1 1 Ma kiraii Bahku wo lo'o i wu ka'ahsu ku njere wu bah sun duwa ku njer bwana. 2 Yo ningnah i ku bhe duk ma marsai, i lo'ona wusu ku njere ma wuni, be bah i to'olai ne i ning ba li mburi wu gir mbwang. ku njerei Baku pa'ana beh ramman. 3 Yi ningna beh bungnyu ma Baku, i to'ola beh pa,a tari. I bwala wu beh gir bwa'ayah i beh lo'o ma gamuru. kunzum i zusa beh to'ongo njimu, i ningna ku buhu mali ma Baku ma. 4 I ningna bwaje ma puhu mbilar, beh ne lu'ulu bah ya'ana ku mbur ningah mor ma shimai gana lu'ulu mabayo. 5 Wo do'o chiwa wa puhu mbilar ne, "we munam, lina mi ningnah taroh" ne kpa, "moh ning taroh," kpa wo ning mun ku ban"? 6 Ne kpa, bah Bahku war beh bilai ma dwa yo kubeh nza'a bham, "chene, wu puhu mbilar mbwang gbah a ku'uru ku dwei." 7 Kumur wu puhu mbilar chiwa ne, "yi bah ma'ana wu beh mbilar puhu mbilar, a ning bah pa'a chumui i lasu ma bisa." 8 Ku mur muni chiwa ne, ban ningnhya wo a Bahku i ningha ma hueng. Beh garajeh ma la Bahku yi beh garaje (kpak-kpak ) ma ngichewe. 9 A wohnjila puhu chimu seh abina gir ma biwai. Yi bah ningnah Baku bah Bahku wo yochihina buhi ku ka'amuro i muru mo mbong njimu gana mwan ningya. 10 Iyo chikchic, Bahku, weh chikna beh chikchii nza'ah. Weh pa'an beh kalang. 11 Ayo'o ta- nza'ah, ne wo ning ma bo'o- bo'o aho'o pa'a ka'ade beneh twan. 12 Wo karma ya beneh ka'a twan, a ho pi' iri ning beh ne twan ma shimai. weh wo ning na'ah ne ba'awo ko do'oh malsa. 13 Yanku chiri wu puhu mbilar beh bah Bahku la'ana, " ne ning ku buham mali mo pi'iri wu bah ma'ana weh ku dumya, ne a ning gir ninyha ku bahgho'oh. 14 Do'o wbwang wu puhu mbilar ya mbilar ma pa'a chumusa, wubah Bahku i chumya, ne agirshi sun wo bah a ko ning bah li mbur ma Bahku?