NGYI 28

1 Duk beh "Asabar" ba misa ho pwer boro mashen duk ma mo'on i be "Sati."Maryamu Magadaliya i beh "Maryamu magina ma a wo yo nda sun beh murshi'ila. 2 Ina be nzah ka ji'iri bwana, mun tumu Tarsu ka su'ulu ku yo kalang, ka li'iri beh tah lahun iyi ning ku muri. Wo bung ban bene linsheme, twangyi puhi bene ngya'a lila'a. 4 Wu bah tam ban i ning ku nda bi'ingi yirya i ji'iri, a pi'iri bene wu bapina ma wuhnaya. 5 Beh mun tumu Baku ka lo'owa wu maam ka chew wa ne "wu bi bang ji'iri sa, mi shi'ila ne wu mur pe'e Yeso ba a gi'irai ma. 6 I do ha nini sa, i lwa'ama, bene bah i wo chiwa. Wu yo sun beh ban bah beh Tarsu nongna 7 Wu ka'ara shene ne wu sa chewa wu muna ye'elei ne. I lu'ama ku yo wuh. Sunu, i sahna ku dumwun mashen Galili. Wo suni ho banai.' sunu, mi chiwa wun." 8 Wu maam a ka'ara ji'ingi beh murshi'ila i ji'iri, i bong nchimya, a bangya ma shen da chewe wa muna ye'elei. 9 Yeso ka parya kane, "za'ara" Beh wu maam a yo bi, a bol mgbi'i a so'onzah pi. 10 Yeso ka chew wa ne, "A do bang ji'iri sa, wu shen chew wa wu swana ne a shen ashen Galili, "I banai ma ho sunam." 11 Wu beh maam a mur shene, wu gamur bah tamban a shen mashen ngila a chew wa wu mua'ara wu bah warta'a Baku, a chew ya gir bah a suna pa'ana bwang. 12 Ya a shen ba wu mu'ara jeh a lo'o i yirya i mur be chewe a pa ngya'abolo mgbe'e wa wu beh tah mwarang. 13 A chew wa ne, "nama wu chew wa ne wu muna ye'ele tumui ya yuana i duhu pa'ana nshiwii kwana njere iyi ba samu nong tolong. 14 Beh lo'o mani na shina bah Gomna, so girshi beh lo'o, gir ma biwai ko do kum wun sa" 15 Wu bah tahmwarang a ya'a beh ngya'abolo a pa'a bene bah a wo chew wa ne a pa'a. Be lo'o mani kumu karngya ku ciri wu Yahudawa yo ma lina mani. 16 Wu ba muna ye'elei bah a lum kunya mo'on ma a shen mashen "Galili" mashen be ko'okono bah Yeso wo chew wa ne a shen banai. 17 Bah a sun a suni a so'o nzah pi, wu gina ku chiriya a do'o yer ku nchimya sa. 18 Yeso ka yo baya ka chew wane, "Wu gir bwang ku kalang i nzah a panayam." 19 Nama wu shene sa ma'a wu bapina ne a war chi'i ku be nzah bwang ya. Wu parya ku mu'uru i lu'ulu Taru, i ma muni, imapuhu Mpilar." 20 Wu sah wa ne a ma'a murya ku wu gir mbwang ba mini mi ma'ana wun. mi mini mi ho bawun i duhi duhi, mashen beh marsa ramman bwang.