¹ Ku duk ma trung, a mur chik maampiwi ku Kana ma Galili. Ngi Yeso wo ho banai. ² A wo la'ana Yeso i wu muna ye'elei mashen bana chik bee maampiwi. ³ Mu'uru bil-nguni ka malla, Ngi Yeso ka chew yi ne, "a do i mu'uru bil -nguni sa." ⁴ Yeso ka chew yi ne, Bamaam, man pa'ana a yuana bam? Ban yam shiham ma pa'a." ⁵ Ngyi ka chew wa wu korom, "Gir bah na chiwa wun ne wu pa'a, wu pi'i." ⁶ Wu kpukpo'o tangzah ma tah bah i toh lesheng baring ke tarung a chii ha ya ho bene baa lassu wu Yahudawa ai pa'a. ⁷ Yeso ka chew wa ne, Wu ta'a mu'uru rusu beh wu Kpukpo'o. A ta'a mu'uru rutsu be wu kpukpo'o ma bwang ya tangzah. ⁸ Ka chew wa bekorom ne, wu yiwi sa pi beh tar bah chik maampiwi, a pa'a bene ba chiwa wa. ⁹ Beh Tar bah chik maampiwi la'ara mu'uru bah pirwi ningya mu'uru bil nguni Anab, do she'ele mbana bah a kumai yo h sa. Kpama wu bah ta'ana beh mur'uru yana shi'ila), Tar bah chik maampiwi ka chu'ulu milim maampiwi mashen kangyi. ¹⁰ Ka chew yi ne, ai shi war muuru bil anab ma shimai yo iyi, wu bapina a na nuama bwana, i yo nsun ai war bah do bwangna sa yo i yi; we a pirwi ji'inga bee mu'uru bil anab ma shimai ku nzum. ¹¹ Mini yi ma duwa ku yo girmah chiisai bah Yeso wu pa'a ku Kana ma Galili. Puru rum ya i rungchung bwonghai wu muna ye'ele a pa ngichewe ju muri. ¹² I yo ho banai. ka la'ahun shen mashen Kafarnahum, yi i Ngyi, i wu mu'uri, i wu muna ye'elei; a a ning ho banai ma duk chige'e. ¹³ Duk Paska mau Yahudawa wu taapwer, Yeso ka la'ahun shen mashen Urushalima. ¹⁴ Ka sa kum wu bapina ku paara ban ma ka'ana, wu nzur, wu mpili, i wu nkuu; i wu gamurya ningna a mur yangaa ngya'abolo. ¹⁵ Ka gir shi gban ma nguri ningyi to ta'a ya piri mashen nsah bwang ya i yo h ka'ana nere Baku. ka kpasang wu ba yangha ngya'abolo, ka to ban ningya ya pirwi mashen nzah. ¹⁶ Wu bah a wu mur kur i wu Gigi. ka chew wa ne, "Wu pur i wu gir mani mashen nsah; i pa,ana lan wa pirwa lah Dah ningya ban kur kuru." ¹⁷ Wu muna ye'elei a re'eshe a ngwa'ala ne," njel leu toh nchimam pir wa ma." ¹⁸ Wu bee Yahudawa a yer yi, a chew ne, girma mom chii sahai mahe bah wo rumsu i yi ne su she'ele ne wei pa'a wu gir mani? ¹⁹ Yeso ka yer wa, chew ne, wu so ka'ana nere Baku mani she'ele, mo bunyere ba'ah ku nongyo tarung." ²⁰ Wu beh Yahudawa a chew ne, "Lah mini twala su ba'a lum yinung i kuni tangzah ku ba'ah, we ne wo ngi ba'a ku nongyo tarung." ²¹ Beh ka'ana nere Baku baa i ur lo'o luana chew ka'amuri. ²² A wu lo'oshi i yo wuh, wu muna ye'elei a re'eshe gir ba wu chewe. A pa ngichewek i wu mpuknsheme, i wu nga'a lo'o ba Yeso wo i lo'o wa. ²³ I wu ho ciri Urushalima ku missa duk paska, wu bapina bwana a sun gir ma machi'i sahai bah wu mur pa'a, a pa ngichewe i lu'uli. ²⁴ Yeso wu do yer i ya sa, chew bah i shi'ila nchim wu bapina bwang. ²⁵ Yi do njila ne bwara pa she'ele ku mur bapina sa, yi i ka'amuri shi'ila girba ku nchim bapina.