¹ Ku yo chikchii wo ngya'a lo'o, beh ngya'a lo'o a woi Baku. ² I wo ho ku bah Baku ku yo chikchi'i ³ A pa'ana wu gir bwang ku chew yi, paam yi a do ngi pa'ana gima beh bah a wu pa'ana ya. ⁴ nchimu ho ku bii, beh nchimi yi bungban wu bapina. ⁵ Beh bung bab ii bungyu ku chiri duhu; yi beh duhu do ngina swormi sa. ⁶ Mbura magina wo yo bah a tumai i yo bah Baku, lu'uli Yohana. ⁷ yuana bene bah nshere nda pa she'ele ku mur bee bung ban, ne, ku yo bi wu bapina a ho pa ngichewe. ⁸ Do Yahaya yi wo be bung ban sa: I yuana gbira bene bah pa she'ele yi beh bungban. ⁹ Beh bungban ma ngichewe, bah i bungban wa bapina, wo yuana ha ciri taramuan. ¹⁰ I wo na taraman, i yo bi a pa'ana tahramuan; bee tah ramuan do sheeli sa. ¹¹ Wu yuana bau ma bi wu ma bi a be'ene ma yi'i. ¹² Wu bah a ya'anai pana wa nyarngya ne a ning wu munaBaku, wu bah ai pa ngichewe i lu'uli. ¹³ Wu baha bila ya, do yo shila sa, i do yo yiru sa, ido yo bah bapina sa i yo ba Baku. ¹⁴ Beh nga lo'o ning ngham-yiru (bapina), ka yo ningna ha basu. su suna ganai, ganai ma yi i loi mun ku yo bah Tari. ¹⁵ Yohana pana she'ele ku muri. Yohana ii ngya kuni chew ne, "Yi wo mani bah wo chewe, yi bah yua ku nzwam i yo gannah mi, chew ne i yuanam duwa." ¹⁶ I yo ciri bah ii yi bwana, su mbwang su sa ya'ana gir shima mo'on ku mur mo'on. ¹⁷ Wu dokoki wara pura ku yo bah Musa, gir shima, i ngi chewe wara buk Yeso Kristi mayo bassu. ¹⁸ Bwara mo'on do ngi suna Baku sa; Baku yi mo'on yi mo'ona loi; yi ku kang Tarsu bah ma'ana a shi'ilai. ¹⁹ Man yi ko pa she'ele ma Yohana mashen bawu Yahudawa ma Urushalima bah a tum wu bah sahsah i wu Laviyawa sa mwe ne, Ya'a we yen? ²⁰ Yi ma ka fah kuni chewe, do linan i ya a, wu yer wa ne, do mi yi beh Kristi sa." ²¹ A mwi ne na naa ma, we yen? ke we Iliya? a chew be, do mi yi sa. "we ba sun duwa?" Ka yer wa ne, "wi." ²² Yi ma a mwii, we yen, ne su pa beh lo'o wa wu bah a tuma su chew su gir bah su wara sa pa wa bah a tuma su, "we ne man ku chew ka'amuro?" ²³ Yohana ka yerwa i lo'o ma anabi Ishaya (bah sunduwa) ne, "Mi kunu bah i mur chu'ulu yo gba'a to'o. Wu girshi ningyawun bene bah Ishaya bah sunduwa wo chewe. ²⁴ I mani a wo tum wu gamur Farisiyawa. ²⁵ Yi ma a mwii a chewne, man yi pa'ana a mur pa'aya Baftisma, do we Kristi ke Iliyam ke bah sun duwa sa?" ²⁶ Yohana yerwa ne,"mii pa'a baftisma i mu'uru," ku ha ciri wun, bwara chila ha bah wuu wu do shi'ila sa. ²⁷ Yi bah yuana ku nzwam, bah mido jina ma mu so'oro nku mgbi'i iyo mgbi'i sa. ²⁸ A wo pa'a gir mani ku Bethani ku kang bwaa Urdun, bana bah Yohana wo mur pa'a wa baftisma ²⁹ Ban puru fah Yohana ka sun Yeso wuna ma yo