1 Naningha, naah gbah, supa nyharnyha su kumur gir bah su wa'ana neh su zuk pura i beh lo'o bilisah. 2 Beh chumlo'o bah i pura ku bau puhu mbilar na ningnyha ngichewe, beh wu girbiwa a ya'ah chiri bah jina i beh wu girbiwa bah apa'ana. 3 So'o pa'alan su ta'apuru suna jinha beh mor ya'abuku? Beh ya'abuhu bah Bahku wo ma'akunu duah, su yera neh lo'o ku bau ah wo wa'ana ku bi. 4 Ku banni, Bahku yira iyi neh wu gir sunu, gir fakunu neh wu gir ganmuru ku beh gir pana mah pana gbirai ku mur yerayi. 5 Wo do'o mu puhu mbilar bah Bahku ma'a beh nzha,ah bhan sah, mur gir bah su mo lo'o. 6 Bwarra wo cheu ku bhana mogina ne. Yen yi bapina, bah ama'ana chimo ku muri? Ke mun bapina, bah wu re'eshe i yi? 7 A pa'ana bapina ninyha chigeh i wu mbilar yah. Ayiisai ka'a kara ma lem i ma pa jeh. 8 A ma'ana wu ghir mbwang ku ba'ah mgbihu. Wo cheu yi bah Bahku ma wu ghir mbwang. Wo'o do'o ku bahzhiinyi gimasa ba wo do'o ku bah mgbhisa. imani, su sam ma sun gima bah a pa'ana ku ba'ah mbihi. 9 Su suna imani bah a pa'anai ninyha chigeh ganna beh wu mbilar Bahku ma kpu'uru bhan: Yeso bah cheu chirii i wuih, ayiisai ka'a kara i lem i pajeh. Ne i mani cheu Ya'ah-i chiri ma'a Bahku yii la'ara wuh cheu wu bapina mbwang. 10 Wo ninyha kah kah i Bahku cheu bah wu ghir mbwang a ninyha cheu, yi mu nsherei. Ne a war wu mun bwana mayo lem. Wo ninyha kah ka'ah yii ne a ma'a bwajeh ma ya'a buyah mbwang ku bum wu chiri yi. 11 Bah ma'ana wu ghir ninyha puhi, i wu bah a ghirsa yah, bwang yah, a pura ku bhan mo'onah yi ma'ana i do'o ninyhai i nzo'o i chu'ulu yah ne wu songhii. 12 Yi chene, "Mo cheu wa'a swana lu'uloh, mo ma'a nsheleu ku chiri beh wu bapina." 13 Ne kpa, "I pa nghicewe yi" Ikpa, "Sunu mi ha ninih i beh wu munamun bah Bahku pa'ana man." 14 Ne bah wu muna Bahku a ghawa nghyam yiriu i shi'ila mo'on, Yeso kpanaa ghawa wu ghir i yah, ne ku chiri wuh ku buh to,oh i ba'a pa'a ghir biwa. 15 wo ninyha na'a ka'ah tah buh mbwang wu ba'a a wo ku chiri zhiiri wuh a ning ninyha yah mbwang ku chiri korom. 16 Do'o ku mur wu puhu mbilar ka'a ma'ana nchimsah, i ku mur wu bhele ma"Ibrahim" bah ma'ana nchimi. 17 Wo ninyhai gbah ne i ning bene beh wu songhii ku wu nshere mbwang, ne i ning bahchiri i bah pa nghicewe ma mor bah war lah Bahku ku mur wu ghir ma Bahku, ne i war tah buhu wau bapina mbwang. 18 Cheu bah Yeso i ka'amuri wo lih chiri a wo yoh mii sunu, Yi m kum wu ba'a amu mah yah.