1 Gir ma swarmai ma Yeso Kristi bah Baku pana yi ne i rum wa korom yi wu gir dbah a ho do ning gbang sa, a ho yo pa'a. Yi bah wo tum Malekai i pa she'ele mashen bah korom yi Yohana, 2 Yi bah ka pah she'ele lo'o Baku, i mo Yeso Kristi, i wu gir bwang bah yi wo sunu. 3 Gir ma shimai mashen bah bwara ba ko bal be lo'o ma pa-kunu mani, i gir ma shimai mashen bawu bah wa'ana a wara ku nchimya beh gir ba a ngwa'ala ku chiri bwi, chew ne missai taa pwer. 4 I yoo ba Yohana mashen bau wu Bahkarnda tangnza baring ba a ku nzah Asiya. Gir ma shimai, i ningya shima mashen bah wun ku yo baa i ham, i bah wu ham makira'ai, i bah ko yo ku duwa, i wu mpilar tangzah baring bah a ku dum ban ningyi re'enghe yi. 5 I yo bah Yeso Kristi, yi bah pa she'ele ma shimai, mun bamun ma njeh ku yoo ciri wu bah a wa'ahama, i bah rengye ku mur wu Gom ma Taraman bwa. Mashen bii yi bah njila su, kah ra'atsa buksu ku yoo girbiwa su i shillai. 6 Yi ma'ana su, su ningya wu bah renghe i wu bah nzah nzah ne su pa'a tumu yi Baku i Tari mashen bii bongyo i ngarngya ning ma hueng! innah. 7 sunnu, ko yo bene mungah, wu bapina bwang a ho suni, i wu bah a wo ko'ori i be'eu, wu pabina bwang ma Taraman a ho zollo suhu nchimya ku muri. ko ning nah! Innah. 8 "Mini mi Alpha i Omega" mi ma duwa, i ma maarsai, Baku ka chewe, yi bah yi mani, yi wo ham, yi bah ko yo ma ganai." 9 Mi Yohana so'ongyi wun i mwan ningya li chiri, i mulki, i kur nhimu, i chele i ngyarngya bah wassa ma bah su ku ciri Yeso. Mi wo ku mur ban magina bah ai tu'ulu ne Patmos chew lo'o Baku i pah she'ele ma Yeso. 10 Ku duk missa ma Baku mi wu ku mpilar, ga wo'o i yoo nswam mwara jimmu bene mwoon. 11 Bah chew ne, "ngwo'olo gir ba a suna ku beh bum mpuknsheme ka a tum mashen bau wu Bahkarnda tangzah baring bah a ku Afisus, i ma Samiruna, i ma Birgamos, i ma Tayatira, i mah Sardisu, i ma Filiadalfiya, i ma Lawadikiya bwa." 12 Nah pirwi ne mu sun bay i mur lo'o yam, mu mur p[irwi she sun wu fitila Tangzabaring bah a pa'ana ya i ba'a tah ma shimai. 13 Ku chiri wu fitila nga sun magina bene mun bapina, chila ho yisa twan ma guli bah yo gulu njina nsum mgbi'i, ka kura gul ka'atwan ma, ba'ah tah ma shimai (Zinariya) ku ku'ui. 14 Ka'a muri i ngwong muri bungnah bene luru, bungnah bwa bene lilaa, i ngya'amishi bene las bissa. 15 Wu mgbi'i bene bolo bah a tulu, ji'ingi bene mu'uru i mur bo'olo ku sallah. 16 I wara wu lewer tanzah baring ku buhi ma li, be'eu ruding ma linai ka pur i yo kuni. mishi i mur bung ban bene missa io mur tah ku yo kalang. 17 Bah suni, ngah kwa su'ula ho dwi bene wuhna. ka toh buhi ma li chihi ku muram chew ne, "A mi bang ji'iri sa. mini mi ma duwa i ma marsai, 18 Mini mi bay i nchimi, wu wuhna, i mani wu sunu, mii nchimam ma hueng! mini wara beh ngya'a kulik ma wuh i ma hades ha ku buham. 20 Beh gir ma swarmai mau lewer tangzah baring bah a wu sunu ku buham ma lih ma, i wu fitila tangnzah baring ba a pa'ana yi, i bah tah ma shimai ma, ya mini: Wu lewer tangnzah baring ma, yana wu maleka ma wu Bah Karnda tangnzah baring ma, beh wu fitila tangnzah baring ma, yana wu beh Bah-Karndda tangnzah baring ma.