¹ Yeso bassa pur wa muna ye'elei ku kang sallah ma Tabariya, i wo ning bene bili. ² Siman Bitrus, i Toma bah ai tu'uli ne, mun pwassa, i Nataniyel ma Kan Galili, wu muna Zabadi, i wu magina baring ko yo ciri wu muna ye'elei, a wu ho i ya. ³ Siman Bitrus chew ya ne, "Mu shen nda pe'e nshi," A chew yi ne ne, " su shen i we." A la'ahun puru bor bum jirgi mu'uru, beh duhi bili a do bol ngya'a nshi mo'on sa. ⁴ I Galam duduhu, Yeso puru chele ho kun nsalla, wu muna ye'elei do she'ele ne Yeso sa. ⁵ Yeso ka tu'ulu ya ne, "Wu mwanam, wu kuma beh wu nshi?" A yer ne, wih." ⁶ Ka chew wa ne, wu so'o beh nguri bol wu nshi ho chiri mu'uru, ku babuk ma li, wo kum ya ho banai, a pa'a bene ba chew wa, a do ngi sung beh nguri mayo bum beh Jirgi sa, chew lu'uru wu nshi bah a bwala. ⁷ Beh mun ye'ele bah Yeso njilai, chew yi Bitrus ne, "Bwajeh yi mani." Siman Bitrus wo'o ma i mur chew ne, "Bwajeh yi mani." ka to twan yiri yishi (Wu sor twan yiri twala) ka zuhu lele bor sana chiri mu'uru. ⁸ Wu gamur muna ye'elei a war chi'i ku bum Jirgi, a mur sung beh zuruk ma rutsa i wu ngya'a nshi, a wu do i mur nsah sa, ⁹ A puru yo mur nsa, a sun kal-bissa a mur ton wu nshi ku muri, i wu fo'ofo ho genghi. ¹⁰ Yeso ka chew wa ne, "Wu kau yo ho ciri wu nshi bah wu bwala war wuna." ¹¹ Siman Bitrus ka yewe bor bum Jirgi, sung beh nshi ma pur pura i ya. Beh wu nshi a wu bwana; wu muara ya a wu sa jina lum gba'a lum kuni tongnung i kuni tarung (153) bee zuruk, ke ka'a nguri shere wo do sa'ana pa'a biwa sa. ¹² Yeso Ka chew wa ne, wu shi yo li billa ma duduhu." Mo'on ku ciri beh muna ye'elei do mwi ne, "ya we yen?" A wu she'ele ne, yi Bwajeh ya. ¹³ Yeso ka yo, toh beh for'fo bo'ongo gau ya i yi, ka pa'a naa i nshi bwa. ¹⁴ Mani yi ma gba'a tarung ba yeso i mur pur wa muna ye'elei ku yo duk missai bah a luasai yo wuh. ¹⁵ A li billa malama, Yeso chew yi Siman Bitrus, "Siman mun Yohana, a njila mi ma ngichewe bwana?" "Inna. Bwajeh," ka chew ne, "We a shi'ila ne njila we." ka chew yi ne, "Nama a pah billa wa nzur yam," ¹⁶ Yo puru bwo'olo, Yeso chew ne, Siman mun Yohoanna, a njila mi ma ngichewe?" Ksa yer yi ne, Inna, Bwajeh, a shi'ila ne njila we." Yeso ka cdhew yi ne, "ningyi ning lele wu nzur yam." ¹⁷ Ma gba'a tarung ka chew yi ne Siman mun Yohana a njila mi? Bitrus ka suhu nchimi chew bah Yeso mwai ma gba'a tarung ne, "A njila gir bwang, a shi'ila ne njila we." Yeso chew ne, pa billa wa nzur yam. ¹⁸ Mu mur chew wun ngichewe, Bah na wo shi musonoi, ko yis twan yiri puru shen mashen bana ba i njila; a na pa'a ka'ajeh wo nara buho, bwara yi kio yisau twan yiro. ka waro shen mashen bana bah a do njila shene sa. ¹⁹ Yeso chew wu gir mani ne i pa'a misali i beh wuh bah Bitrus ko to lu'ulu Baku yiwa. ka chew yi ne, "War ta'am." ²⁰ Bitrus pirwi ka sun mun ye'ele bah Yeso njilai i wo ho mur war ta'aya. (Yi wo bah yishi yiri ku mur koh Yeso ku bana li billa, ka chew ne, "Bwajeh yen ko yo bi no pau girbiwa?") ²¹ Bitrus ka suni ka mwe ne, "Bwajeh, beh sono mani kpah?" ²² Yeso ka yer ne, "Na njila ne i ning i nchimi mashen missa bah mu bunuyere yo, bili ningyau man? Ningyau mgba'a ne wu war ta'am." ²³ Chew wu gir mani, lo'o ka gau ban mashen bawu laya ne, mun ye'ele bili ko do wuh sa. Yeso wo do chew ne, ko do wu sa, wo chew ne, "Na njila ne i ning i nchimi mashen duk bah na bunuyere yuama. bili ninghau man?" ²⁴ Yi beh mun ye'ele bah pa'ana pah she'ele wa gir mani, i ngwo'olo chihi bwa. Su shi'ila ne, pah she'elei ma ngichewe. ²⁵ Yeso wo pa'a wu gir shimai bwana. A wu ngwo'olo ya chiha bwang, yi beh taraman i ka'amuri ko do kum bana bah a s'o' wu mpuknsheme bah a ho ngwo'olo sa.