dwi, ka chew ne, "Wu sun mu gam ma Baku ba twala gir biwa mau bah taraman ku muri! ³⁰ Yi mani bah chiwa ne, magina bah ywana ku nzwam, i yo gana mi, chew bah wu ham duwa i mi. ³¹ Mi i ka'a muram do shi'ilai sa, gir bah ma'ana mi mumur pa'a wa bapina baftisma i mu'uru yi ne a ho fyi yo swarmai pur pura wa wu muna Isra'ila. ³² Yohana ka pa she'ele ne, Wu sun mpilar i yo kalang bene gigi, ka yo su'ulu ku muri. ³³ Nga wo do shi'ilai sa, yi bah tuma mi ne, mu pa'a baftisma i mu'uru. kaa chiwam ne, beh bapina bah a na suna mpilar su'ulu yo ningna kumuri yi bau ko yo pa'a baftisma i Puhu Mpilar. ³⁴ Mi ma suna nga gishi shi'ile ne yi mun Baku." ³⁵ Ban fana i duhi mo'on, bah Yohana chila i wu muna Ye'ele tumui baring. ³⁶ A sun Yeso imur bo'olo, yima Yohana ka chew ne, "Wu sun Gam ma Baku!" ³⁷ Wu muna ye'ele Yohana baring wo'o gir ba yi Yohana chiwa ma a la'ahun war ta'a Yeso. ³⁸ Yeso pirwi, ka sun ya a mur war chi'i, ka mwe ya ne, "Man ba wu njila?" A chewne ne bah sahsah "wei ningya ku he?" ³⁹ "Wu yo," ka chew wa, wo sun bahnai." A shene sa sun ban ningyai, a nong ho bii, nongyo pur ngurung. Bwolo lum ma kurwa duhu wo pa'ama. ⁴⁰ Andarawus so'ongi Siman Bitrus wo mo'on iyo chiri una ye'ele baring bah a wo'o gir ba Yohanna chew-wa ku mur Yeso a la'ahun war ta'a yi Yeso. ⁴¹ Gir mo'on ba Andarawus pa'a dwa dwa yi bah pe'e mbwang so'ongi Siman chew yi ne, "Su kuma Almasihu (yi Kristi Yeso). ⁴² Ka wari shen bah Yeso. Yeso ka suni dong, ka chew ne, "We Siman mun Yohana: A tu'ulo ne we, Kefas." (yi tah). ⁴³ Ban puru fa, Yeso ka la'ahun shen mashen Galili. Ka sun Filibus, ka chewyi ne, wat ta'am." ⁴⁴ Filibus, bene, Andarawus, i Bitrus, a yo bana magina ba ai tu'uli ne Bethsaida. ⁴⁵ Filibus sa kum Nathaniel chew yi ne, su sa kuma ba Musa wu ngywa'ala ku muri, ku mpuknsheme dokoki, i bah wu bah sun duwa ngwa'ala ku muri bwa; yi Yeso ma Nazarat mun Yusufu.'' ⁴⁶ Nazarat! wu suna bene gima ma shimai ko pur i yo banai ?." Filibus ka chiwai, ne yo sunu. ⁴⁷ Yeso ka sun Nataniel i wuna bii, ka chew yi ne, sun bura Isra'ila ma ngichewe i wuna bah i do kass lo'o mgba'a baring sa. ⁴⁸ Nataniel ka mwi ne a pa'ana lan a shi'ila mi?" Yeso ka yere chew ne, bah Filibus ka mur ne i lo'o i we ma bah a ningna ku ta'a ngwin For, suna we." ⁴⁹ Nataniel ka bunyere yeryi ne, "Bah sahsah we yi mun Baku, we Gom mau Isra'ilawa. ⁵⁰ Yeso ka yer yi ne, ke, bah chiwau ne a ningnana ku ta'a ngwin for yi ba wu mur pa ngichewe? Wo sun wu gir bah a gana bili. ⁵¹ Ka bassa chew yi ne, mu mur chew wun ngichewe, wo sun kalang ko fah, wu maleiku mai Baku a ho ningyi nda su'ulu i yewe ku mur mun bapina.