Nan u nǝrǝ u yiya birwa be ŋe, Yeso goŋ u guŋ mi, "Vana, macara mai ana ita ma me," 6 Wagiya, awe ano obezezze makiri wa raa cikǝ ara me, nze ŋa me u biyǝ bira a ŋe i ruwa. 7 A gusa, "awenni zi Ono uja mə bǝnu nane? Ma raa buzu makiri! Əvizi date u ita macara ken nan Ədǝshǝri base?" 8 Uca ogemme, Yeso wǝ ruu ǝnyimi uvunu o home eme geme se ŋa ra adodonzo me. Ma goŋ ŋe, "Baka iyaze ŋi ra adodonzo i ŋi i riuwa? 9 Iyu zi kira da agoŋ u guŋ mi, 'macara mai ana yita nee ago 'Yira, zǝkǝ ara o tete a hai u ŋana'? 10 Eze kima ŋi ru se Vana Ono mazen agata u ita macara a masano," 11 Ma gon ugun mi. "Na buku a ŋo, Yira tore, zǝkǝ o peŋe o hoi." 12 Ma yere enze ma wa zǝki opeŋe, sassa, enze ma suri ǝtitǝu mi ma ka tore ǝkǝi ǝji ano, enze ŋa kerkene, ŋa kone iwi, Kweren o hoŋe konzen ŋa iza Ədəshəri, enze ŋa go, "Woro i dǝwǝ ni isana iyabo uga igiya ne." 13 Enze ma suri ma wame a rekero ri u danira, konzen zale riyǝgǝ ra ano ri wara ra ame, enze ma bezezze ŋe. 14 Se mme a waka, ma nii Levi vana u Alphaeus ǝ cikə u gura uwa ano u kasa iru in nyaŋa, nze ma gomme, "Tarson." ma yere ma tarse me. 15 Yeso maa ra wushu emete a kura Levi nze ano u kasa iru in nyaŋa nan ano macara ŋa ra a wushu mi nan me, nan atuma a hame, ano wara ara me cebete enze ŋa tarse me. 16 Se ano obezezze makiri, ti Pharisees tenze, se ŋa ni Yeso wa ra wushu imu wushu nan ano macara nan ano u kasa iru, ŋa goŋ atuma ahame, "baka iyaze ma raa wushu imu wushu nan ano u kasa iru nan ano macara?" 17 Se Yeso wa kuna igiya, enze ma gon ŋe, "Ano ageme se ŋa ze gayan, tǝmǝnya maŋe nan Ono u ŋiza tuka; ano makwene base ŋanze ŋa ginǝri Ono u ŋiza tuka. Min dan ra baka ano magaŋgaŋ ne, se ano macara." 18 Wagiya a tuma a Jone nan ti Pharisees ŋa re e komo. Awe rai enze ŋa gomme, "Baka iyaze atuma a Jone nan ti Pharisees ŋa re e komo, bata konzen atuma a hai ŋa dame e komo ne? " 19 Yeso goŋŋe, arene o norome ŋa cikǝ nan e komo se onorome me dan ŋe? Ngase onorome me dan ŋe, ŋa dama a cikə nan e komo ne. 20 Konzen ti muru tira ra Se ono rome me ǝrǝ zǝkǝ ome a deke ŋe, ǝnyimi ti muru te geme, ŋa nin wuza e komo. 21 Owe dǝmǝnu se ma wuza adozo tommo ti sau aza te kozo ne, te kozo teme ti ra a waro u darso te deke ti sau teme, konzen u darso me nin cikǝ u caron. 22 Owe dǝmǝnu se ma wuna mǝ sǝsǝu ma sau uu caro o kozo ma pate, ngase ma tazo, mara pura me ma suri Kweren, konzen u caro nan mǝsǝsǝu ma me a dere zale." 23 Atiyǝ o vonke, maa suri ma wame aa ti ru ti yǝu, nze atuma a hame mee u yisa ate i yǝu. 24 Ti Pharisees te gomme, "nǝrǝ, iya ze ŋara wuza eme geme se makiri manze ǝtiyǝ o vonke? 25 Ma goŋ ŋe, "ŋi wata bara eme geme se David wa woze se ma ra a kuna e komo, mme nan ano ageme se ŋa ze nan me, 26 nane se ma pete u gura Ədəshəri uca ogeme se Abiathar ma ze Priest u səru, nze ma wushi a borode ageme se a wara a rame konzen maa she ano ageme se ma ze nan ŋe. Egeme se i wa ze i makiri manze tago owe ma wushi ni se nŋe ti Priest teme?" 27 Yeso go, "O vonke aa wuna baka ano, dan ano baka o vonke ne. 28 Baka nane, Vana Ōno manze Aco, nan o vonke me."